Cofrestru atwrneiaeth arhosol
Ffurflenni a chanllawiau ar gyfer cofrestru atwrneiaeth arhosol a wnaethpwyd gan ddefnyddio LPA114, LPA117, LP PA neu LP PW
Yn berthnasol i Loegr a Chymru
Dogfennau
Manylion
Defnyddiwch y dogfennau hyn i:
- gwneud cais i gofrestru atwrneiaeth arhosol (LPA) ar ffurflenni LP PA neu LP PW, wedi’i lofnodi a’i ddyddio’n gywir, hyd at 1 Ebrill 2011
- wneud cais i gofrestru atwrneiaeth arhosol (LPA) a wnaethpwyd ar ffurflenni LPA114 neu LPA117, wedi’i lofnodi a’i ddyddio’n gywir, hyd at 1 Ionawr 2016
Gallwch wneud y canlynol:
- rhoi gwybod i bobl am eich cais
- gwneud cais i dalu ffi ostyngol os oes gan y rhoddwr incwm isel
Defnyddiwch y ffurflen LP2 os yw’r LPA rydych chi am ei chofrestru wedi’i gwneud gan ddefnyddio LPA114 neu LPA117. Mae’r canllaw (LP13) yn esbonio sut i wneud cais.
Gallwch lawrlwytho pecyn cyflawn o ddogfennau neu ffurflenni unigol a chanllawiau ar sut i lenwi’r ffurflenni.
Bydd angen i chi lofnodi eich ffurflen atwrneiaeth arhosol wedi’i llenwi a’i hanfon at Swyddfa’r Gwarcheidwad Cyhoeddus:
Office of the Public Guardian
PO Box 16185
Birmingham
B2 2WH
Os nad oedd y ffurflenni hyn wedi’u llofnodi a’u dyddio cyn y dyddiad cywir, bydd angen i chi greu atwrneiaeth arhosol newydd.
Gallwch wneud atwrneiaeth arhosol ar-lein neu gan ddefnyddio ffurflenni LP1F neu LP1H.
I wneud cais am unrhyw ddogfen mewn brint bras, anfonwch e-bost i customerservices@publicguardian.gov.uk. Cynhwyswch eich cyfeiriad a theitl y ddogfen.
Gwneud copi o atwrneiaeth arhosol gofrestredig
Gallwch wneud copi o’ch atwrneiaeth arhosol a chadarnhau ei bod yn ddilys drwy ei ‘hardystio’, os ydych chi’n dal yn gallu gwneud eich penderfyniadau eich hun.
Fel arall, gallwn anfon copi swyddfa o atwrneiaeth arhosol gofrestredig atoch chi. Bydd hyn yn costio £35. Gallwch archebu copi swyddfa drwy ffonio’r Tîm Copïau Swyddfa.
Tîm Copïau Swyddfa, Swyddfa’r Gwarcheidwad Cyhoeddus
Ffôn: 0300 456 0300
Dydd Llun i ddydd Gwener, 9:30am tan 3:30pm
Gwybodaeth bersonol
Mae Swyddfa’r Gwarcheidwad Cyhoeddus (OPG) yn ymroddedig i drin eich data personol mewn ffordd gyfrifol a’i gadw’n ddiogel.
Mae eich preifatrwydd yn bwysig i ni ac mae’n cael ei ddiogelu yn y gyfraith gan y Rheoliad Diogelu Data Cyffredinol (GDPR) a Deddf Diogelu Data 2018 (DPA).
Gwybodaeth am sut mae Swyddfa’r Gwarcheidwad Cyhoeddus yn defnyddio eich gwybodaeth bersonol