Canllaw Costau Ardrethu 2023
Dyma wythfed rhifyn Canllaw Costau Ardrethu (y Canllaw) Asiantaeth y Swyddfa Brisio.
Dogfennau
Manylion
Canllaw Costau Ardrethu 2023
Dyma wythfed rhifyn Canllaw Costau Ardrethu (y Canllaw) Asiantaeth y Swyddfa Brisio.
Defnyddir y Canllaw Costau Ardrethu ar gyfer prisiadau a baratowyd ar sail y contractwr. Mae canllaw 2023 yn darparu lefelau costau o ddyddiad prisio 1 Ebrill 2021.
Nodyn: canslwyd rhifyn y cyfeirir ato fel RCG 2021, sef y seithfed argraffiad. Ni fwriedir ei ddefnyddio at unrhyw ddiben arall, megis paratoi prisiadau ar gyfer asedion neu asesiadau cost adfer (at ddibenion yswiriant).
Er bod pob ymdrech wedi’i wneud i sicrhau bod yr wybodaeth a roddir yn y canllaw’n gywir, ni all y VOA dderbyn unrhyw gyfrifoldeb am unrhyw fath o golled sy’n deillio o’i ddefnyddio (gan unrhyw berson).
Mae’r Nodiadau Arweiniad yn esbonio ar ba sail y lluniwyd yr wybodaeth gan gynnwys addasiadau yn seiliedig ar arferion gorau a data cydnabyddedig a gyhoeddwyd gan y diwydiant.
Argymhellir darllen y Nodiadau Arweiniad yn llawn cyn cynnal prisiad sy’n seiliedig ar gost.
Costau a ddeilliwyd
Mae’r costau sydd yn y Canllaw yn adlewyrchu’r safon nodweddiadol y fanyleb a ddisgrifir ar gyfer pob eitem.
Mewn achosion lle mae manyleb yr eitem yn wahanol i’r hyn sydd yn y Canllaw, gellir deillio ffigur Cost Amnewid Amcangyfrifedig priodol (ERC) naill ai drwy allblygu / rhyngosod neu drwy addasu’r gost ar gyfer yr eitem yn seiliedig ar eitemau o adeiladwaith tebyg y gellir eu canfod mewn mannau eraill yn y Canllaw.
Mae’r holl gostau wedi’u cynhyrchu i ffurfio lefelau o gostau ‘newydd’ at ddibenion ardrethu ar y Dyddiad Prisio Rhagflaenol (AVD), sef 1 Ebrill 2021. Bwriedir eu defnyddio wrth asesu Costau Amnewid (ERC) yr hereditament yng Ngham Un sail o sail brisio’r contractwr.
Gellir costio ERC eitemau offer a pheiriannau drwy gyfuno costau gwirioneddol ‘newydd’ y gweithgynhyrchwyr ac wedi hynny eu haddasu i AVD 1 Ebrill 2021.
Mae costau adeiladau ac eitemau sifil wedi’u cronni o amrywiaeth o eiddo gwirioneddol a llyfrau prisiau a gydnabyddir gan y diwydiant.
Mae costau ‘begwn’ wedi’u sefydlu lle bo hynny’n bosibl, gan ddefnyddio’r costau gwirioneddol sy’n berthnasol i’r hereditament begwn neu ran ohono.
Ceir disgrifiad manylach ar sut i ddefnyddio addasiadau cost ac ystyriaethau eraill yng nghorff y Nodyn Arweiniad hwn a’r atodiadau y ceir ynddo.
Cynhwysiant lluniau
Lle bo’n bosibl, mae gan bob cofnod yn y Canllaw gynrychiolydd ffotograff o’r eitem sy’n cael ei disgrifio ac y mae cost yn cael ei ddarparu ar ei gyfer. Lle nad oes gennym lun perthnasol, neu os nad ydym wedi gallu dod o hyd i un, mae ‘No Photograph Available’ wedi’i nodi.
Mae’r holl ffotograffau sydd wedi’u cynnwys yng Nghanllaw ar ddibenion adnabod yn unig ac yn enghraifft ‘nodweddiadol’ o eitem o fewn yr ystod dan ystyriaeth.
