Arwyddo cytundeb masnach hanesyddol gydag India i ddarparu hwb gwerth £80 miliwn i Gymru
Mae ffigurau newydd yn dangos y bydd cytundeb masnach gydag India yn darparu £80 miliwn i economi Cymru fel rhan o’r Cynllun ar gyfer Newid.
- Bydd y sectorau bwyd a diod Cymreig, ynni adnewyddadwy a’r sector creadigol yn elwa yn dilyn gostyngiad mewn neu gael gwared â thollau
- Daw wrth i’r Prif Weinidog a’r Ysgrifennydd Masnach groesawu’r Prif Weinidog Modi a’r Gweinidog Masnach i’r DU i arwyddo’r cytundeb mwyaf cynhwysfawr erioed a gytunwyd gan India
Bydd busnesau a gweithwyr yng Nghymru yn elwa o gytundeb masnach y DU gydag India, wrth i ddadansoddiad newydd ddangos y bydd y cytundeb o bwys yn darparu £80 miliwn o hwb i’r economi leol fel rhan o’r Cynllun ar gyfer Newid.
Mae hwn yn newyddion gwych i ffermwyr gyda chig oen Cymreig yn gallu ymuno â marchnad India heb dollau o’r diwrnod cyntaf, gan gael gwared â tholl 33%. Allforiodd 256 o fusnesau Cymreig nwyddau gwerth £226 miliwn i India y flwyddyn ddiwethaf - gallai hyn dyfu hyd yn oed mwy diolch i dollau is, llai o rwystrau ar gyfer masnachu a thollau haws.
Wedi’i alinio gyda Strategaethau Diwydiant a Masnach diweddar y DU, bydd y cynnig yn cefnogi’r sectorau sy’n sbarduno’r twf mwyaf i’r economi. Bydd sector ynni glân ffyniannus yng Nghymru yn cyflogi dros 15,000 o bobl ac yn creu tua £3.3 biliwn o refeniw yn elwa o dollau is a mynediad digynsail i farchnad gaffael sector cyhoeddus India. A bydd y sector creadigol yng Nghymru yn cael budd drwy fwy o amddiffyn hawlfraint.
Bydd y Prif Weinidog yn cyfarfod ei gyfatebwr Narendra Modi y bore yma ar gyfer arwyddo’r cytundeb masnach wrth i’r Ysgrifennydd Busnes a Masnach Jonathan Reynolds a’r Gweinidog Masnach Piyush Goyal arwyddo’r cytundeb o bwys.
Dywedodd Ysgrifennydd Gwladol Cymru, Jo Stevens:
Mae hwn yn gytundeb o bwys a fydd yn rhoi hwb o £80 miliwn i economi Cymru yn flynyddol.
“Bydd diwydiannau allweddol yng Nghymru, fel y sector ynni adnewyddadwy, y diwydiannau creadigol a chynhyrchwyr bwyd a diod yn gweld budd uniongyrchol. Caiff tollau eu lleihau neu eu dileu ar nifer o nwyddau. A bydd busnesau Cymru hefyd yn cael budd drwy gael mynediad i farchnad gaffael anferth India gyda mwy o ddiogelwch fel y gallent allforio nwyddau a gwasanaethau’n hyderus.
Mae’r cytundeb hwn yn datgloi’r potensial aruthrol ymhellach ar gyfer twf ar draws diwydiannau allweddol Cymru.”
Dywedodd yr Ysgrifennydd Busnes a Masnach Jonathan Reynolds:
Bydd y miliynau a ddaw i Gymru bob blwyddyn o’r cytundeb a arwyddwyd gennym gydag India heddiw yn cael eu teimlo ar draws cymunedau lleol, boed hynny’n gyflogau uwch i weithwyr, mwy o ddewis i siopwyr, neu mwy o werthiannau dramor i fusnesau.
Mae’r llywodraeth hon yn profi tro ar ôl thro y gallwn gyflawni ein bwriad i dyfu’r economi, rhoi mwy o arian mewn pocedi a rhoi hwb i safonau byw o dan ein Cynllun ar gyfer Newid.”
Dywedodd Stephen Davies, Prif Weithredwr Distyllfa Penderyn:
Rydym yn datblygu ymwybyddiaeth o’n busnes a brand mewn sectorau manwerthu teithio a domestig yn India. Mae’n farchnad gyffrous sy’n datblygu i ni.
Bydd y cytundeb i leihau tollau yn darparu platfform gwell i ni a’n diwydiant i ddatblygu cysylltiadau ac adeiladu busnes dros y pum mlynedd nesaf. Mae’n gyfnod cyffrous.”
Bydd gweithwyr yng Nghymru yn gweld cynnydd mewn tâl wrth i gyflogau’r DU dyfu £2.2 biliwn bob blwyddyn, a gellir hefyd gweld prisiau rhatach a mwy o ddewis ar gynnyrch dillad, esgidiau a bwyd. Mae’r DU eisoes yn mewnforio £11 biliwn o nwyddau o India ond bydd tollau hael ar nwyddau o India yn ei gwneud yn haws ac yn rhatach i brynu eu cynnyrch gorau.