Britania e Madhe mbështet Shqipërinë në BE, por reformat duhet të jenë të pakthyeshme
Zyrtari Britanik në Tiranë thotë se Shtetet Anëtare duan të shohin progres të qëndrueshëm në të gjithë pesë prioritetet
Mr. Graham Styles visits Tirana. Image: Top Channel
Drejtori i Seksionit për Shqipërinë, Kosovën dhe Maqedoninë pranë Departamentit për Ballkanin Perëndimor dhe Zgjerimin në Zyrën e Jashtme dhe të Commonwealth, zoti Graham Styles kreu një vizitë zyrtare në Tiranë.
Z. Styles u takua me Klajda Gjosha, Ministri i Integrimit Europian, të cilën e siguroi për mbështetjen e Mbretërisë së Bashkuar në aspiratat e Shqipërisë për anëtarësim në Bashkimin Europian. Ndërsa ai përshëndeti progresin e arritur deri më tani, z Styles theksoi se në qoftë se reforma në drejtësi është bërë siç duhet dhe në mënyrë të pakthyeshme, kjo do të përbënte një hap vendimtar drejt anëtarësimit në BE. “Ne e dimë që kjo është një çështje politikisht e diskutueshme dhe se kjo kërkon vendime të vështira politike, por ja vlen të kryhet”, tha Styles.
Zonja Gjosha nga ana tjetër siguroi Z. Styles se qeveria është e angazhuar plotësisht në finalizimin e reformës në gjyqësor. Gjatë vizitës së tij Z. Styles u takua edhe me politikanë dhe zyrtarë që e informuar atë për progresin dhe reformat e tjera në vend.
Në fund të qëndrimit të tij në Tiranë, z Styles foli për mediat shqiptare, duke përsëritur rolin udhëheqës që Mbretëria e Bashkuar ka në mbështetjen e aspiratave të Shqipërisë për anëtarësim në BE. Z. Styles tha se procesi do të jetë i vështirë dhe i gjatë, por ai duhet të jetë i pakthyeshëm, dhe reformat të qëndrueshme. I pyetur nëse ai mendon se finalizimi i reformës në drejtësi do të çojë në hapjen e negociatave të anëtarësimit për Shqipërinë, Z. Styles tha se kjo reformë është mjaft e rëndësishme por nuk duhen lënë mënjanë katër prioritetet e tjera, sepse shtetet anëtare të BE-së duan të shohin progres tek të gjitha prioritetet.