Emily Hobbs
Bywgraffiad
Ymunodd Emily Hobbs â Chofrestrfa Tir EF yn 2026 fel Cyfarwyddwr Adnoddau Dynol.
Mae gan Emily dros 20 mlynedd o brofiad yn y Gwasanaeth Sifil, gan weithio’n gyfan gwbl mewn rolau adnoddau dynol ar draws y llywodraeth. Cyn ymuno â Chofrestrfa Tir EF, treuliodd ran sylweddol o’i gyrfa yn yr Adran Gwaith a Phensiynau, fel Cyfarwyddwr AD ar gyfer DWP Digital ac wedyn fel Cyfarwyddwr Gallu, lle cefnogodd wasanaethau gweithredol mawr sy’n wynebu cwsmeriaid. Mae rolau blaenorol yn cynnwys Cyfarwyddwr AD yn Swyddfa’r Cabinet a Phennaeth Gwasanaethau Arbenigol AD yn yr Adran Drafnidiaeth.
Gydol ei gyrfa, mae Emily wedi canolbwyntio ar strategaeth y gweithlu, gallu, cysylltiadau gweithwyr, datblygu arweinyddiaeth a rheolaeth, a chefnogi sefydliadau i gyflawni newid trwy eu pobl.
Mae cyfrifoldebau Emily yn cynnwys arwain agenda pobl ac AD Cofrestrfa Tir EF, cryfhau gallu rheoli llinell, a chefnogi cyflawni blaenoriaethau sefydliadol trwy weithlu medrus, cynhwysol ac ymgysylltiedig.
Cyfarwyddwr Adnoddau Dynol
Mae’r Cyfarwyddwr Adnoddau Dynol yn gyfrifol am osod a chyflawni strategaeth pobl Cofrestrfa Tir EF. Mae hyn yn cynnwys cynllunio gweithlu strategol, datblygu arweinyddiaeth a rheolaeth, cysylltiadau gweithwyr, llesiant, dysgu a datblygu, a sicrhau bod gan gydweithwyr yr offer a’r gefnogaeth sydd eu hangen arnynt i berfformio’n effeithiol.
Mae’r rôl yn cefnogi amcanion strategol y sefydliad hefyd, trwy wreiddio ymddygiadau cynhwysol a rheoli perfformiad effeithiol ar draws Cofrestrfa Tir EF.