Ailbrisiad ardrethi busnes 2026
Gallwch nawr weld beth fydd gwerth ardrethol y dyfodol eich eiddo busnes.
Mae Asiantaeth y Swyddfa Brisio (VOA) wedi diweddaru gwerthoedd ardrethol pob eiddo masnachol, ac eiddo annomestig arall, yng Nghymru a Lloegr. Bydd y gwerthoedd yn y dyfodol hyn yn dod i rym ar 1 Ebrill 2026.
Beth mae hyn yn ei olygu?
Cynhelir ailbrisiadau bob tair blynedd yng Nghymru a Lloegr i adlewyrchu newidiadau yn y farchnad eiddo.
Mae eich cyngor lleol yn defnyddio gwerthoedd ardrethol i gyfrifo biliau ardrethi busnes. Nid yw gwerth ardrethol yr un peth â’r hyn rydych chi’n ei dalu mewn ardrethi busnes neu rhent.
Gallwch ddod o hyd i bopeth sydd angen i chi wybod am ailbrisio 2026 ar GOV.UK.
Gallwch nawr weld gwerth ardrethol eich eiddo yn y dyfodol gan ddefnyddio ein gwasanaeth dod o hyd i brisiad ardrethi busnes ar GOV.UK.
Sut mae eich bil ardrethi busnes yn cael ei gyfrifo
Nid yw cynnydd yn eich gwerth ardrethol o reidrwydd yn golygu y bydd eich bil ardrethi busnes yn codi o swm tebyg.
Bydd eich cyngor lleol yn cyfrifo eich bil trwy luosi eich gwerth ardrethol â’r lluosydd perthnasol a osodwyd gan lywodraethau’r DU a Chymru. Yna byddant yn penderfynu a ddylid cymhwyso unrhyw ryddhadau yr ydych yn gymwys i’w derbyn.
Mae Llywodraeth Cymru hefyd wedi cyhoeddi pecyn o ryddhadau ardrethi a lluosyddion
Camau y gallwch eu cymryd nawr
Gallwch fewngofnodi i’ch cyfrif prisio ardrethi busnes i:
-
wirio’r manylion ffeithiol yr ydym yn dal ar eich eiddo
-
gweld sut y cyfrifwyd prisiad eich eiddo
-
rhoi gwybod i ni os oes rhywbeth o’i le gyda’ch prisiad
Gallwch hefyd ddefnyddio’ch cyfrif i gymharu gwerth ardrethol eich eiddo ag eiddo tebyg yn yr ardal a gwirio sut y cyfrifwyd y prisiad.
Ar hyn o bryd, gallwch ond ofyn am newidiadau i’ch prisiad cyfredol. Mae gennych tan 31 Mawrth 2026 i ofyn am unrhyw newidiadau i’ch gwerth ardrethol cyfredol. Ar ôl 1 Ebrill 2026 byddwch ond yn gallu gwneud newidiadau i’r gwerth ardrethol yn y dyfodol.
Dysgwch fwy am ailbrisiad 2026
Rydym wedi cyhoeddi ystadegau swyddogol ar gyfer ailbrisiad 2026 (yn agor tudalen Saesneg).
Os oes gennych unrhyw gwestiynau am filiau ardrethi busnes, rhyddhadau neu daliadau, dylech gysylltu â’ch cyngor lleol.
Rhannwch y dudalen hon
Mae’r dolenni canlynol yn agor mewn tab newydd
Updates to this page
-
Removing reference to the estimator as it's no longer available and this is causing confusion for customers.
-
Welsh translation updated.
-
Welsh government have now made their estimator available.
-
Lines on relief scheme added.
-
Added translation