Gwneud cais am, neu adnewyddu, Bathodyn Glas
Gwiriwch eich cymhwysedd a gwnewch gais am Fathodyn Glas. Gallwch hefyd ddefnyddio’r gwasanaeth hwn i ailymgeisio am Fathodyn Glas.
Gallwch wneud cais ar eich rhan eich hun, ar ran rhywun arall neu ar ran sefydliad.
Mae ffordd wahanol o ymgeisio os ydych yng Ngogledd Iwerddon.
Mae Bathodyn Glas yn costio hyd at £10 yn Lloegr ac £20 yn yr Alban. Mae am ddim yng Nghymru.
Maent fel arfer yn ddilys am hyd at 3 blynedd.
Rhaid i chi wneud cais eto am Fathodyn Glas cyn i’ch un presennol ddod i ben.
Os ydych yn ymgeisio am fathodyn glas i gymryd lle un sydd wedi’i golli, ei ddwyn neu ei ddifrodi, ac nad yw’n dod i ben yn y 3 mis nesaf, mae angen i chi ddefnyddio gwasanaeth gwahanol.
Mae’r gwasanaeth hwn hefyd ar gael yn Saesneg (English).
Ymgeisio neu adnewyddu ar-lein
Bydd angen llun digidol diweddar arnoch sy’n dangos eich pen a’ch ysgwyddau.
Bydd angen llun neu sgan hefyd o’ch:
- tystiolaeth hunaniaeth (fel tystysgrif geni, pasbort neu drwydded yrru)
- tystiolaeth o gyfeiriad (fel bil y Dreth Gyngor neu lythyr gan y llywodraeth)
- prawf o fudd-daliadau (os ydych yn derbyn unrhyw rai)
Bydd angen i chi wybod hefyd:
- eich Rhif Yswiriant Gwladol (os oes gennych chi un)
- manylion eich Bathodyn Glas presennol (os ydych yn ailymgeisio)
Gallwch gadw eich cais a dychwelyd ato yn ddiweddarach os oes angen.
Mae’r ffordd y talwch yn dibynnu ar eich cyngor lleol. Fel arfer, byddant yn gwneud penderfyniad o fewn 12 wythnos.
Os gwrthodir eich cais
Dylai eich cyngor ddweud wrthych pam nad ydych yn gymwys i gael Bathodyn Glas.
Gallwch ofyn iddynt ailystyried eich achos os nad ydych yn credu bod yr holl wybodaeth bwysig a ddarparwyd gennych wedi cael ei hystyried.
Gallwch hefyd ailymgeisio os bydd eich problemau symudedd yn gwaethygu.
Os oes angen cymorth arnoch
Ar gyfer cwestiynau am gynllun y Bathodyn Glas, cysylltwch â’ch cyngor lleol.