Gwerthuso Safleoedd - Sut byddwn yn gwerthuso safleoedd - Nghymru
Detail of outcome
Cafodd y ddogfen derfynol: Gwerthuso Safleoedd - Sut byddwn yn gwerthuso safleoedd yng Nghymru ei chyhoeddi ar 18 Chwefror 2020.
Mae’r ddogfen Gwerthuso Safleoedd yn egluro’r fframweithiau polisi perthnasol, ac mae’n dangos sut bydd Radioactive Waste Management (RWM) yn defnyddio’r fframweithiau hyn yn gyson ac yn dryloyw. Mae’r ddogfen Gwerthuso Safleoedd hefyd yn esbonio sut byddwn yn strwythuro gwerthusiadau drwy ddefnyddio cyfres o Ffactorau Lleoli ac Ystyriaethau Gwerthuso. Bydd ein gwerthusiadau’n canolbwyntio ar a yw’r ardaloedd a’r safleoedd a nodwyd yn addas i gynnig lleoliad ar gyfer Cyfleuster Gwaredu Daearegol.
Mae’r ddogfen Gwerthuso Safleoedd wedi cael ei dylunio i grynhoi, mewn termau syml a hygyrch, yr hyn bydd yn rhaid i RWM ei ystyried yn ystod y broses leoli er mwyn gwneud yn siŵr ein bod yn bodloni ac yn cwrdd â’r holl ofynion perthnasol a’r hyn fydd yn galluogi RWM i gasglu’r wybodaeth angenrheidiol er mwyn gwneud ceisiadau am y cydsyniadau y bydd eu hangen i ymchwilio i ardal ac, wedi hynny, i adeiladu, i weithredu ac i gau cyfleuster gwaredu daearegol.
Ochr yn ochr â’r ymgynghoriad hwn roedd RWM wedi cynnal ymgynghoriad ynghylch Sut byddwn yn gwerthuso safleoedd yn Lloegr.
Mae’r ymgynghoriad yng Nghymru hefyd ar gael yn Saesneg.
Mae’r ddogfen derfynol: Gwerthuso Safleoedd – Sut byddwn yn gwerthuso safleoedd yng Nghymru hefyd ar gael yn Saesneg.
Feedback received
Detail of feedback received
Ar draws y ddau ymgynghoriad cawsom 90 o ymatebion gan amrywiaeth o randdeiliaid gan gynnwys:
- academyddion
- awdurdodau lleol
- cynghorau plwyf
- rheoleiddwyr amgylcheddol
- cyrff anllywodraethol
- unigolion sydd â diddordeb.
Mae ein dogfen Ymateb i’r Ymgynghoriad yn cynnwys crynodeb o’r ymatebion a gawsom, ynghyd â’r prif negeseuon a ddaeth o’r ymgynghoriad a’r camau rydym wedi’u cymryd.
Original consultation
Consultation description
Yn dilyn y datganiad ysgrifenedig a gyhoeddwyd heddiw gan Lesley Griffiths, Gweinidog yr Amgylchedd, Ynni a Materion Gwledig, Llywodraeth Cymru, a chyhoeddi Gwaredu Gwastraff Ymbelydrol Uwch ei Actifedd yn Ddaearegol: Gweithio gyda Chymunedau gan Lywodraeth Cymru, bydd Radioactive Waste Management (RWM), un o is-gwmnïau Nuclear Decommissioning Authority, nawr yn dechrau ar y gwaith o chwilio am gymuned sydd â safle addas ac sy’n barod i gynnig lleoliad i adeiladu Cyfleuster Gwaredu Daearegol (GDF).
I ategu datganiad polisi Llywodraeth Cymru, mae’r wybodaeth am yr ymgynghoriad cyhoeddus ar Werthuso Safleoedd wedi’i hatodi ac mae hi’n cynnwys manylion pwysig ynghylch sut y bydd safleoedd yn cael eu hasesu yng Nghymru.
Hoffem ddiolch i bawb a gymerodd ran yn y digwyddiadau cyhoeddus ac ymateb i’r ymgynghoriad. Fe gawsom 90 set o ymatebion ac fe fyddwn yn cyhoeddi ein hymateb yn nes ymlaen yn y flwyddyn.
I gael rhagor o wybodaeth, ewch i wefan ein hymgyrch.
Documents
Updates to this page
-
Mae’r dudalen wedi cael ei diweddaru i gynnwys: adborth gan y cyhoedd a’r canlyniad terfynol.
-
First published.