Canllawiau

Ffioedd newydd o 1 Ebrill ar gyfer dyluniadau, nodau masnach a phatentau

Cyhoeddwyd 12 Ionawr 2026

1. Cyflwyniad

Ar 1 Ebrill 2026, bydd y llywodraeth yn cynyddu ffioedd ar gyfer dyluniadau, patentau a nodau masnach. Mae’r newidiadau’n dal i fod yn amodol ar gymeradwyaeth seneddol, ond rydym yn awyddus i sicrhau bod gan gwsmeriaid y wybodaeth sydd ei hangen arnynt i wneud penderfyniadau ynghylch taliadau ymhell cyn i’r newidiadau ddod i rym.

Mae’r Swyddfa Eiddo Deallusol (IPO) wedi paratoi’r canllawiau hyn ar gyfer cwsmeriaid a allai fod â ffioedd yn ddyledus tua 1 Ebrill 2026 ac mae’n egluro pryd a sut y bydd y ffioedd newydd yn berthnasol. Sylwch mai chi sy’n gyfrifol am dalu’r ffi gywir.

Yn y canllawiau hyn, mae “hen ffi” yn cyfeirio at swm y ffi sy’n berthnasol cyn 1 Ebrill 2026, a “ffi newydd” at y swm sy’n berthnasol ar ac ar ôl 1 Ebrill 2026.

2. Ffioedd yn newid

Gallwch weld yr hen ffioedd a’r ffioedd newydd ar gyfer pob hawl:

Tabl ffioedd patentau

Tabl ffioedd nodau masnach

Tabl ffioedd

Tabl ffioedd heb eu cofrestru

3. Pryd fydd y ffioedd newydd yn cael eu cyflwyno

Bydd y ffioedd newydd yn dod i rym ar 1 Ebrill 2026. Codir ffioedd ar yr hen gyfradd ffi hyd at ac yn cynnwys 31 Mawrth 2026.

4. Pam mae ffioedd yn cynyddu

Nid yw ffioedd yr IPO wedi cynyddu ers 2018 ar gyfer patentau, 2016 ar gyfer dyluniadau a 1998 ar gyfer nodau masnach. Yn ystod y cyfnod hwn, mae’r IPO wedi osgoi cynnydd mewn ffioedd drwy wella effeithlonrwydd a buddsoddi mewn gwasanaethau digidol gan ddefnyddio cronfeydd wrth gefn presennol. Fodd bynnag, bu cynnydd o 32% mewn chwyddiant ers 2016.

Bydd ffioedd yn cynyddu 25% ar gyfartaledd ar 1 Ebrill 2026. Bydd y cynnydd hwn yn caniatáu i’r IPO fynd i’r afael â’r cynnydd mewn chwyddiant a phwysau costau yn y dyfodol na ellir eu gwrthbwyso’n llawn trwy arbedion effeithlonrwydd pellach neu gronfeydd wrth gefn presennol. Bydd y cynnydd mewn ffioedd yn golygu y gall yr IPO barhau i fuddsoddi yn ei systemau a darparu gwasanaethau o ansawdd uchel.

5.  Ffioedd cais

Os ydych chi’n gwneud cais am nod masnach, patent neu ddyluniad cofrestredig, neu’n talu ffi ymgeisio ar neu ar ôl 1 Ebrill 2026, byddwch chi fel arfer yn talu’r ffi newydd.

Noder nad yw defnyddio’r swyddogaeth ‘cadw ar gyfer yn ddiweddarach’ neu ‘drafft’ yn cyfrif fel cyflwyno’r cais. Bydd yn rhaid i chi dalu’r ffi newydd os ydych chi’n cyflwyno’r cais ar neu ar ôl 1 Ebrill 2026.

Os ydych chi’n gwneud cais am nod masnach neu ddyluniad cofrestredig, efallai y bydd angen i chi ystyried y pwyntiau penodol a nodir isod.

5.1. Dyluniadau: ffi gohirio

Os gwnewch gais i gofrestru dyluniad gohiriedig ar neu ar ôl 1 Ebrill 2026, bydd y ffi newydd yn berthnasol, hyd yn oed os cyflwynwyd eich cais gwreiddiol cyn y dyddiad hwnnw.

5.2. Nodau Masnach: cyfnod o ras

Os byddwch yn gwneud cais am nod masnach cyn 1 Ebrill 2026, ac yn dibynnu ar y cyfnod gras i dalu’r ffi ymgeisio ar neu ar ôl 1 Ebrill 2026, byddwch yn talu’r hen ffi, ar yr amod ei bod yn cael ei thalu o fewn y dyddiad cau a roddir. Mae hyn yn cynnwys unrhyw ffioedd dosbarth neu gyfres ychwanegol.

