Toll Peiriannau Hapchwarae
Faint rydych yn ei dalu
Rydych yn talu’r Doll Peiriannau Hapchwarae (MGD) ar gyfanswm yr enillion net o’ch peiriannau hapchwarae.
Dyma’r swm rydych yn ei godi i chwarae’r gemau, llai’r swm rydych yn ei dalu fel enillion, gan gynnwys gwobrwyon nad ydynt yn arian parod.
Nid ydych yn ei thalu ar enillion a gafwyd o ddigwyddiadau ar gyfer elusennau, twrnameintiau, peiriannau loteri nac o beiriannau at ddefnydd domestig.
Cyfraddau’r Doll Peiriannau Hapchwarae
| Cost chwarae | Y wobr | Y gyfradd rydych yn ei thalu | |
|---|---|---|---|
| Peiriant math 1 - cyfradd is | 20 ceiniog neu lai | £10 neu lai | 5% |
| Peiriant math 2 - cyfradd safonol | 21 ceiniog i £5 | £11 neu fwy | 20% |
| Mathau eraill o beiriant - cyfradd uwch | Mwy na £5 | Unrhyw wobr | 25% |
Os oes gan eich peiriant fwy nag un math o gêm, rydych yn talu’r MGD ar y gyfradd sy’n berthnasol i’r gêm â’r gyfradd uchaf – a hynny ar yr holl enillion o’r peiriant hwnnw.
Enghraifft
Os oes gan eich peiriant 5 gêm sy’n costio 20 ceiniog yr un i’w chwarae, ac un gêm sy’n costio £6 i’w chwarae, byddech yn talu 25% ar eich enillion net a gafwyd o’r peiriant. Felly, byddech yn talu toll o £100 ar enillion net o £400.