Cafodd y ffotograffau eu tynnu mewn amgylchedd gwaith ac nid ydynt yn cynrychioli unig weithgynhyrchwyr yr eitem.
Yn gyffredinol, mae ffotograffau o adeiladau yn ‘nodweddiadol’ o’r math o adeilad sy’n cael ei gynrychioli, tra bo lluniau o adeiladau ‘begwn’ yn cynnwys yr eitem wirioneddol sy’n cael ei chostio. Bydd y manylion yn cael eu disgrifio yng nghorff y cofnod hwnnw yn y canllaw costau.
Telerau ac Amodau
Telerau ac amodau deunydd trydydd parti
Mae’r data a geir yn y ffactorau lleoliad a / neu fynegeion cysylltiedig yn seiliedig ar wybodaeth a ddarperir gan Wasanaeth Gwybodaeth Cost Adeiladu (BCIS) y Sefydliad Brenhinol y Syrfewyr Siartredig (RICS) ac yn adlewyrchu hynny ar drothwy’r dyddiad prisio 1 Ebrill 2021.
Wrth ddefnyddio’r Canllaw, mae’r defnyddiwr yn deall, yn derbyn ac yn cytuno i gael ei rwymo gan y termau cyfreithiol rhwymol canlynol sy’n ymwneud â deunydd trydydd parti sy’n cael ei gynnwys yn y Canllaw (mynegeion BCIS a ffactorau lleoliad):
• Mae’r mynegeion BCIS a’r ffactorau lleoliad a gynhwysir fel rhan o’r Canllaw yn cael eu defnyddio gan y VOA dan drwydded gan y Trwyddedwr (BCIS/RICS).
• Mae is-drwyddedu’r mynegeion BCIS a ffactorau o ran lleoliad (fel rhan o’r Canllaw neu fel arall) i unrhyw berson arall wedi’i wahardd.
• Darperir mynegeion a ffactorau lleoliad BCIS ar sail ‘fel y mae’ ac ni fydd y Trwyddedwr (BCIS/RICS) yn atebol am unrhyw ddefnydd o fynegeion a ffactorau lleoliad BCIS, ac nid yw’r Trwyddedwr (BCIS/RICS) na’r Trwyddedai (VOA) yn gwarantu y bydd data’n hollol rydd o ddiffygion neu y bydd eu gweithredoedd yn hollol ddi-wall.
• Mae’r data’n rhannol seiliedig ar ddyfarniadau’r farchnad ac mae’r Trwyddedai (VOA) yn cadw’r hawl i ddarparu manylion y Defnyddiwr i’r Trwyddedwr (BCIS/RICS)
Hawlfraint trydydd parti
Mae’r data a ddarperir gan BCIS yn eiddo i BCIS/RICS yn unig ac ni ddylid eu is-drwyddedu na’u hatgynhyrchu heb eu caniatâd. Dylai unrhyw berson sy’n dymuno atgynhyrchu unrhyw un o’r tablau a geir yma, mewn unrhyw fformat, ofyn am ganiatâd gan y RICS yn uniongyrchol drwy gysylltu â licensing@rics.org.
Hawlfraint y Goron
Gallwch ddefnyddio ac ail-ddefnyddio gwybodaeth sy’n cael sylw yn y Canllaw (heb gynnwys logos neu ddeunydd trydydd parti) yn rhad ac am ddim mewn unrhyw fformat neu gyfrwng o dan delerau’r Drwydded Llywodraeth Agored. Dylid e-bostio unrhyw ymholiadau ynglŷn â defnyddio ac ailddefnyddio deunydd hawlfraint y Goron at yr Archifau Cenedlaethol yn psi@nationalarchives.gsi.gov.uk.
Trwy lwytho/darllen/defnyddio’r Canllaw mae’r defnyddiwr yn cydnabod, yn derbyn ac yn cytuno i gael eu rhwymo gan delerau ac amodau defnyddio.
Diweddarwyd ddiwethaf ar 21 December 2023 + show all updates
-
We have updated some data within the Rating Cost Guide 2023.
-
We have added the Welsh translations
-
The guidance note has been updated to include point 9.4
-
First published.