Canllawiau

Hysbysiad preifatrwydd Cynlluniau Technegol Cig

Cyhoeddwyd 6 Tachwedd 2025

© Hawlfraint y Goron 2025

Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.

Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.

Mae'r cyhoeddiad hwn ar gael yn https://www.gov.uk/government/publications/meat-technical-schemes-mts-privacy-notice/hysbysiad-preifatrwydd-cynlluniau-technegol-cig

Mae’r hysbysiad hwn yn dweud wrthych am gasglu a phrosesu gwybodaeth bersonol gan yr Asiantaeth Taliadau Gwledig er mwyn rheoli Cynlluniau Technegol Cig.

1. Diben prosesu

Byddwn yn defnyddio’r wybodaeth a ddarperir gennych i weinyddu a gorfodi’r fframwaith rheoleiddio a elwir ar y cyd yn Gynlluniau Technegol Cig. Mae hyn yn cynnwys:

2. Pam y gallwn brosesu eich data personol

Y sail gyfreithlon dros brosesu yw ‘tasg gyhoeddus’. Mae’r gyfraith yn caniatáu i ni brosesu eich data personol o dan Erthygl 6 (1)(e) o Reoliad Cyffredinol y DU ar Ddiogelu Data (GDPR y DU). Caniateir i ni brosesu data personol pan fydd angen i ni ymgymryd â thasg gyhoeddus.

Caiff unrhyw brosesu o’r fath ei ategu gan sail gyfreithiol glir a dim ond pan fo’n hanfodol er mwyn cyflawni’r dasg honno y bydd yn digwydd.

Mae’r gyfraith yn caniatáu i ni brosesu eich data personol o dan y canlynol:

  • Rheoliad (CE) a Gymathwyd Rhif 1760/2000
  • Rheoliad y Comisiwn (CE) a Gymathwyd Rhif 1825/2000 (fel y’i diwygiwyd)
  • Rheoliad y Comisiwn (CE) a Gymathwyd Rhif 566/2008
  • Rheoliad y Comisiwn (UE) a Gymathwyd Rhif 1308/2013 (fel y’i diwygiwyd)

  • Rheoliad (UE) a Gymathwyd Rhif 2017/625

  • Rheoliad Gweithredu’r Comisiwn (UE) a Gymathwyd Rhif 2017/1184

  • Rheoliad Dirprwyedig y Comisiwn (UE) a Gymathwyd 2017/1182

  • Rheoliadau Labelu Cig Eidion a Chig Llo 2010 (fel y’u diwygiwyd)

  • Rheoliadau Labelu Cig Eidion a Chig Llo (Cymru) 2011) (fel y’u diwygiwyd)

  • Rheoliadau Dosbarthu Carcasau a Hysbysu eu Prisiau (Lloegr) 2018
  • Rheoliadau Dosbarthu Carcasau a Hysbysu eu Prisiau (Cymru) 2018
  • Rheoliadau Carcasau Defaid (Dosbarthu ac Adrodd am Brisiau) (Lloegr) 2025
  • Rheoliadau Carcasau Defaid (Dosbarthu ac Adrodd am Brisiau) (Cymru) 2025

3. Pa ddata personol rydym yn eu prosesu

Y wybodaeth bersonol rydym yn ei chasglu ac yn ei phrosesu yw:

  • cyfeiriad, rhif ffôn, cyfeiriad e-bost a rhif cymeradwyo’r lladd-dy
  • enw a chyfeiriad llawn y gweithredwr
  • os mai partneriaeth yw’r gweithredwr neu os oes ganddo gydberchnogion, enwau a chyfeiriadau llawn pob partner yn y bartneriaeth neu berchnogion y busnes
  • os mai corff corfforedig yw’r gweithredwr, rhif cofrestru’r corff corfforedig
  • enw, cyfeiriad cartref, dyddiad geni a gweithle’r unigolion sy’n gwneud cais am drwydded ddosbarthu

Mae’n bosibl y byddwn yn prosesu eich data personol, gan gynnwys eich cyfeiriad e-bost a gaiff ei gynnwys mewn unrhyw gwestiynau neu adborth y byddwch yn eu hanfon atom. Mae’n bosibl hefyd y byddwn yn defnyddio eich gwybodaeth i gysylltu â chi am grantiau’r dyfodol a diweddariadau i’r polisi ffermio a fyddai’n berthnasol i chi.

4. Eich cyfrifoldeb o ran data personol pobl eraill

Os ydych wedi cynnwys data personol am bobl eraill yn eich cofnodion, mae’n rhaid i chi ddweud wrthynt. Rhaid i chi roi copi o’r Hysbysiad Preifatrwydd hwn iddynt er mwyn sicrhau eu bod yn gwybod y bydd eu data personol yn cael eu defnyddio.

5. Ble y bydd eich data personol yn cael eu storio

Rydym yn storio, yn trosglwyddo ac yn prosesu eich data personol ar ein gweinyddion yn y Deyrnas Unedig (y DU) ac yn yr Undeb Ewropeaidd (UE).

6. Am ba hyd y byddwn yn cadw eich data personol

Byddwn yn cadw eich data am saith mlynedd.

Cyfeiriwch at ein Siarter Gwybodaeth Bersonol a’r adran ‘Am faint o amser y byddwn yn cadw data’ am ragor o wybodaeth am unrhyw eithriadau posibl.

7. Gyda phwy rydym yn rhannu eich data personol

Os yw’ch lladd-dy yng Nghymru, gall data personol a ddarperir i’r Asiantaeth Taliadau Gwledig gael eu rhannu â Llywodraeth Cymru.

Gall data personol hefyd gael eu rhannu ag Adran Gyfreithiol y Llywodraeth mewn achosion lle nad yw cosbau ariannol wedi’u talu ac mae angen eu hadennill.

Os bydd arolygydd yn canfod achos posibl o dorri rheoliadau neu drosedd nad yw’n rhan o gylch gwaith yr Asiantaeth Taliadau Gwledig, mae’n bosibl y byddwn yn anfon gwybodaeth bersonol ymlaen i’r Asiantaeth Safonau Bwyd neu gyrff gorfodi eraill.

8. Eich hawliau

Darllenwch ein Siarter Gwybodaeth Bersonol i gael gwybod pa hawliau sydd gennych o dan y Rheoliad Cyffredinol ar Ddiogelu Data a Deddf Diogelu Data 2018.

9. Sut i wneud cwyn

Os bydd gennych bryderon ynglŷn â’r ffordd y mae’r Asiantaeth Taliadau Gwledig yn defnyddio eich data personol, darllenwch am sut i gysylltu â ni neu sut i wneud cwyn.

Back to top