Sut mae ffatrïoedd, gweithdai a warysau yn cael eu prisio ar gyfer ardrethi busnes
Dysgwch sut mae Asiantaeth y Swyddfa Brisio (VOA) yn cyfrifo gwerthoedd ardrethol ar gyfer ffatrïoedd, gweithdai a warysau.
Yn berthnasol i Loegr a Chymru
Sut mae ffatrïoedd, gweithdai a warysau yn cael eu prisio
Mae Asiantaeth y Swyddfa Brisio (VOA) yn defnyddio’r dull rhent cymharol i brisio ffatrïoedd, warysau a gweithdai. Rydym yn grwpio’r eiddo hyn gydag eiddo tebyg i gynlluniau prisio. Rydym yn eu mesur gan ddefnyddio’r dull arwynebedd mewnol gros (GIA). Dysgwch fwy am y dull rhent cymharol, cynlluniau prisio a GIA.
I brisio ffatrïoedd, warysau a gweithdai, mae’r VOA yn:
- casglu gwybodaeth am y rhent a dalwyd am eiddo ac eiddo tebyg cyfagos
- dadansoddi’r wybodaeth ac yn cyfrifo pris fesul metr sgwâr ar gyfer yr eiddo
Rydym hefyd yn ystyried yr eiddo o ran:
- maint
- oedran
- lleoliad
- tir
- nodweddion, megis uchder y bondo a gwresogi
Rydym yn lluosi’r pris fesul metr sgwâr ag arwynebedd llawr yr eiddo i gyfrifo’r gwerth ardrethol.
Dysgwch sut i gael help i ddiweddaru manylion eiddo eich ffatri, gweithdy neu warws (yn agor tudalen Saesneg).
Peiriannau a pheirianwaith
Efallai y bydd peiriannau a pheirianwaith, meysydd parcio a thir yn ymddangos ar wahân yng nghyfrifiad y gwerth ardrethol. Gall peiriannau a pheirianwaith gynnwys:
-
system chwistrellu dŵr
-
aerdymheru
-
teledu cylch cyfyng
-
gwresogi