Ysgrifennydd Gwladol Cymru ymweld Spectrum Technologies
Ysgrifennydd Gwladol Cymru yn ymweld Spectrum Technologies, y arweinydd yn y farchnad o dechnoleg laser.
Secretary of State for Wales and Spectrum Technologies / Ysgrifennydd Gwladol Cymru Alun Cairns a Spectrum Technologies
Mae Spectrum Tech yn arwain y byd o ran dylunio a gweithgynhyrchu systemau laser diwydiannol arbenigol o’r radd flaenaf. Mae pencadlys y cwmni ym Mhen-y-bont ar Ogwr, lle mae’n ymgymryd â dylunio a gweithgynhyrchu ei holl gynnyrch.
Dywedodd Alun Cairns:
Mae Spectrum Technologies yn enghraifft berffaith o pam mae gan Gymru enw da sydd ar gynnydd yn rhyngwladol am uwch dechnoleg. Mae ei systemau laser yn sail i bopeth, o’r diwydiant awyrofod i systemau meddygol. Mae eu sylfaen cwsmeriaid sy’n ehangu yn Asia a Gogledd America yn dangos bod cwmnïau o Gymru yn cynnal trafodion busnes mawr ar draws y byd.
Nid yw’n syndod fod llwyddiant Spectrum wedi cael ei gydnabod gan Wobr y Frenhines am Fenter a Masnach Ryngwladol. Maent yn dangos agwedd hyderus ar Gymru i’r byd ac yn helpu i yrru economi sy’n gweithio i bawb.
Dywedodd Dr Peter Dickinson, Prif Weithredwr Spectrum Technologies:
Mae Spectrum bob amser wedi canolbwyntio ar arloesi, technoleg flaengar a masnachu byd-eang. Mae ein technoleg marcio â gwifren laser uwchfioled yn awr o safon awyrofod rhyngwladol, ac rydym yn arwain y farchnad fyd-eang, gan allforio 95% o bopeth a wnawn yma yng Nghymru.
Mae gennym gynllun uchelgeisiol i ddyblu maint y busnes dros y blynyddoedd nesaf, ac rydym yn disgwyl gwneud cyhoeddiad mawr yn y dyfodol agos ynghylch prosiect datblygu cynnyrch newydd allweddol sydd ar fin digwydd, sy’n cael ei gefnogi gan arian grant ymchwil a datblygu Llywodraeth y Deyrnas Unedig.