Trethi atodol Colofn 2 (Treth Atodol i Gwmnïau Domestig a Threth Atodol i Gwmnïau Rhyngwladol)
Sut i dalu Trethi atodol Colofn 2, a faint o amser mae’n ei gymryd i’ch taliad gyrraedd CThEF.
Mae’r canllaw hwn yn esbonio sut a phryd i dalu trethi atodol Colofn 2 (Treth Atodol i Gwmnïau Domestig a Threth Atodol i Gwmnïau Rhyngwladol).
Pryd i dalu
Mae’n rhaid gwneud taliadau dim hwyrach na:
-
30 Mehefin 2026, os daw’r cyfnod cyfrifyddu cyntaf y mae’n ofynnol i’r grŵp rhoi gwybod bod Trethi Atodol Colofn 2 yn dod i ben ar neu cyn 31 Rhagfyr 2024
-
18 mis ar ôl diwrnod olaf cyfnod cyfrifyddu’r grŵp, os daw’r cyfnod cyfrifyddu cyntaf y mae’n ofynnol i’r grŵp rhoi gwybod bod trethi atodol Colofn 2 yn dod i ben ar ôl 31 Rhagfyr 2024
-
yr olaf o 30 Mehefin 2026 a 15 mis ar ôl diwrnod olaf cyfnod cyfrifyddu’r grŵp ar gyfer pob cyfnod arall
Os bydd y dyddiad cau ar y penwythnos neu ar ŵyl banc, gwnewch yn siŵr bod eich taliad yn dod i law CThEF erbyn diwedd y diwrnod gwaith blaenorol.
Os na fyddwch yn talu erbyn y dyddiad cau, efallai y bydd yn rhaid i chi dalu llog
Yr hyn y bydd ei angen arnoch
Mae angen eich cyfeirnod Dynodydd Defnyddiwr Colofn 2 arnoch. Cyfeirnod 15 cymeriad yw hwn sy’n dechrau gydag X. Bydd hwn wedi’i ddarparu pan wnaethoch gofrestru.
Os nad oes gennych hwn, fe welwch ef drwy fewngofnodi i gwasanaethau ar-lein CThEF gan ddefnyddio’ch Dynodydd Defnyddiwr (ID) ar gyfer Porth y Llywodraeth.
Os ydych yn defnyddio cyfeirnod anghywir, bydd oedi cyn i’r taliad gael ei ddyrannu’n gywir.
Talu ar-lein
Gallwch gymeradwyo taliad drwy’ch cyfrif banc ar-lein.
Talu ar-lein drwy’ch cyfrif banc
Gallwch dalu drwy gymeradwyo taliad drwy’ch cyfrif bancio ar-lein — gallwch wneud hyn drwy ddewis yr opsiwn i dalu drwy gyfrif banc.
Bydd gofyn i chi fewngofnodi i’ch cyfrif bancio ar-lein, neu’r cyfrif bancio ar eich ffôn symudol, i gymeradwyo’ch taliad.
Bydd angen i chi fod â’ch manylion bancio ar-lein wrth law er mwyn talu drwy’r dull hwn.
Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.
Talu drwy drosglwyddiad banc
Os byddwch yn talu drwy CHAPS (System Dalu Awtomataidd y Tŷ Clirio) neu Daliadau Cyflymach, bydd eich taliad yn ein cyrraedd ar yr un diwrnod, neu’r diwrnod gwaith nesaf.
Os byddwch yn talu drwy Bacs (System Glirio Awtomataidd y Bancwyr), dylech ganiatáu 3 diwrnod gwaith i’ch taliad gyrraedd CThEF.
Cyn i chi dalu, rydym yn argymell eich bod yn gwirio amserau prosesu’ch banc a’i derfynau o ran trafodion mwyaf.
Y manylion cyfrif i’w defnyddio os yw’ch cyfrif yn y DU
Defnyddiwch y manylion canlynol i wneud taliad os yw’ch cyfrif yn y DU:
-
cod didoli — 08 32 10
-
rhif y cyfrif — 12001020
-
enw’r cyfrif — HMRC Shipley
Y manylion cyfrif i’w defnyddio os yw’ch cyfrif dramor
Defnyddiwch y manylion canlynol i wneud taliad os yw’ch cyfrif dramor:
-
rhif y cyfrif (IBAN) — GB03 BARC 2011 4783 9776 92
-
Cod Adnabod y Busnes (BIC) — BARCGB22
-
enw’r cyfrif — HMRC Shipley
Dylech wneud pob taliad mewn punnoedd sterling (GBP). Mae’n bosibl y bydd eich banc yn codi tâl arnoch os byddwch yn defnyddio unrhyw arian cyfred arall.
Os bydd angen, gallwch roi’r cyfeiriad canlynol fel cyfeiriad bancio CThEF i’ch banc chi:
Barclays Bank PLC
1 Churchill Place
London
Y Deyrnas Unedig
E14 5HP
Talu â siec
Caniatewch 3 diwrnod gwaith i’ch taliad gyrraedd CThEF.
Gwnewch eich siec yn daladwy i ‘Cyllid a Thollau EF yn unig’, ac ysgrifennwch eich cyfeirnod ar y cefn.
Peidiwch â phlygu’r siec na’i glynu wrth unrhyw bapurau eraill.
Gallwch gynnwys llythyr i ofyn am dderbynneb.
Anfonwch eich siec i:
CThEF
Direct
BX5 5BD
Updates to this page
-
A Welsh translation has been added.
-
Information about paying online through your bank account has been added.
-
First published.