Skip to main content

Gweithio i CMA

Gyrfaoedd sy'n gwneud gwahaniaeth i bobl a busnesau ledled y DU.

Rydym yn gweithio i hyrwyddo cystadleuaeth er budd defnyddwyr ar draws pob sector o economi’r DU.

Fel awdurdod cystadleuaeth blaenllaw yn y byd, mae ein gwaith yn amrywiol, yn uchel ei broffil ac wedi’i ategu gan y safonau proffesiynol uchaf.

Mae ein staff yn gweithio ledled y DU ac mae gennym swyddfeydd yn Llundain, Caeredin, Belfast a Chaerdydd. Drwy ein hymrwymiad i weithio hyblyg, rydym yn cefnogi ein staff i wneud eu gwaith gorau, lle bynnag y bônt.

What’s it like to work at the CMA

Dysgwch fwy am fywyd yn y CMA ar ein tudalennau life LinkedIn (in English)

Gwnewch gais i ymuno â ni

Mae ein swyddi gwag yn cael eu hysbysebu ar Swyddi Gwasanaeth Sifil (in English).

Ein cynnig i chi

Mae staff CMA yn mwynhau amrywiaeth o fuddion, gan gynnwys:

  • mynediad at gynllun pensiwn gwasanaeth sifil rhagorol
  • 25 diwrnod o wyliau blynyddol (yn cynyddu i 30 diwrnod dros gyfnod o 5 mlynedd)
  • polisïau absenoldeb rhieni ac absenoldeb arbennig cefnogol
  • patrymau gwaith hyblyg, gan gynnwys gweithio o gartref
  • ffocws ar gydbwysedd bywyd a gwaith: rydym am i’n staff gyflawni eu gwaith gorau, ac rydym yn sicrhau y gallwch chi gydbwyso hynny â’ch bywyd personol

Buddion eraill i weithwyr:

  • tocyn tymor di-log a chynllun beicio i’r gwaith
  • mentrau iechyd a lles gweithwyr; gan gynnwys pigiadau ffliw, profion llygaid am ddim a chymorth iechyd meddwl
  • cyfleoedd dysgu, gan gynnwys hyfforddiant mewnol ac allanol, datblygu rheolaeth ac arweinyddiaeth, a nawdd ar gyfer cymwysterau proffesiynol
  • aelodaeth broffesiynol â thâl

Datblygu gyrfa

Rydym wedi ymrwymo i wneud y mwyaf o botensial ein gweithwyr drwy eu cefnogi i ddatblygu’r wybodaeth, y sgiliau proffesiynol a thechnegol a’r profiad sydd eu hangen i ddatblygu eu gyrfaoedd.

Rydym yn cynnig ystod o hyfforddiant sgiliau a phroffesiynol drwy Academi CMA, yn ogystal â mynediad at gyfleoedd dysgu a datblygu ledled y Gwasanaeth Sifil.

Dysgwch fwy ar ein tudalen hyfforddi a datblygu LinkedIn (in English).

Cydraddoldeb ac amrywiaeth

Rydym wedi ymrwymo i weithredu a monitro ein polisïau cydraddoldeb ac amrywiaeth gyda’r nod o recriwtio, cadw a dyrchafu staff waeth beth fo’u hoedran, anabledd, nodweddion ailbennu rhywedd, priodas a phartneriaeth sifil, beichiogrwydd a mamolaeth, hil, crefydd a chred, rhyw a chyfeiriadedd rhywiol.

Rydym yn falch o’n hachrediadau a’n haelodaeth, gan gynnwys:

  • Pencampwr Amser Newid
  • Rhwydwaith Busnes Cyfrifol y Tywysog - Siarter Hil yn y Gwaith
  • Cyflogwr Hyderus o ran Anabledd

Fel rhan o’n hymrwymiad i leihau rhwystrau i gyflogaeth, rydym yn gwarantu cyfweliad i unrhyw ymgeisydd ag anabledd sy’n bodloni ein meini prawf dethol gofynnol.

Gwybodaeth bellach

I gael rhagor o wybodaeth, darllenwch am strategaeth a chynlluniau’r CMA ar gyfer y dyfodol:

Am ragor o wybodaeth am weithio yn y CMA, ewch i’n tudalen gyrfaoedd (in English).

Cynnwys