Skip to main content
Canllawiau

Bisffenol A mewn deunyddiau a ddaw i gysylltiad â bwyd: Rheolau’r UE a goblygiadau i’r DU

Mae’r canllaw hwn yn esbonio rheolau’r UE ar bisffenol A mewn deunyddiau a ddaw i gysylltiad â bwyd, gan gynnwys eu perthnasedd i Ogledd Iwerddon, ac yn amlinellu’r sefyllfa gyfreithiol bresennol ym Mhrydain Fawr.

Gan:
Asiantaeth Safonau Bwyd
Cyhoeddwyd
25 Mehefin 2026

Yn berthnasol i Loegr, Gogledd Iwerddon a Chymru

Dogfennau

Bisffenol A mewn deunyddiau a ddaw i gysylltiad â bwyd: Rheolau’r UE a goblygiadau i’r DU

HTML

Manylion

Ynglŷn â’r canllaw gwybodaeth hwn 

Mae’r canllaw hwn yn darparu gwybodaeth ffeithiol i helpu busnesau’r DU i ddeall y canlynol: 

  • gofynion yr UE o ran bisffenol A – lle mae’r rhain yn berthnasol 

  • y sefyllfa gyfreithiol bresennol ym Mhrydain Fawr 

Nid yw’r canllaw hwn yn cyflwyno rhwymedigaethau cyfreithiol newydd ac nid yw’n cymryd lle’r ddeddfwriaeth berthnasol. Dylai busnesau sicrhau eu bod yn cyfeirio at y ddeddfwriaeth berthnasol lle bo hynny’n briodol. 

Perthnasedd y gofynion yn ddaearyddol 

At ddibenion y canllaw hwn: 

  • mae deddfwriaeth yr UE yn berthnasol i farchnad yr UE ac i Ogledd Iwerddon o dan Fframwaith Windsor 

  • nid yw cyfyngiadau’r UE ar bisffenol A yn berthnasol ar hyn o bryd ym Mhrydain Fawr (Cymru, Lloegr a’r Alban)

Mae’n rhaid i fusnesau sy’n rhoi cynhyrchion perthnasol ar farchnad yr UE neu Ogledd Iwerddon gydymffurfio â Rheoliad yr UE ar bisffenol A, gan gynnwys y prif ddyddiad cau cyntaf ar gyfer cydymffurfio, sef 20 Gorffennaf 2026. 

Mae trefniadau ar wahân yn berthnasol i rai nwyddau manwerthu wedi’u pecynnu ymlaen llaw sy’n symud o Brydain Fawr i Ogledd Iwerddon o dan Gynllun Symud Nwyddau Manwerthu Gogledd Iwerddon (NIRMS). Dylai busnesau sy’n defnyddio’r trefniadau hyn gyfeirio at ganllawiau perthnasol Llywodraeth y DU ar eu cais. 

Ar gyfer marchnad ddomestig Prydain Fawr, nid yw cyfyngiadau’r UE ar bisffenol A yn berthnasol yn uniongyrchol. Bydd y sefyllfa gyfreithiol bresennol yn aros fel y mae oni bai bod deddfwriaeth ddomestig yn cael ei chyflwyno neu hyd nes y bydd deddfwriaeth o’r fath yn cael ei chyflwyno. 

Diben y canllaw gwybodaeth hwn 

Bwriad y canllaw hwn yw: 

  • darparu gwybodaeth am Reoliad yr UE ar bisffenol A – lle mae’n berthnasol i farchnad yr UE neu Ogledd Iwerddon, gan gynnwys amserlenni perthnasol 

  • codi ymwybyddiaeth busnesau a’u helpu i gynllunio o ystyried y newidiadau posib yn y dyfodol ym Mhrydain Fawr 

Nid yw’r canllaw hwn yn gosod gofynion cydymffurfio ar gyfer marchnad ddomestig Prydain Fawr.

Updates to this page

Cyhoeddwyd ar 25 Mehefin 2026

Argraffu'r dudalen hon