Blwyddyn i fynd tan y bydd Tollau Hafren yn cael eu diddymu
Alun Cairns yn cyflawni ymrwymiad Llywodraeth y DU i hybu economi Cymru o dros £100m y flwyddyn
Dim ond blwyddyn sydd i fynd nes bydd gyrwyr yn cael budd o deithio am ddim i Gymru ar draws Pontydd Hafren diolch i addewid Llywodraeth y DU i ddiddymu’r tollau erbyn 31 Rhagfyr 2018.
Bydd y penderfyniad yn cryfhau’r cysylltiadau economaidd a rhagolygon y coridor naturiol rhwng De Cymru a De Orllewin Lloegr, gan roi hwb i economi Cymru o tua £100m y flwyddyn, ac arwain at filoedd o bunnoedd o arbedion blynyddol i yrwyr ceir rheolaidd.
Mae Alun Cairns, Ysgrifennydd Gwladol Cymru, wedi gwahodd partneriaid a busnesau lleol o Dde Ddwyrain Cymru a De Orllewin Lloegr i ddod i’r gynhadledd fusnes trawsffiniol gyntaf yng Nghasnewydd ar 22 Ionawr, mewn ymdrech i ystyried sut y gellir cryfhau’r cysylltiadau rhwng y ddwy economi cyn cael gwared ar y tollau.
Dywedodd Alun Cairns, Ysgrifennydd Gwladol Cymru:
Mae lefel uchel tollau Pontydd Hafren wedi bod yn rhwystr i dwf economaidd Cymru am dros hanner canrif, mewn llai na blwyddyn byddwn yn gweld yr ysgogiad economaidd mwyaf i Dde Cymru a’r Cymoedd ers degawdau.
Mae fy mhenderfyniad i ddiddymu’r tollau gyda chefnogaeth fy nghydweithwyr yng nghabinet Llywodraeth y DU yn hwb i deithwyr, twristiaid a pherchnogion busnesau fel ei gilydd a fydd yn gweld arian ychwanegol yn eu pocedi wrth iddynt fynd yn ôl ac ymlaen o Gymru.
Bydd cael gwared ar y tollau yn cryfhau’r cysylltiadau rhwng y ddwy economi yn ogystal â chymunedau De Cymru a De Orllewin Lloegr, gan greu coridor twf yn ymestyn o Gaerdydd drwy Gasnewydd i Fryste.
Bydd cael gwared ar y tollau yn cryfhau’r cysylltiadau rhwng y ddwy economi yn ogystal â chymunedau De Cymru a De Orllewin Lloegr, gan greu coridor twf yn ymestyn o Gaerdydd drwy Gasnewydd i Fryste.
Yn dilyn dychwelyd Pontydd Hafren i berchnogaeth gyhoeddus ar 8 Ionawr 2018, bydd y tollau yn cael eu lleihau i bob gyrrwr yn unol ag ymrwymiad Llywodraeth y Deyrnas Unedig yng Nghyllideb 2015.
Dyma fydd y tro cyntaf i’r tollau leihau ers eu cyflwyno ym 1966. Ni fydd y cynnydd blynyddol arferol o ran chwyddiant (a ddaw i rym ar 1 Ionawr 2018) yn berthnasol ychwaith.
O 8 Ionawr 2018 ymlaen:
- Bydd gyrwyr ceir yn talu £5.60 yn lle £6.70.
- Bydd gyrwyr bysiau bach neu faniau yn talu £11.20, i lawr o £13.40
- Bydd gyrwyr lorïau a bysiau mawr yn talu £16.70 yn lle £20
Nodiadau i olygyddion:
-
Mae disgwyl i’r penderfyniad i ddiddymu roi budd o thua £100m y flwyddyn i economi Cymru yn ôl Llywodraeth Cymru: Effaith Tollau Pontydd Hafren ar Economi Cymru, 30 Mai 2012
-
Bydd gyrwyr ceir rheolaidd yn arbed dros £1,400 y flwyddyn yn seiliedig ar gost tagio misol o £117.92 dros 12 mis.
-
Mae Alun Cairns, Ysgrifennydd Gwladol Cymru wedi cyhoeddi y bydd yn cynnal y gynhadledd fusnes drawsffiniol gyntaf ar gyfer Twf Hafren ar 22 Ionawr 2018 yng Ngwesty’r Celtic Manor. Gall busnesau gofrestru i ddod i’r gynhadledd drwy Eventbrite.
-
Ar 13 Ionawr, lansiodd y Llywodraeth ymgynghoriad yn nodi cyfres o gynigion gyda’r nod o ddarparu gwelliannau i’r Pontydd. Bu’r ymgynghoriad hwn yn agored am wyth wythnos tan 10 Mawrth. Gellir dod o hyd i’r ymateb i’r ymgynghoriad yma
-
Cafodd Pont Hafren ei hadeiladu ym 1966 a chafodd ail groesfan ei chwblhau 30 mlynedd wedyn.
-
Pan ddaw’r pontydd dan berchnogaeth gyhoeddus, byddant yn cael eu rhedeg gan Highways England. Yn flaenorol roeddent yn cael eu rhedeg gan Severn River Crossing plc.
-
Agorwyd y Bont Hafren gyntaf ym mis Medi 1966, gan ddarparu cysylltiad uniongyrchol o draffordd yr M4 i Gymru, gyda tholl mewn lle i ddefnyddio’r bont er mwyn talu am gost y gwaith adeiladu. Roedd yn gyson weithredu dros ei chapasiti ac ym 1986 dywedodd y Llywodraeth bryd hynny y byddai ail bont yn cael ei hadeiladu.
-
Ym 1988 cyhoeddwyd y byddai tendrau’n cael eu gwahodd gan gonsortia preifat er mwyn ariannu, adeiladu a gweithredu’r ail bont a bod yn gyfrifol am weithredu’r bont gyntaf. Ym 1990 dyfarnwyd y consesiwn i Severn River Crossing PLC (“SRC”). Dechreuodd y gwaith adeiladu ym mis Ebrill 1992 ac agorwyd yr ail bont ym mis Mehefin 1996.