Datganiad ar ran yr ail ar bymtheg Bwrdd Pontio Tata Steel / Port Talbot
Cyfarfu'r ail ar bymtheg Bwrdd Pontio Tata Steel / Port Talbot ar 16 Hydref 2025. Cyfarfu'r ail ar bymtheg Bwrdd Pontio Tata Steel / Port Talbot ar 16 Hydref 2025.
Cyfarfu Bwrdd Pontio Tata Steel / Port Talbot ar 16 Hydref 2025.
Ceisiodd Ysgrifennydd Gwladol Cymru, y Gwir Anrhydeddus Jo Stevens AS, yn ei rôl fel Cadeirydd y Bwrdd Pontio, gymeradwyo’r strwythur diwygiedig a’r cylch gorchwyl wedi’i ddiweddaru ar gyfer y Bwrdd Pontio, yn dilyn dyrannu pecyn cymorth gwerth £80 miliwn Llywodraeth y DU yn llawn. Gyda’r garreg filltir hon wedi’i chyrraedd, cytunodd y Bwrdd i ail-ganolbwyntio ei ymdrechion ar olrhain darparu’r cyllid a sicrhau bod cefnogaeth yn parhau i gael ei chyfeirio’n effeithiol i’r rhanbarth. Yn ogystal, bydd y Bwrdd yn archwilio cyfleoedd posibl yn y dyfodol, megis Ynni Gwynt ar y Môr Arnofiol (FLOW), y Porthladd Rhydd Celtaidd a’r Gronfa Gyfoeth Genedlaethol, i gefnogi adfywio tymor hwy yr ardal yr effeithir arni.
Croesawodd y Bwrdd hefyd Levi Roberts, perchennog Flame & Bake Pizzas, a dderbyniodd gyllid gan y Bwrdd Pontio a siaradodd ag aelodau’r Bwrdd am ei brofiad o sefydlu ei fusnes ei hun. Yna ymwelodd Ysgrifennydd Gwladol Cymru â Dŵr De Cymru ym Mhort Talbot, a dderbyniodd gyllid gan y Bwrdd Pontio hefyd ac sydd wedi cyflogi cyn-weithwyr Tata Steel.
Derbyniodd y Bwrdd ddiweddariadau hefyd ar:
- Cynlluniau ar gyfer y Gronfa Twf Economaidd a Buddsoddi newydd gwerth £11.8 miliwn – a ariennir ar y cyd gan Lywodraeth y DU a Tata Steel UK;
- Rhaglen datgarboneiddio Tata Steel UK;
- Cynlluniau’r Adran Busnes a Masnach ar gyfer strategaeth ddur; a’r
- Defnydd o gronfeydd presennol y Bwrdd Pontio.
Trafododd y Bwrdd hefyd y seibiannau cynhyrchu arfaethedig ar dri safle Tata Steel yng Nghymru dros y Nadolig, a’r ffordd orau o leihau’r effaith ar y gweithwyr yr effeithir arnynt.
Roedd y sawl oedd yn bresennol yn cynnwys: Gwir Anrhydeddus Jo Stevens AS, Ysgrifennydd Gwladol Cymru; Chris McDonald AS, Gweinidog Diwydiant DESNZ a DBT; Y Cynghorydd Steven Hunt, Arweinydd Cyngor Nedd Port Talbot; Frances O’Brien, Prif Swyddog Gweithredol Cyngor Nedd Port Talbot; Rajesh Nair, Prif Swyddog Gweithredol Tata Steel UK; Chris Jaques, Prif Swyddog AD, Tata Steel UK; Stephen Kinnock, AS Aberafan Maesteg; David Rees, AS Aberafan; Tom Giffard, AS a Luke Fletcher AS ar gyfer rhanbarth De Orllewin Cymru; Anne Jessopp CBE, Sarah Williams-Gardener a Katherine Bennett CBE, aelodau annibynnol o’r Bwrdd; Mark Shervington, Swyddog Rhanbarthol, Community Union; Tom Hoyles, Swyddog Gwleidyddiaeth, y Wasg ac Ymchwil, GMB Cymru a Jason Bartlett, Swyddog Rhanbarthol Unite the Union Cymru