Yr Arglwydd Bourne yn gweld diwydiant awyrofod llewyrchus Cymru ar waith
Yr Arglwydd Bourne yn gweld diwydiant awyrofod llewyrchus Cymru ar waith
Lord Bourne meeting Welsh businesses at Wales Aerospace Forum stand
Heddiw, canmolodd yr Arglwydd Bourne arbenigedd Cymru yn y diwydiant awyrofod wrth i Weinidog Swyddfa Cymru fynd ar daith o amgylch Sioe Awyr Ryngwladol enwog Farnborough.
Cyfarfu’r Arglwydd Bourne â swyddogion o gwmnïau fel GE Aviation, Airbus, Magellan a Raytheon ynghyd â chynrychiolwyr o gyflenwyr llai.
Dywedodd Gweinidog Swyddfa Cymru: “Mae’r awyrofod yn cynnal miloedd o swyddi yng Nghymru, o’r adenydd a gynhyrchir gan Airbus i systemau radar.
“Yr wythnos hon mae Airbus wedi cael archebion newydd pwysig gan Virgin Airways a’r cwmni o India, Go Air*. Mae llyfrau archebion prysur yn dangos bod Cymru ar agor i fusnes a chanddi gwmnïau sy’n darparu swyddi medrus iawn.
“Mae Cymru yn lle perffaith i fuddsoddi oherwydd ein gweithlu medrus, y rhwydwaith o gyflenwyr sydd wedi hen ennill eu plwyf ym maes hedfan, a Llywodraeth y DU sy’n benderfynol o helpu i sicrhau llwyddiant. Does dim terfyn ar beth all y diwydiant hwn ei gyflawni yng Nghymru.”
Gwelodd yr Arglwydd Bourne dros ei hun y datblygiadau diweddaraf mewn technoleg awyrennau yn ardal arloesi’r sioe, a gwyliodd arddangosfa awyr.
Ddydd Llun yr wythnos hon, bu David Cameron, y cyn Brif Weinidog yn ymweld â’r sioe awyr, a nododd mai awyrofod yw un o “brif gryfderau’r” economi.
Diweddarwyd ddiwethaf ar 14 July 2016 + show all updates
-
Added translation
-
First published.