Atgoffa cwsmeriaid am y gwasanaeth llwybr carlam
Mae gwasanaeth llwybr carlam di-dâl Cofrestrfa Tir EM yn sicrhau y gall gwerthiannau eiddo fynd yn eu blaen yn ddidrafferth.
Gall unrhyw un sy’n ymwneud â gwerthu neu brynu eiddo, gan gynnwys aelodau o’r cyhoedd neu eu trawsgludwyr, ofyn i Gofrestrfa Tir EM gyflymu (trwy lwybr carlam) cais sydd heb ei ateb.
Mae ein gwasanaeth llwybr cyflym yn caniatáu i gwsmeriaid ofyn i geisiadau brys, sy’n angenrheidiol er mwyn cwblhau trafodion, gael eu prosesu o fewn 10 diwrnod gwaith. Mae ein cyfarwyddyd wedi’i wella Gofyn i gyflymu cais yn gwneud y broses yn symlach ac yn gliriach i’r cyhoedd a thrawsgludwyr. Nid oes tâl ychwanegol i ddefnyddio’r gwasanaeth llwybr cyflym.
Dywedodd Simon Hayes, Prif Weithredwr a Phrif Gofrestrydd Tir:
Mae Cofrestrfa Tir EM wedi ymrwymo i sicrhau nad oes unrhyw werthiant eiddo yn cael ei roi mewn perygl – rydym bob amser wedi rhoi blaenoriaeth i ddarparu gwasanaethau sy’n galluogi i eiddo gael ei gwblhau. Mae’r rhan fwyaf o’n chwiliadau yn digwydd ar unwaith a daw’r rhan fwyaf o newidiadau ar ddiwedd y trafodiad. Ar adegau, fodd bynnag, mae angen newidiadau ar frys, ac mae ein gwasanaeth llwybr carlam yn golygu y gall unrhyw un sy’n pryderu am oedi gysylltu â’i gyfreithiwr neu â ni’n uniongyrchol er mwyn inni ymchwilio a datrys unrhyw broblemau yn gyflym.
Mae ein blog Where is my HM Land Registry application yn egluro sut y gall cwsmeriaid chwilio’r Gofrestr Tir a gofyn am newid.