Wedi sgrapio eich cerbyd neu ei fod yn golled llwyr
Mae arnoch angen y rhif cyfeirnod 11 digid o’r llyfr log diweddaraf (V5CW).
-
Rhowch wybod i DVLA eich bod wedi sgrapio eich cerbyd neu ei fod yn golled llwyr drwy ddefnyddio’r gwasanaeth hwn.
-
Dinistriwch y llyfr log, oni bai eich bod eisoes wedi ei roi i’r iard sgrap neu’r cwmni yswiriant.
Defnyddiwch enw’r iard sgrap neu’r cwmni yswiriant fel y masnachwr rydych wedi gwerthu’r cerbyd iddo, hyd yn oed os nad ydych wedi cael unrhyw arian amdano.
Gallwch gymryd rhif cofrestru oddi ar y cerbyd os ydych eisiau ei gadw. Mae’n rhaid ichi wneud hyn cyn rhoi gwybod i DVLA eich bod wedi gwerthu eich cerbyd.
Beth sy’n digwydd nesaf
Byddwch yn derbyn:
- cadarnhad e-bost (os wnaethoch roi eich cyfeiriad e-bost)
- llythyr yn cadarnhau nad ydych bellach yn geidwad y cerbyd
- siec ad-daliad am unrhyw fisoedd llawn sy’n weddill ar eich treth, wedi eu cyfrifo o’r diwrnod mae DVLA yn derbyn eich gwybodaeth - os ydych yn talu drwy Ddebyd Uniongyrchol, bydd hyn yn cael ei ganslo’n awtomatig
Ffyrdd eraill o wneud cais
Os oes gennych lyfr log mae’n rhaid ichi gael yr iard sgrap neu’r cwmni yswiriant i lenwi’r adran ‘gwerthu, trosglwyddo neu ran-gyfnewid eich cerbyd i fasnachwr modur’ felen. Anfonwch yr adran dyllog i DVLA.
DVLA
Abertawe
SA99 1BA
Os nad oes gennych lyfr log
Rhaid ichi ysgrifennu i DVLA gyda’r canlynol:
- eich enw a chyfeiriad
- y rhif cofrestru cerbyd
- y gwneuthuriad a model
- union ddyddiad y gwerthiant
- enw a chyfeiriad yr iard sgrap neu’r cwmni yswiriant
DVLA
Abertawe
SA99 1BA
Gall eich hysbysiad gael ei wrthod os nad ydych yn darparu’r holl wybodaeth yma. Bydd hyn hefyd yn effeithio ar unrhyw ad-daliad treth cerbyd sy’n ddyledus ichi.
Eich atebion
- 2. Beth ydych wedi gwneud gyda’ch cerbyd?
- Wedi ei sgrapio neu mae’n golled llwyr
- Newid 2. Beth ydych wedi gwneud gyda’ch cerbyd?