Rhoi gwybod am allforion sydd wedi cyrraedd neu adael porthladd yn y DU ac na chawsant eu datgan drwy’r system CHIEF
Defnyddiwch y gwasanaeth hwn i roi gwybod i CThEM am allforion na wnaethoch roi gwybod amdanynt drwy’r system CHIEF pan wnaethant gyrraedd neu adael y porthladd yn y DU.
Cyn i chi ddechrau
Gallwch ddefnyddio’r gwasanaeth hwn i roi gwybod i CThEM pan fydd y canlynol yn berthnasol i’ch nwyddau:
- maent yn cyrraedd porthladd yn y DU nad oes ganddo gyfleusterau CHIEF
- maent yn gadael porthladd yn y DU nad oes ganddo gyfleusterau CHIEF
- maent yn cael eu hallforio’n uniongyrchol, a ni chawsoch gliriad gan CThEM ymlaen llaw
Yr hyn y bydd ei angen arnoch
I ddefnyddio’r gwasanaeth hwn, mae angen Dynodydd Defnyddiwr (ID) a chyfrinair ar gyfer Porth y Llywodraeth arnoch.
Bydd angen i chi danysgrifio’r tro cyntaf y byddwch yn defnyddio’r gwasanaeth. Os nad oes gennych Ddynodydd Defnyddiwr (ID), gallwch greu un pan fyddwch yn rhoi gwybod i ni am y tro cyntaf fod eich nwyddau wedi cyrraedd neu adael porthladd yn y DU.
Hefyd, bydd angen y canlynol arnoch:
- Cymeradwyaeth CThEM ar gyfer nwyddau sy’n cyrraedd a gadael
- Datganiad o Gyfeirnod Unigryw y Llwyth (DUCR)
- Cyfeirnod Meistr Unigryw y Llwyth (MUCR) os cafodd eich nwyddau eu cyfuno i lwyth mwy o faint
- manylion ynghylch i ble ac o ble yr ydych yn anfon yr allforyn
Mae’n rhaid i chi lenwi un o’r ffurflenni canlynol ar-lein, cadw copi ohoni a’i huwchlwytho i’r gwasanaeth ar-lein:
- Nwyddau sy’n cyrraedd porthladd yn y DU nad oes ganddo gyfleusterau CHIEF (C1601)
- Nwyddau sy’n gadael porthladd yn y DU nad oes ganddo gyfleusterau CHIEF (C1602)
- Nwyddau sy’n cael eu hallforio’n uniongyrchol, a ni chawsoch gliriad gan CThEM ymlaen llaw (C1603)
Ni allwch ddefnyddio ffurflen C1603 ar gyfer allforion anuniongyrchol drwy un o wledydd yr UE. Os oes gennych broblemau gydag allforion anuniongyrchol, cysylltwch â’r Ddesg Gymorth System Rheoli Allforion ar: ecs.helpdesk@hmrc.gov.uk.
Bydd angen i chi uwchlwytho’r holl waith papur sy’n ategu’ch datganiad, er enghraifft:
- unrhyw drwyddedau neu dystysgrifau
- tystiolaeth o werth y nwyddau
- rhestr bacio o’r eitemau sydd wedi’u cynnwys
- tystysgrifau ar gyfer tystiolaeth o darddiad
Anfonwch e-bost i CThEM er mwyn gofyn am gael y ffurflenni hyn yn Gymraeg..
Anfon eich dogfennau
Gall gwasanaethau ar-lein fod yn araf yn ystod adegau prysur. Gwiriwch a oes problemau gyda’r gwasanaeth hwn.