5.3. Nodau Masnach: Dechrau’n Iawn

Os ydych chi wedi cyflwyno cais Dechrau’n Iawn am nod masnach ac wedi talu’r ffi gychwynnol cyn 1 Ebrill 2026, y ffi y byddwch chi’n ei thalu i gwblhau eich cofrestru fydd yr hen ffi (ar yr amod ei bod yn cael ei thalu o fewn y dyddiad cau a roddir, hyd yn oed os yw hynny ar neu ar ôl 1 Ebrill 2026).

6. Ffioedd adnewyddu

Er mwyn parhau mewn grym, rhaid adnewyddu hawliau eiddo deallusol yn rheolaidd – patentau bob blwyddyn, dyluniadau bob 5 mlynedd, a nodau masnach bob 10 mlynedd.

Fel arfer, mae’r ffi adnewyddu yn ddyledus erbyn dyddiad penodol neu o fewn cyfnod penodol. Gellir ei thalu hyd at 3 mis ymlaen llaw ar gyfer patentau, a hyd at 6 mis ymlaen llaw ar gyfer dyluniadau a nodau masnach. Mae yna hefyd gyfnod o 6 mis lle gallwch dalu’r ffi’n hwyr, er bod hyn yn destun ffi adnewyddu hwyr ar wahân.

Bydd p’un a ydych chi’n talu’r hen ffi neu’r ffi newydd am eich adnewyddiad yn dibynnu ar y dyddiad y mae eich adnewyddiad yn ddyledus a phryd rydych chi’n talu’r ffi adnewyddu. Nid yw hyn yn berthnasol i’r ffi adnewyddu hwyr. Os ydych chi’n talu am adnewyddiad sy’n hwyr ar neu ar ôl 1 Ebrill 2026, y ffi newydd fydd unrhyw ffi adnewyddu hwyr.

Dylech ymgynghori â’r tabl ffioedd isod i weld pa ffi fydd yn berthnasol yn eich amgylchiadau chi:

	Taliad a wnaed cyn 1 Ebrill 2026	Taliad a wnaed ar neu ar ôl 1 Ebrill 2026 (heb unrhyw ffi hwyr yn ddyledus)	Taliad a wnaed ar neu ar ôl 1 Ebrill 2026 (â ffi hwyr yn ddyledus)
Dyddiad adnewyddu dyledus cyn 1 Ebrill 2026	Hen ffi	Hen ffi	Hen ffi adnewyddu +ffi hwyr newydd
Renewal due date on or after 1 Ebrill 2026	Hen ffi	Ffi newydd	Ffi adnewyddu newydd + ffi hwyr newydd

Gellir adnewyddu’r hawliau IP canlynol ymlaen llaw cyn 1 Ebrill 2026:

• patentau gyda dyddiad adnewyddu dyledus ym mis Ebrill neu Fai 2026 (dim ond o 1 Ebrill 2026 ymlaen y gellir adnewyddu’r rhai sydd â dyddiad adnewyddu ym mis Mehefin 2026)

• nodau masnach gyda dyddiad adnewyddu dyledus hyd at ac yn cynnwys 30 Medi 2026

• dyluniadau gyda dyddiad adnewyddu dyledus hyd at ac yn cynnwys 30 Medi 2026

7. Beth sy’n digwydd os byddwch chi’n talu’r Hen ffi trwy gamgymeriad

Rhaid i chi dalu’r ffi gywir erbyn y dyddiad y mae’n ddyledus. Os ydych chi’n talu rhan o’r ffi sy’n ddyledus yn unig, ni fydd eich ffurflen na’ch cais yn cael ei thrin fel pe bai wedi’i chyflwyno nes i chi dalu’r gweddill. Os na fyddwch chi’n talu’r gweddill mewn pryd, efallai y byddwch chi’n colli dyddiad cau. Gallai hyn gael goblygiadau difrifol i’ch cais neu’ch hawl.

8. Ymholiadau

Os oes gennych unrhyw gwestiynau am gynnwys y canllaw hwn, cysylltwch â’n canolfan cymorth cwsmeriaid. Gallwch ganfod pryd mae’r ganolfan cymorth cwsmeriaid ar agor ar gyfer ymholiadau yn yr adran ‘manylion cyswllt’ ar ein tudalen mynediad i’r swyddfa ac oriau agor.

• e-bost: information@ipo.gov.uk

• ffôn: 0300 300 2000