Rheoliadau deunyddiau a ddaw i gysylltiad â bwyd
Cyhoeddwyd 24 Ebrill 2018
Yn berthnasol i Loegr, Gogledd Iwerddon a Chymru
© Hawlfraint y Goron 2018
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: psi@nationalarchives.gov.uk.
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/food-contact-materials-regulations/rheoliadau-deunyddiau-a-ddaw-i-gysylltiad-a-bwyd
Rydym yn gyfrifol am ddiogelu’r cyhoedd yn erbyn cemegion a allai drosglwyddo i fwyd o’r deunyddiau y maent yn dod i gysylltiad â nhw, er enghraifft deunydd pecynnu ac offer. Rydym yn helpu i orfodi rheolaethau yn seiliedig ar waith ymchwil a gwyliadwriaeth.
Rheoliadau Cenedlaethol 2012
Mae’r Rheoliadau’n cynnwys darpariaethau ar gyfer deunyddiau ac eitemau y disgwylir iddynt ddod i gysylltiad â bwyd neu drosglwyddo eu cynnwys i fwyd, er enghraifft, deunyddiau fel inciau argraffu a labeli gludiog. Nid yw hyn yn cynnwys sylweddau sy’n gorchuddio’r bwyd ac sy’n rhan o’r bwyd ac y gellir eu bwyta, fel croen selsig.
Mae Rheoliadau cenedlaethol 2012 yn darparu un pwynt cyfeirio ar gyfer busnesau ac awdurdodau gorfodi trwy ddod â thair prif Offeryn Statudol ynghyd ar ddeunyddiau ac eitemau y bwriedir iddynt ddod i gysylltiad â bwyd, fel eu bod yn un set o reoliadau. Mae’r rheoliadau cyfunol yn sicrhau parhad y darpariaethau gorfodi ar gyfer deddfwriaeth bresennol sy’n berthnasol yn uniongyrchol i ddeunyddiau ac eitemau y bwriedir iddynt ddod i gysylltiad â bwyd.
Cymru
Rheoliadau Deunyddiau ac Eitemau mewn Cysylltiad â Bwyd (Cymru) 2012
Lloegr
The Materials and Articles in Contact with Food (England) Regulations 2012
Gogledd Iwerddon
The Materials and Articles in Contact with Food Regulations (Northern Ireland) 2012
Mae rheoliadau 2012 yn nodi:
- pa achosion o ddiffyg cydymffurfio sy’n droseddau ac sy’n destun cosbau
- beth yw awdurdod cymwys
Polisi preifatrwydd ar ddeunyddiau a ddaw i gysylltiad â bwyd