Datganiad i'r wasg

Ysgrifennydd Cymru’n ymweld â Chanolfan Cynnal a Chadw British Airways

Heddiw, aeth Ysgrifennydd Gwladol Cymru, David Jones, y tu ôl i’r llenni yng Nghanolfan Cynnal a Chadw British Airways (BAMC) ym Maes Awyr Caerdydd.

Cyhoeddwyd hwn o dan y 2010 to 2015 Conservative and Liberal Democrat coalition government
Welsh Secretary visits British Airways Maintenance Centre

Welsh Secretary visits British Airways Maintenance Centre

Yr wythnos hon mae Mr Jones yn nodi’r cyfraniad pwysig y mae’r sector hedfan yn ei wneud i economi Cymru cyn iddo ymweld â Sioe Awyr Ryngwladol Paris (dydd Iau 20 Mehefin).

Cyfarfu’r Ysgrifennydd Gwladol â Bill Kelly, Rheolwr Cyffredinol Gwaith Cynnal a Chadw Trwm, British Airways Engineering, a chafodd ei dywys ganddo ar daith o amgylch y sied awyrennau tri-bae a’r gweithdai ategol. Yna, fe wnaeth gwrdd â gweithwyr sydd ar brentisiaeth yno ar hyn o bryd.

Mae BAMC yn wasanaeth penodol ac yn gyfleuster cynnal a chadw ar gyfer fflyd British Airways o awyrennau Boeing 747, 777 a’r awyren teithiau hir, y 767. Mae’n gyfrifol am holl waith cynnal a chadw ac atgyweirio’r fflyd gyfan fwy neu lai.

Dywedodd David Jones, Ysgrifennydd Gwladol Cymru:

Mae’r diwydiant awyrofod yn un o’n diwydiannau gweithgynhyrchu pwysicaf, gyda Phrydain yn arwain y ffordd yn Ewrop. Mae’r sector yn cyfrannu cyfanswm anferthol o £24 biliwn i’r economi bob blwyddyn, mae’n cynnwys 3,000 o gwmnïau ac yn cefnogi 230,000 o swyddi ledled y wlad.

Mae Cymru, a’i gweithlu hynod fedrus, eisoes yn chwarae rôl bwysig yn y llwyddiant hwn, ac roeddwn yn falch o gael y cyfle i gwrdd â’r rheini sy’n cyfrannu at y diwydiant pwysig hwn heddiw.

BAMC yw unig gyflenwr gwasanaethau cynnal a chadw trwm ar gyfer y fflyd teithiau pell British Airways, ac mae’n cael ei gefnogi yn y rôl hon gan ei chwaer gwmnïau: British Airways Avionics Engineering Ltd yn Llantrisant a British Airways Interiors Engineering Ltd yn y Coed Duon.

Dywedodd Bill Kelly, Rheolwr Cyffredinol Gwaith Cynnal a Chadw Trwm, British Airways Engineering:

Rydym yn hynod falch o’n gwaith peirianneg yn Ne Cymru. Rydyn ni’n cyflogi dros 1,400 o bobl hynod fedrus mewn tri chyfleuster o safon fyd-eang, ac rydyn ni wedi ymrwymo i sicrhau llwyddiant parhaus y sector hedfan yn y rhanbarth.

Yn nes ymlaen yr wythnos hon, bydd yr Ysgrifennydd Gwladol yn cwrdd â chwmnïau hedfan mawr sydd â chysylltiadau cryf â Chymru yn Sioe Awyr Ryngwladol Paris, gan gynnwys y cwmni o Frychdyn, Airbus.

Bydd British Airways yn derbyn ei Airbus A380 cyntaf ym mis Gorffennaf a bydd yn cael ei arddangos am y tro cyntaf yn y sioe awyr.

Cyhoeddwyd ar 17 June 2013
Diweddarwyd ddiwethaf ar 19 June 2013 + show all updates
  1. Added translation

  2. First published.