Sut mae swyddfeydd yn cael eu prisio ar gyfer ardrethi busnes
Dysgwch sut mae Asiantaeth y Swyddfa Brisio (VOA) yn cyfrifo gwerthoedd ardrethol ar gyfer swyddfeydd.
Yn berthnasol i Loegr a Chymru
Sut mae swyddfeydd yn cael eu prisio
Mae Asiantaeth y Swyddfa Brisio (VOA) fel arfer yn defnyddio’r dull rhent cymharol i brisio swyddfeydd. Rydym yn grwpio swyddfeydd gydag eiddo tebyg i gynlluniau prisio. Fel arfer, rydym yn eu mesur gan ddefnyddio’r dull arwynebedd mewnol net (NIA). Dysgwch fwy am y dull rhent cymharol, cynlluniau prisio a NIA.
I brisio swyddfeydd, mae’r VOA yn:
-
casglu gwybodaeth am y rhent a dalwyd am eiddo ac eiddo tebyg cyfagos
-
dadansoddi’r wybodaeth ac yn cyfrifo pris fesul metr sgwâr ar gyfer yr eiddo
Rydym hefyd yn ystyried:
-
cyfnodau di-rent
-
gwelliannau a wnaed gan y tenant
-
telerau prydles anarferol
-
costau gosod ffitiadau
Rydym yn lluosi’r pris fesul metr sgwâr ag arwynebedd llawr yr eiddo i gyfrifo’r gwerth ardrethol.
Gall parcio:
-
cael ei ddangos ar wahân yn y prisiad
-
cael ei gynnwys yng nghyfanswm y pris fesul metr sgwâr
-
cael gwerth ardrethol ar wahân
Dysgwch sut i gael help i ddiweddaru manylion eiddo eich swyddfa (yn agor tudalen Saesneg).
Peiriannau a pheirianwaith
Efallai y bydd peiriannau a pheirianwaith yn ymddangos ar wahân yng nghyfrifiad y gwerth ardrethol. Gall peiriannau a pheirianwaith gynnwys:
- aerdymheru
- gwresogi
- teledu cylch cyfyng
- systemau chwistrellu dŵr
Swyddfeydd â gwasanaeth
Mae’r VOA yn prisio adeiladau swyddfeydd â gwasanaeth naill ai fel un asesiad sengl neu fel sawl eiddo ar wahân. Mae hyn yn dibynnu:
-
a yw deiliad yr uned yn meddiannu
-
a yw’r gweithredwr yn parhau i fod mewn rheolaeth