Gwella rheolau archebu profion gyrru ceir

Gan:: Driver and Vehicle Standards Agency
Cyhoeddwyd: 28 Mai 2025
Diweddarwyd ddiwethaf: 13 Tachwedd 2025 — Gweld pob diweddariad

Yn berthnasol i Loegr, yr Alban a Chymru

Manylion am y canlyniad

Cawsom 102,224 o ymatebion i’r ymholiad. Ar 12 Tachwedd 2025, cyhoeddodd yr Ysgrifennydd Gwladol dros Drafnidiaeth, Heidi Alexander, ganlyniad yr ymgynghoriad i wella rheolau archebu profion gyrru ceir. Rydyn nhw yn:

dim ond gyrwyr sy’n dysgu fydd yn gallu archebu a rheoli profion gyrru ceir
bydd gyrwyr sy’n dysgu yn gyfyngedig i wneud hyd at 2 newid i’w prawf i gyd (er enghraifft, un newid (dyddiad neu leoliad) ac un cyfnewid)
dim ond i ganolfannau prawf o fewn ardal ddaearyddol benodol o’r archeb wreiddiol y gellid symud profion

Bydd y newidiadau hyn yn cael eu cyflwyno yng ngwanwyn 2026. Byddwn yn cyhoeddi’r canlyniad llawn gyda manylion ynghylch sut y bydd y newidiadau’n cael eu rhoi ar waith a phryd cyn gynted â phosibl.

Ymgynghoriad gwreiddiol

Crynodeb

Opsiynau i wella rheolau archebu profion gyrru ceir i wneud y system yn decach ac atal pobl rhag ailwerthu profion.

Roedd yr ymgynghoriad hwn yn rhedeg o
ganol dydd ar 28 Mai 2025 to 11:59yh ar 23 Gorffennaf 2025

Disgrifiad o'r ymgynghoriad

Gweld yr ymgynghoriad hwn yn Saesneg (English).

Mae’r Asiantaeth Safonau Gyrwyr a Cherbydau (DVSA) eisiau eich barn ar newidiadau posibl i sut y gellir archebu a rheoli profion gyrru. Rydym yn edrych ar 2 brif faes:

pwy ddylai gael caniatâd i archebu a rheoli profion gyrru
a ddylem ni gyfyngu neu ddileu’r gallu i newid canolfannau prawf a chyfnewid profion rhwng gwahanol ddysgwyr

Nod y newidiadau hyn yw gwneud y system yn decach ac atal pobl rhag gorfod talu ffioedd gormodol am archebu profion.

Dogfennau