Rhoi gwybod am broblem gyda sgôr hylendid bwyd fel defnyddiwr
Diweddarwyd 7 Gorffennaf 2026
Yn berthnasol i Loegr, Gogledd Iwerddon a Chymru
© Hawlfraint y Goron 2026
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/report-a-food-problem/rhoi-gwybod-am-broblem-gyda-sgor-hylendid-bwyd-fel-defnyddiwr
Ni allwch chi ddod o hyd i sgôr hylendid busnes bwyd ar y wefan
Os na allwch chi ddod o hyd i’r sgôr hylendid bwyd ar gyfer busnes y mae gennych ddiddordeb ynddo, rhowch gynnig ar y canlynol:
- gwirio a ydych chi wedi sillafu’r enw yn gywir
- chwilio yn ôl enw arall y busnes, os yw’r busnes yn hysbys o dan enw gwahanol
- hepgor unrhyw atalnodau yn y cyfeiriad neu ychwanegu enw’r stryd, y dref neu’r cod post
- chwilio gan ddefnyddio rhan gyntaf y cod post yn unig – mae hyn oherwydd taw dim ond gwybodaeth gyfyngedig sy’n cael ei chyhoeddi ar gyfer busnesau sydd wedi’u cofrestru gan ddefnyddio cyfeiriad preifat
Os na allwch chi ddod o hyd i unrhyw wybodaeth o hyd, ewch ati i gysylltu â’r awdurdod lleol sy’n gyfrifol am arolygu’r busnes hwnnw.
Mae sgôr ar-lein yn wahanol i sticer sgôr hylendid bwyd
Mae’n bosibl bod rheswm teilwng pam mae sgôr hylendid bwyd ar-lein yn wahanol i sgôr sy’n cael ei harddangos dros dro ar safle busnes, fel:
- mae’r busnes wedi apelio yn erbyn ei sgôr ddiweddaraf ac yn aros am y canlyniad
- mae’r awdurdod lleol wrthi’n uwchlwytho’r sgôr newydd i’n gwefan
Hyd yn oed os yw’r busnes yn cael y sgôr uchaf, mae’n bosib y bydd ychydig o oedi tra bod yr awdurdod lleol yn diweddaru’r wefan. Mae awdurdodau lleol yn uwchlwytho sgoriau bob 28 diwrnod ar y lleiaf.
Mae busnes yn arddangos sgôr uwch yn fwriadol
Os ydych chi’n poeni bod busnes yn arddangos sgôr uwch na’r sgôr ar y wefan yn fwriadol i awgrymu bod ganddo safonau hylendid uwch nag sydd ganddo mewn gwirionedd, dylech chi gysylltu â’r awdurdod lleol.
Gallwch chi ddod o hyd i fanylion yr awdurdod lleol drwy chwilio am y busnes gan ddefnyddio’r adnodd chwilio am sgôr hylendid bwyd.