Transparency data

Cydraddoldeb anabledd a lles yn y Swyddfa Eiddo Deallusol (IPO)

Updated 5 November 2026

Cynrychiolaeth y gweithlu

Mae 14.6% o’n pobl wedi datgan eu bod yn anabl neu fod ganddynt gyflwr iechyd corfforol neu feddyliol hirdymor.

Mae annog cydweithwyr i rannu gwybodaeth am amrywiaeth yn ein helpu i ddeall ein gweithlu’n well, nodi rhwystrau, a thargedu cymorth lle bod angen. Mae gwella cyfraddau datgan anabledd yn parhau i fod yn flaenoriaeth bwysig i’r sefydliad.

Bwletin y Bwlch Cyflog i Bobl Anabl yn y Gwasanaeth Sifil

Dileu gwahaniaethu, aflonyddu ac erledigaeth

Rydym wedi ymrwymo i greu amgylchedd cynhwysol lle caiff ein pobl eu trin yn deg, a lle nad yw rhwystrau yn y gweithle yn rhoi anfantais i bobl anabl na’r rhai sydd â chyflyrau iechyd.

Rydym yn darparu polisïau, arweiniad a chefnogaeth i helpu rheolwyr a’n pobl i ddeall eu cyfrifoldebau, ac i sicrhau y gellir ystyried addasiadau rhesymol lle ei fod yn briodol. Rydym hefyd yn hyrwyddo diwylliant lle gall cydweithwyr leisio eu barn os byddant yn profi neu’n gweld gwahaniaethu.

Hyrwyddo cyfle cyfartal

Rydym yn gweithio i wella hygyrchedd a gwaredu ar rwystrau a allai effeithio ar gydweithwyr anabl drwy gydol eu taith gyflogaeth.

Mae ein gweithgareddau’n cynnwys:

• gwella hygyrchedd yn y gwelele

• cefnogi addasiadau yn y gwelele

• ystyried hygyrchedd mewn newid sefydliadol a datblygu polisi

• adolygu data’r gweithlu ac adborth gan weithwyr

• gweithio gyda chydweithwyr anabl a rhwydweithiau gweithwyr i ddeall profiadau bywyd yn well

Mae hygyrchedd yn parhau i fod yn flaenoriaeth strategol, ac mae’n llywio ein gwaith parhaus i wella profiad a chynhwysiant gweithwyr.

Meithrin perthnasoedd da

Rydym am i bob cydweithiwr deimlo eu bod yn cael eu gwerthfawrogi a’u parchu, a’u bod yn gallu cyfrannu’n llawn.

Rydym yn hyrwyddo ymwybyddiaeth o anabledd, yn annog sgyrsiau agored am iechyd a lles, ac yn gweithio gyda rhwydweithiau staff a chymunedau i wella dealltwriaeth o anabledd, niwroamrywiaeth a chyflyrau iechyd hirdymor.

Iechyd meddwl a lles

Mae cefnogi lles gweithwyr yn rhan bwysig o greu gweithle cynhwysol.

Yn seiliedig ar strategaeth les gynhwysfawr yr IPO ac adborth gan staff, mae amrywiaeth o opsiynau cymorth ar gael i helpu i gynnal a gwella lles gweithwyr ar draws tair prif faes.

Mae cynllun strategol yr IPO ar gyfer cynhwysiant, amrywiaeth a lles wedi helpu i greu amgylchedd lle nododd 63% o’n pobl eu bod yn fodlon â’u bywydau. Mae hyn wedi aros yn sefydlog dros y ddwy flynedd ddiwethaf. Mae 65% o’n pobl yn teimlo bod y pethau maen nhw’n eu gwneud yn eu bywydau yn werthfawr; gwelliant o 2% ers 2024. Mae cymorth iechyd meddwl yn cynnwys mynediad at gwnselwyr staff, unigolion sydd wedi’u hyfforddi i ddarparu cymorth cyntaf ar gyfer iechyd meddwl ledled y sefydliad, a rhaglen gynhwysfawr o gymorth i weithwyr. Mae’r dull hwn wedi helpu i leihau stigma sy’n gysylltiedig â thrafodaethau am iechyd meddwl. Yn 2025, roedd 67% o’n pobl yn disgrifio eu hiechyd meddwl fel da i ragorol, sy’n dangos bach o welliant o’i gymharu â 2024.

Mae 79% o’n pobl yn cytuno bod yr IPO yn darparu cefnogaeth dda ar gyfer iechyd, lles a gwydnwch gweithwyr gyda gwelliant o 3% ar y llynedd a gwelliant o 19% ers 2024. Mae cyfleusterau poblogaidd yn cynnwys mynediad at gampfa ar y safle a chyfleusterau beicio ar gyfer teithio actif i’r gwaith a ffitrwydd. Mae’r sefydliad hefyd yn darparu gofal iechyd ataliol trwy raglenni sgrinio iechyd rheolaidd, gan gynnig monitro pwysedd gwaed, profion ar gyfer osteoporosis, a gwiriadau colesterol, ynghyd â rhaglen frechu flynyddol yn erbyn y ffliw.

Mae’r IPO yn cydnabod gwirfoddoli fel elfen hanfodol o les cymdeithasol, gan ddarparu cyfleoedd strwythuredig i staff gefnogi sefydliadau cymunedol lleol. Mae ein mentrau gwirfoddoli yn cyflawni pwrpas deuol: cryfhau partneriaethau cymunedol, tra hefyd yn gwella lles gweithwyr drwy ddatblygu sgiliau, gwella iechyd meddwl, a chryfhau perthnasoedd o fewn timau.

Er bod ein mynegai PERMA (emosiwn cadarnhaol, ymgysylltiad, perthnasoedd, ystyr a chyflawniad) wedi gwella o 72% yn 2024 i 73% yn 2025, mae straen fel y mesurir gan ddangosyddion dirprwyol yn parhau i fod yn her o fewn y sefydliad, gyda’r sgoriau’n aros yn sefydlog ar 27% trwy gydol 2024 a 2025. Mewn ymateb, rydym wedi datblygu cynllun strategol newydd ar gyfer cynhwysiant, amrywiaeth a lles. Nod hwn yw mynd i’r afael â materion lles wrth eu gwreiddiau, gan roi hyder ac eglurder i reolwyr gynnal sgyrsiau sensitif a chefnogol gyda’u gweithwyr. Mae hefyd yn rhoi hyblygrwydd a chyfrifoldeb iddynt ymdrin â ffactorau yn y gweithle sy’n achosi straen.