Deuddeg o sefydliadau Cymreig yn cipio’r Aur
Mae deuddeg cyflogwr wedi derbyn Gwobr Aur fawreddog y Cynllun Cydnabod Cyflogwyr mewn seremoni o fri yng Nghaerdydd.
ERS Gold Award winners. Copyright: RFCA for Wales.
Cafodd y 12 cyflogwr o bob cwr o Gymru eu cydnabod am y gefnogaeth ragorol maen nhw’n ei rhoi i Gymuned y Lluoedd Arfog, mewn seremoni wobrwyo a gynhaliwyd yn HMS CAMBRIA, Bae Caerdydd ar 25 Medi.
Dechreuodd y noson wobrwyo fawreddog gyda derbyniad diodydd, gyda’r gwesteion yn cael eu diddanu gan Cerys Rees, telynores Catrawd y Cymry Brenhinol. Cafodd y gwesteion eu diddanu hefyd gan Fand Catrodol (a Chorfflu Drymiau) y Cymry Brenhinol.
LCyflwynydd y noson oedd Sian Lloyd, gyda’r croeso yn cael ei estyn gan James Evans AS, cadeirydd Grŵp Trawsbleidiol y Senedd ar y Lluoedd Arfog a’r Cadetiaid. Traddodwyd yr anerchiad agoriadol gan y Brigadydd Russ Wardle OBE DL, cadeirydd y Gymdeithas Lluoedd wrth Gefn a Chadetiaid dros Gymru.
Dyma’r enillwyr o Gymru:
- Basel Cottage Holidays
- Cyngor Sir Caerfyrddin
- Cyngor Sir Ceredigion
- Dŵr Cymru Welsh Water
- Edwin C. Farrall (Transport) Ltd
- Gatewen Training Services Limited
- Ysgol Rydal Pen-rhos
- Gwasanaeth Tân ac Achub De Cymru
- SudoCyber Limited
- The Mentor Ring Limited
- Siambr Fasnach Gorllewin Swydd Gaer a Gogledd Cymru
- Wurkplace Limited
Cyflwynwyd y gwobrau ar y cyd gan y Comodor Tris Kirkwood OBE ADC, Comander Rhanbarthol y Llynges Cymru, Gorllewin Lloegr ac Ynysoedd y Sianel, y Brigadydd Mark Davis CBE, Cadlywydd Brigâd 160 (Cymreig), Pennaeth y Fyddin yng Nghymru a Swyddog Awyr Cymru, y Comodor Awyr Rob Woods OBE.
Mae’r Cynllun Cydnabod Cyflogwyr, a ddyfernir gan y Weinyddiaeth Amddiffyn, yn cydnabod sefydliadau sy’n cyflogi ac yn cefnogi’r rhai sy’n gwasanaethu yn y Lluoedd Arfog, cyn-filwyr a’u teuluoedd. Ledled y DU, mae 202 o sefydliadau wedi derbyn y wobr Aur eleni.
Er mwyn ennill Aur, rhaid i gyflogwyr:
- darparu o leiaf 10 diwrnod o absenoldeb â thâl ychwanegol i filwyr wrth gefn
- gweithredu polisïau AD ar gyfer cyn-filwyr a Gwirfoddolwyr Oedolion Llu y Cadetiaid
- eirioli dros Amddiffyn ar draws eu rhwydweithiau a’u sectorau
- dangos ymrwymiad parhaus ymhell y tu hwnt i’r gofynion gofynnol
Mae’r sefydliadau hyn yn arwain trwy esiampl, gan helpu i newid agweddau cenedlaethol a chodi safonau ar draws eu sectorau.