Cydraddoldeb ac amrywiaeth
Polisi Tŷ’r Cwmnïau ar gyfle cyfartal.
Mae Tŷ’r Cwmnïau yn gyflogydd cyfle cyfartal. Ein nod yw bod yn deg â phawb a sicrhau na fydd yr un gweithiwr nac ymgeisydd am swydd yn cael cyfle neu driniaeth fwy ffafriol neu lai ffafriol ar sail, er enghraifft:
- oed
- hil
- lliw
- tarddiad ethnig neu genedlaethol
- cenedligrwydd (gan ddibynnu ar y rheolau cenedligrwydd)
- rhyw
- trawsrywedd
- cyfeiriadedd rhywiol
- priodas a phartneriaeth sifil
- anabledd
- crefydd neu gred / ymlyniad crefyddol
- gweithio rhan-amser
- beichiogrwydd a mamolaeth
- barn wleidyddol
- pobl sydd â neu sydd heb ddibynyddion (Gogledd Iwerddon yn unig)
- aelodaeth o undeb llafur na dyletswyddau undeb
Gall fod eithriadau cyfyngedig lle caniateir gweithredu positif o dan ddeddfwriaeth berthnasol.
Cyfle cyfartal a thriniaeth gyfartal yw conglfeini ein polisi penodi a chyflogi.
Darllenwch strategaeth cydraddoldeb, amrywiaeth a chynhwysiant Tŷ’r Cwmnïau.
Cyflogwr sy’n Hyderus o ran Anabledd
Fel Cyflogwr sy’n Hyderus o ran Anabledd, rydym wedi cael ein cydnabod fel corff sy’n mynd yr ail filltir i sicrhau bod pobl anabl yn cael cyfle teg. Rydym wedi ymrwymo i:
- broses recriwtio gynhwysol a hygyrch
- cyhoeddi a hyrwyddo swyddi gwag
- cynnig cyfweliad i bobl anabl
- darparu addasiadau rhesymol yn ôl y gofyn
- cynorthwyo unrhyw gyflogai presennol sy’n cael anabledd neu gyflwr iechyd hirdymor, gan ei alluogi i aros mewn gwaith
- gwneud gwahaniaeth i bobl anabl
Mwy o wybodaeth am Hyderus o ran Anabledd.