Adnewyddiadau trwyddedau gyrru i rai dros 70 yn saethu i fyny wrth i 6 allan o 10 fynd ar-lein nawr
Mae DVLA wedi rhyddhau ffigyrau newydd sydd yn dangos bod dros 60% o’n cwsmeriaid dros 70 mlwydd oed yn dewis adnewyddu eu trwydded ar-lein.
Mae ffigurau newydd a gafodd eu rhyddhau heddiw gan DVLA yn dangos bod tua 6 allan o 10 o rai dros 70 oed a adnewyddodd eu trwydded yrru llynedd wedi gwneud hynny ar-lein.
Mae’r ffigurau hefyd yn dangos yn 2016, mai dim ond 43% o’r rheini oedd yn adnewyddu’u trwydded yrru yn 70 oed neu’n hŷn a ddefnyddiodd gwasanaethau ar-lein DVLA, o gymharu a dros 60% yn 2020 - y flwyddyn gyntaf roedd yn well gan dros hanner y bobl 70 oed neu drosodd wneud hyn ar-lein.
Mae deiliaid trwydded yrru 70 oed a throsodd wedi adnewyddu’u trwyddedau ar-lein bron 5 miliwn gwaith yn y 5 mlynedd diwethaf.
Mae cynnydd o 27% wedi bod yng nghyfanswm y nifer o ddeiliaid trwydded yn eu 80au yn cwblhau eu hadnewyddiad ar-lein rhwng 2016 a 2020, tra bod y nifer yn eu 90au wedi neidio o 41%.
Roedd gan yrwyr a wnaeth gais ar-lein hyn i’w ddweud:
Penderfynais wneud cais ar-lein am y tro cyntaf ac er nad ydw i’n wych ar y cyfrifiadur, cefais i’r broses yn hawdd i’w dilyn a’i gweithredu.
Dim cymlethdodau wrth gwblhau’r cais, a chyrhaeddodd y drwydded newydd o fewn ychydig ddyddiau.
Llawer mwy cyfleus yn hytrach na chwblhau ar bapur lle mae camgymeriadau yn anoddach i’w cywiro.
Gwnes i gais ar-lein, gweithiodd popeth fel cloc, gweithdrefn eithriadol o hawdd.
Mae’n ofynnol trwy gyfraith i ddeiliaid trwydded yrru adnewyddu eu trwydded yn 70 ac wedyn bob 3 blynedd ar ôl hyn. Mae adnewyddu trwydded yrru yn 70 neu drosodd am ddim, ac mae’r ffigurau hyn yn dangos eu bod yn troi’n gynyddol at wasanaeth ar-lein DVLA ar GOV.UK pan fod angen iddynt wneud hyn.
Mae adnewyddu ar-lein yn cymryd munudau ac mae trwyddedau gyrru fel arfer yn cael eu dosbarthu o fewn 5 niwrnod - sy’n golygu mai ar-lein fydd y ffordd gyflymaf a hawddaf i adnewyddu bob tro. Trwy ddefnyddio GOV.UK yn unig mae cwsmeriaid yn gallu bod yn sicr eu bod yn delio’n uniongyrchol â DVLA a bod eu cais yn sicr a diogel.
Bydd cwsmeriaid sy’n adnewyddu eu trwydded ar-lein hefyd yn derbyn e-bost cadarnhau i’w hysbysu bod y cais wedi cael ei dderbyn.
Dywedodd y Gweinidog Ffyrdd y Farwnes Vere:
Mae’n wych i weld rhagor o yrwyr dros 70 oed yn dewis adnewyddu’u trwyddedau ar-lein.
Mae’r cynnydd trawiadol mewn adnewyddiadau ar-lein ers 2016 yn dystiolaeth o ba mor hawdd a chyflym mae’r broses hon a gobeithio bydd y duedd yn parhau wrth i ragor o bobl ddewis profi’r buddion hyn eu hunain.
Dywedodd Prif Weithredwr DVLA Julie Lennard:
Ein gwasanaeth ar-lein fydd y ffordd gyflymaf a hawddaf i adnewyddu trwydded yrru - beth bynnag y bo’ch oed.
Gyda mwy a mwy o ddeiliaid trwyddedau 70 oed a throsodd yn dewis adnewyddu ar-lein, mae’r ffigurau hyn yn dangos pa mor gyfleus mae’n gwasanaeth ar-lein ac rydym wrth ein bodd i weld rhagor o’n cwsmeriaid yn cael budd o hyn nac erioed o’r blaen. Y tro nesaf y bydd angen i chi adnewyddu’ch trwydded yrru, ein cyngor yw rhoi cynnig ar y gwasanaeth ar-lein a gweld dros eich hun pa mor hawdd a chyfleus y mae.
Mae cwsmeriaid yn gallu dysgu rhagor am wasanaethau ar-lein DVLA yn GOV.UK gan gynnwys adnewyddu trwydded yrru, newid cyfeiriad, neu ddweud wrth DVLA eich bod wedi newid eich cerbyd.
Nodiadau i olygyddion:
Mae ffigurau yn cynrychioli deiliaid trwyddedau, ac nid ydynt o reidrwydd yn golygu bod pawb o’r rhain yn ddefnyddwyr ffyrdd gweithredol.
Mae’r ffigurau isod yn dangos cymhariaeth o’r nifer o ddeiliaid trwydded yrru sy’n adnewyddu’u trwydded yrru ar-lein (yn 70 oed neu drosodd) rhwng y blynyddoedd calendr 2016 a 2020, wedi’u dadansoddi fesul grŵp oedran. Mae cyfrifiadau codiadau canran yn seiliedig ar y ffigurau hyn.
| OEDRAN DEILYDD TRWYDDED | 2016 | 2020 |
|---|---|---|
| 70-79 | 704,027 | 818,835 |
| 80-89 | 107,754 | 137,356 |
| 90-99 | 7,146 | 10,046 |
| 100+ | 25 | 71 |
Mae’r tabl isod yn dangos y rhaniad rhwng canrannau’r rheini sy’n adnewyddu yn 70 oed ar-lein a’r rheini sy’n adnewyddu trwy’r sianel bapur, ar gyfer pob blwyddyn galendr ers 2016:
| 2016 | 2017 | 2018 | 2019 | 2020 | |
|---|---|---|---|---|---|
| Ar-lein | 43.13% | 46.33% | 45.64% | 49.94% | 60.48% |
| Papur | 56.87% | 53.67% | 54.36% | 50.06% | 39.52% |
Mae rhagor o wybodaeth am adnewyddu’ch trwydded yrru yn 70 oed ar GOV.UK yn https://www.gov.uk/renew-driving-licence-at-70
Mae gwasanaethau ar-lein DVLA yn gweithio fel arfer ac nid ydynt wedi cael eu heffeithio gan y pandemig coronafeirws. Mae holl wasanaethau ar-lein DVLA ar gael ar GOV.UK
Swyddfa'r wasg
Swyddfa'r Wasg y DVLA
Longview Road
Treforys
Abertawe
SA6 7JL
E-bost press.office@dvla.gov.uk
Dim ond ar gyfer newyddiadurwyr a'r wasg yn unig: 0300 123 2407