Cylchlythyrau
Cyhoeddwyd 10 Chwefror 2026
© Hawlfraint y Goron 2026
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/vaping-products-duty-and-vaping-duty-stamps-scheme-communications-resources/cylchlythyrau
Mae’r dudalen hon yn cynnwys gwybodaeth am y Doll Cynhyrchion Fepio a Chynllun Stampiau’r Doll Fepio y bydd modd i chi ei chynnwys yn eich cylchlythyrau a’ch gohebiaeth allanol.
Cylchlythyr hir
Mae Llywodraeth y DU yn cyflwyno Toll Cynhyrchion Fepio ar gyfradd unffurf o £2.20 fesul 10ml o hylif fepio, ochr yn ochr â chynllun sy’n ei gwneud yn ofynnol i roi stampiau’r doll ar gynhyrchion fepio.
O 1 Ebrill 2026 ymlaen, bydd yn rhaid i unrhyw fusnes sy’n ymwneud â gweithgynhyrchu neu fewnforio cynhyrchion fepio, neu storio cynhyrchion fepio sydd â tholl wedi’i gohirio arnyn nhw, wneud cais am gymeradwyaeth gan Gyllid a Thollau EF (CThEF) i barhau i weithredu yn y DU yn gyfreithlon unwaith y bydd y Doll Cynhyrchion Fepio a Chynllun Stampiau’r Doll Fepio yn dod i rym.
Gyda dim ond chwe mis cyn i’r broses o gofrestru am gymeradwyaeth agor, mae CThEF yn annog pob busnes y bydd effaith arnyn nhw i baratoi nawr i osgoi tarfu arnyn nhw. Gallwch chi achub y blaen drwy wneud cais a dechrau Paratoi ar gyfer Toll Cynhyrchion Fepio a chynllun Stampiau’r Doll Fepio.
Bydd angen i chi weithredu os yw’r canlynol yn wir amdanoch chi:
-
rydych chi’n gweithgynhyrchu cynhyrchion fepio
-
rydych chi’n storio cynhyrchion fepio sydd â tholl wedi’i gohirio arnyn nhw
-
rydych chi’n dymuno gweithredu fel cynrychiolydd yn y DU i brynu stampiau’r doll ar gyfer gweithgynhyrchwr tramor
Am restr lawn o bwy sydd angen gweithredu, ewch i Doll Cynhyrchion Fepio a Chynllun Stampiau’r Doll Fepio: gwybodaeth fanwl.
Os oes gennych chi unrhyw gwestiynau am y Doll Cynhyrchion Fepio a Chynllun Stampiau’r Doll Fepio, gallwch anfon e-bost at dîm y Doll Cynhyrchion Fepio. Gallwch chi hefyd gysylltu â’r tîm hwn os hoffech chi gael eich ychwanegu at y rhestr ddosbarthu i gael clywed y diweddaraf am y doll fepio yn y dyfodol.
Fersiwn fyrrach
O 1 Ebrill 2026 ymlaen, bydd yn rhaid i fusnesau sy’n gweithgynhyrchu, mewnforio, neu’n storio cynhyrchion fepio sydd â tholl wedi’i gohirio arnyn nhw wneud cais am gymeradwyaeth gan CThEF er mwyn parhau i weithredu. Dylai busnesau ddechrau paratoi nawr i osgoi unrhyw darfu arnyn nhw.
Bydd y Doll Cynhyrchion Fepio yn berthnasol ar gyfradd unffurf o £2.20 am bob 10ml o hylif fepio, a bydd hi’n ofynnol i roi stampiau’r doll ar gynhyrchion fepio.
Bydd angen i chi weithredu os yw’r canlynol yn wir amdanoch chi:
-
rydych chi’n gweithgynhyrchu cynhyrchion fepio
-
rydych chi’n storio cynhyrchion fepio sydd â tholl wedi’i gohirio arnyn nhw
-
rydych chi’n dymuno gweithredu fel cynrychiolydd yn y DU i brynu stampiau’r doll ar gyfer gweithgynhyrchwr tramor
Am restr lawn o bwy sydd angen gweithredu, ewch i Doll Cynhyrchion Fepio a Chynllun Stampiau’r Doll Fepio: gwybodaeth fanwl.
Os oes gennych chi unrhyw gwestiynau am y Doll Cynhyrchion Fepio a Chynllun Stampiau’r Doll Fepio, gallwch anfon e-bost at dîm y Doll Cynhyrchion Fepio. Gallwch chi hefyd gysylltu â’r tîm hwn os hoffech chi gael eich ychwanegu at y rhestr ddosbarthu i gael clywed y diweddaraf am y doll fepio yn y dyfodol.