Cynllun Gostyngiad Cartrefi Cynnes
Sgipio cynnwys
Os ydych chi'n byw yng Nghymru neu Loegr
Efallai y byddwch chi’n gymwys os oedd y canlynol i gyd yn gymwys ar 23 Awst 2026:
- bod eich cyflenwr ynni yn rhan o’r cynllun
- eich bod chi (neu’ch partner) yn cael budd-daliadau penodol sydd â phrawf moddion
- bod eich enw chi (neu enw’ch partner) ar y bil trydan
Yr enw ar hyn yw ‘grŵp craidd’.
Budd-daliadau cymwys
Y budd-daliadau cymwys sy’n seiliedig ar brawf modd yw:
- Credyd Cynhwysol
- Budd-dal Tai
- Lwfans Cyflogaeth a Chymorth sy’n gysylltiedig ag incwm (ESA)
- Gredyd Pensiwn
Sut i gael y gostyngiad
Fe gewch chi lythyr rhwng Hydref 2026 a dechrau Ionawr 2027:
- os ydych chi’n gymwys ar gyfer y cynllun
- os gallech chi fod yn gymwys ar gyfer y cynllun, ond bod angen ichi roi rhagor o wybodaeth
Cysylltwch â’r Cynllun Gostyngiad Cartrefi Cynnes na fyddwch chi’n cael llythyr erbyn dechrau mis Ionawr 2027.
Os ydych chi’n gymwys ar gyfer y cynllun, bydd eich llythyr yn cadarnhau nad oes angen ichi wneud dim. Bydd eich cyflenwr trydan yn rhoi’r gostyngiad ar eich bil erbyn 31 Mawrth 2027.
Os oes angen ichi roi rhagor o wybodaeth, bydd eich llythyr yn dweud wrthoch chi am ffonio’r llinell gymorth erbyn 26 Chwefror 2027 i gadarnhau’ch manylion.