Adnabod ac adrodd am e-byst sgam
Dyma ychydig o wybodaeth a chanllawiau ar beth i'w wneud os byddwch chi'n derbyn e-bost sgam.
Dogfennau
Manylion
Negeseuon e-bost twyllodrus
Rydym wedi derbyn adroddiadau gan fusnesau am e-byst twyllodrus sy’n honni’n ffug eu bod gan weithwyr proffesiynol cyfreithiol rheoleiddiedig gan gynnwys cyfreithwyr a bargyfreithwyr. Gallai’r negeseuon sgam hyn gamddefnyddio enwau a manylion cyswllt cyfreithwyr cofrestredig heb gysylltiad. Gallai’r negeseuon gynnwys eu rhif Awdurdod Rheoleiddio Cyfreithwyr (SRA) i hyrwyddo ‘gwasanaethau’ ffug a rhoi awyrgylch o gyfreithlondeb i’w gweithgareddau. Gallai eu cyfathrebiadau hefyd awgrymu’n ffug fod ganddynt gysylltiad â’r IPO.
Camau awgrymedig y gallwch eu cymryd
Mae dynwared cyfreithiwr yn drosedd. Rydym yn annog unrhyw un sy’n cael ei dargedu i roi gwybod am hyn i’r heddlu drwy Action Fraud, neu’ch swyddfa Safonau Masnach leol. Ar ôl cael cyfeirnod Action Fraud, gallwch hefyd roi gwybod am grynodeb i’r SRA. Mae’r SRA hefyd yn darparu canllawiau defnyddiol ar adnabod cwmnïau cyfreithiol ffug ac ymateb i ladrad hunaniaeth.
Os ydych chi’n ansicr ac os hoffech chi gael rhagor o ganllawiau neu dderbyn unrhyw gyfathrebiadau eraill digymell sy’n gysylltiedig â IP, cysylltwch â ni yn misleadinginvoices@ipo.gov.uk.
Enghraifft o ebost yn dangos camddefnydd o fanylion cyfreithiwr cofrestredig.
Updates to this page
-
Included contact e-mail has been corrected: misleadinginvoices@ipo.gov.uk.
-
First published.