Alun Cairns yn dweud wrth arweinwyr busnes Cymru: arweiniwch y ffordd i wneud Brexit yn llwyddiant
Alun Cairns yn dweud wrth arweinwyr busnes Cymru: chi yw’r arbenigwyr - arweiniwch y ffordd i wneud Brexit yn llwyddiant
Mae Ysgrifennydd Gwladol Cymru heddiw yn galw ar arweinwyr busnes yng Nghymru i ddangos y ffordd o ran sicrhau fod Cymru yn gwneud llwyddiant o Brexit.
Mae Alun Cairns yn mynd i wneud yr alwad wrth annerch cyfarfod Cyngor Chwarterol CBI Cymru.
Bydd Ysgrifennydd Gwladol Cymru yn dweud:
Fel arweinwyr busnes, chi yw’r bobl fwyaf cymwys i wneud llwyddiant o Brexit - chi sy’n creu swyddi a’r arbenigwyr wrth greu cyfoeth.
Mae’r Llywodraeth yn barod i helpu - ond chi fydd yn arwain y ffordd o droi Brexit yn gyfle.
Bydd 30 o swyddogion gweithredol uchaf y wlad yng nghyfarfod CBI, sy’n cael ei gynnal yn ffatri General Dynamics yn y Coed Duon.
Bydd Mr Cairns hefyd yn dweud:
Fel Ysgrifennydd Gwladol Cymru byddaf yn sicrhau bod Cymru wrth wraidd y trafodaethau Brexit.
Mae yna heriau o’n blaen - ond mae’r economi mewn cyflwr da ar gyfer y daith. Mae’r gyfradd ddiweithdra yng Nghymru ar ei gyfradd isaf erioed gyda’r nifer uchaf o bobl yn y gwaith.
Mae Llywodraeth y DU yn barod i helpu busnesau yng Nghymru dod o hyd i farchnadoedd allforio newydd. Busnesau Cymru yw’r arbenigwyr go iawn yn tyfu yr economi - a byddaf yn gwneud beth bynnag allwn i’w helpu
Dywedodd Cyfarwyddwr CBI Cymru, Emma Watkins:
Mae aelodau’r CBI yn falch o groesawu Ysgrifennydd Gwladol Cymru i Gyfarfod Cyngor CBI Cymru. Wrth i’r DU baratoi ar gyfer y dasg gymhleth o ymadael a’r Undeb Ewropeaidd, rydym am i Lywodraeth y DU a Llywodraeth Cymru weithio’n agos gyda busnesau, anfon signal uchel a chlir, fod Cymru ar agor i fusnes.
Mae cwmnïau yn awyddus i barhau i fasnachu’n hawdd gyda’n cymdogion yn yr UE, yn manteisio ar unrhyw gyfleoedd newydd ar gyfer masnach o amgylch y byd ac yn sicrhau y gallant gael gafael ar dalent byd-eang, er eu bod yn ymwybodol o bryderon cyhoeddus o amgylch mewnfudo.
Yn dilyn y cyfarfod, bydd Mr Cairns yn teithio i SAAB UK yn Wiltshire i weld y datblygiadau diweddaraf mewn technoleg diogelwch ac amddiffyn.