Miloedd o brentisiaid i gymryd rhan mewn astudiaeth fawr o gyflogau
Mae Arolwg Tâl Prentisiaeth 2016 yn brosiect ymchwil pwysig sy’n darparu gwybodaeth am hyfforddiant, oriau a chyflog gan y rheiny sy’n gwneud prentisiaeth ar hyn o bryd.
Bydd y Llywodraeth yn defnyddio’r canfyddiadau i’w helpu i osod polisi tâl yn gyffredinol ac i wneud gwelliannau i hyfforddiant prentisiaid. Ni fydd y canfyddiadau’n cael eu defnyddio i dargedu prentisiaid neu gyflogwyr penodol neu ar gyfer gweithredu camau gorfodi.
Bydd IFF Research, sy’n gorff ymchwilio annibynnol, yn gwneud cyfweliadau ffôn byrion gydag oddeutu 10,000 o brentisiaid a byddent yn gofyn cwestiynau am dâl ac oriau.
Bydd prentisiaid yn cael eu holi am faterion megis:
-
nifer yr oriau gwaith mewn wythnos arferol.
-
nifer yr oriau ychwanegol ar gyfer dysgu a hyfforddi ar ben eich gwaith arferol. (Gallai hyn gynnwys mynd i’r coleg, cyrsiau, gweithdai neu sesiynau hyfforddi yn y gweithle neu a gynhelir yn allanol, dysgu o gartref, dysgu o werslyfrau, amser gyda’ch asesydd, ac amser yn llenwi portffolio.)
-
beth yw eich tâl (yn ddelfrydol faint rydych yn ei ennill mewn termau gros h.y. cyn treth, yswiriant gwladol a didyniadau eraill).
Bydd yr atebion i’r cwestiynau yma’n ein galluogi i edrych ar lefelau cyflog yn genedlaethol, mesur newidiadau ers blynyddoedd blaenorol ac i fonitro a yw cyflogwyr yn glynu at y rheolau ar gyflog teg.
Bydd prentisiaid sy’n cael eu dewis i gymryd rhan yn yr arolwg yn derbyn llythyr cyn derbyn galwad gan un o’r ymchwilwyr.
Diweddarwyd ddiwethaf ar 26 May 2016 + show all updates
-
Added translation
-
First published.