Cyflwyno profion golwg gorfodol i yrwyr hŷn

Gan:: Department for Transport
Cyhoeddwyd: 16 Chwefror 2026

Crynodeb

Ceisio barn ar y cynigion i gyflwyno profion golwg gorfodol i yrwyr hŷn ym Mhrydain Fawr.

Mae'r ymgynghoriad hwn yn cau am
11:59yh ar 11 Mai 2026

Disgrifiad o'r ymgynghoriad

Gweld yr ymgynghoriad hwn yn Saesneg (English).

Mae’r Adran Drafnidiaeth yn ceisio barn ar:

y posibilrwydd o symud i ffwrdd o’r system hunan-ddatgan bresennol ar gyfer safonau golwg ar gyfer gyrwyr 70 oed a throsodd
cyflwyno profion golwg gorfodol i yrwyr hŷn fel rhan o’r broses adnewyddu trwydded yrru

Ym Mhrydain Fawr, mae’r hawl i yrru yn dod i ben yn 70 oed. Unwaith y bydd gyrwyr yn cyrraedd 70 oed, rhaid iddynt adnewyddu eu trwydded yrru ac, wedi hynny, bob 3 blynedd ar y mwyaf.

I adnewyddu eu hawl, rhaid iddynt wneud datganiad cyfreithiol eu bod yn gallu bodloni’r safonau golwg sy’n ofynnol i yrru a chadarnhau a oes ganddynt unrhyw gyflyrau meddygol rhestredig.

Mae golwg yn elfen hanfodol o yrru’n ddiogel ac mae sicrhau y gall gyrwyr hŷn fodloni’r safonau lleiaf sy’n ofynnol ar gyfer gyrru yn mynd i’r afael yn uniongyrchol â ffactor allweddol mewn diogelwch ar y ffyrdd.

Dogfennau