Stori newyddion

Cheryl Gillan yn dymuno’r gorau i dîm Cymru yng Nghwpan Rygbi’r Byd

This news article was published under the 2010 to 2015 Conservative and Liberal Democrat coalition government

Mae Ysgrifennydd Cymru, Cheryl Gillan, wedi ysgrifennu at hyfforddwr Rygbi Cymru, Warren Gatland, i ddymuno’r gorau iddo ef a’i dim yng Nghwpan…

Mae Ysgrifennydd Cymru, Cheryl Gillan, wedi ysgrifennu at hyfforddwr Rygbi Cymru, Warren Gatland, i ddymuno’r gorau iddo ef a’i dim yng Nghwpan y Byd, sy’n dechrau’r penwythnos hwn.

Dywedodd Mrs Gillan y bydd cefnogwyr drwy Gymru ben baladr yn cefnogi’r tim cenedlaethol i roi perfformiad cadarn yn y twrnamaint.

Mae gem agoriadol y twrnamaint yn cael ei chwarae rhwng Seland Newydd a Thonga yn Eden Park, Auckland ar y 9fed o Fedi. Mae carfan Cymru yn chwarae eu gem gyntaf yn Wellington ar yr 11eg o Fedi yn erbyn De Affrica.

Meddai Mrs Gillan: “Wrth i dim rygbi Cymru barhau a’u paratoadau ar gyfer Cwpan y Byd, hoffwn ddymuno’r gorau i Warren Gatland a’i garfan yn y twrnamaint. Bydd Cymru gyfan yn annog y tim ymlaen gan obeithio gweld mwy o’r gogoniant ar y cae y mae tim Cymru yn enwog amdano. Rwyf i’n bendant yn edrych ymlaen i wylio’r gemau a dilyn eu hynt yn ystod y twrnamaint. Mae gan y tim y ddawn i wneud argraff, a gyda digon o dan y ddraig, rwy’n sicr y byddant unwaith eto yn gwneud Cymru’n falch iawn.”