Sut i gwblhau dewis ar gyfer llenwi Datganiad Blynyddol y Cyflogwr (P350)
Diweddarwyd 11 August 2022
© Hawlfraint y Goron 2022
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/paye-employer-annual-return-election-p350/bd5e14c0-7a87-4267-baba-eb34e8d88680
Gwneud dewis ffurfiol
Os oes angen cyfeirnod TWE y cyflogwr gwahanol arnoch ar gyfer gwahanol grwpiau o gyflogeion, mae’n rhaid i chi wneud y canlynol:
- defnyddio’r ffurflen P350 i wneud dewis ffurfiol
- gwneud hyn unrhyw bryd cyn dechrau’r mis treth – dylai hyn fod yn union cyn y mis treth rydych am i’r dewis ffurfiol ddechrau ohono
Os ydych am i ddewis ddechrau ar 6 Mehefin, dylech gyflwyno’ch cais i CThEM erbyn 5 Mai. Os byddwch yn cyflwyno cais ar 6 Mai i ddewis ddechrau ar 6 Mehefin, ni fydd yn dechrau tan 6 Gorffennaf.
Os byddwch yn gwneud dewis hwyr, caiff ei drin fel pe bai wedi’i wneud ar gyfer y mis treth ar ôl y mis treth rydych wedi gofyn iddo ddechrau ynddo.
Rhaid bod gennych reswm busnes dilys dros wneud dewis ar gyfer mwy nag un cyfeirnod TWE y cyflogwr. Gallwn wrthod unrhyw ddewis pan mae’n ymddangos eich bod yn ei wneud yn gyfan gwbl neu’n bennaf at ddiben amhriodol (er enghraifft, er mwyn osgoi’r gofyn i wneud taliadau drwy ddull electronig).
Os byddwn yn gwrthod eich dewis
Byddwn yn rhoi gwybod i chi os byddwn yn gwrthod eich dewis.
Apelio os anghytunwch â’n penderfyniad
Os byddwch yn anghytuno gyda’n rhesymau dros wrthod, gallwch apelio cyn pen 30 diwrnod i’r dyddiad yr anfonwn yr hysbysiad atoch.
Rhoi hysbysiad o ganslo
Mae’n rhaid i chi roi hysbysiad o ganslo cyn dechrau’r mis treth rydych am i’r dewis gael ei ganslo ohono.
Gallwch gysylltu â ni i ganslo neu gyflwyno cyflwyniad taliadau llawn (FPS) neu grynodeb o daliadau’r cyflogwr (EPS).