وزیراعظم کی دولت مشترکہ کے سکریٹری جنرل سے ملاقات
ڈیوڈکیمرون نے دولت مشترکہ کے سکریٹری جنرل کملیش شرما سے ملاقات کی ہے۔
ملاقات کے بعد ڈاؤننگ اسٹریٹ کے ترجمان نے بتایا:
وزیراعظم نے سکریٹری جنرل کملیش شرماکو ڈاؤننگ اسٹریٹ میں خوش آمدید کہا،یہ ملاقات اگلے ماہ دولت مشترکہ سربراہان کانفرنس سے پہلےہوئی ہے۔ انہوں نے دولت مشترکہ کے لئے اپنے تعاون، اپنی امن، جمہوریت، آزاد تجارت اور انسانی حقوق کی مشترکہ اقدار کی سربلندی کی اہمیت کی توثیق کی.
وزیراعظم اورسکریٹری جنرل نےکانفرنس کےمیزبان ملک کی حیثیت سےسری لنکامیں انسانی حقوق اورمصالحت کی ضرورت پر اتفاق کیا اوروزیراعظم نے واضح کیا کہ برطانوی میڈیا کو کانفرنس تک رسائی حاصل ہونا ضروری ہے۔ کانفرنس کے وسیع تر ایجنڈاپرگفتگو کرتے ہوئے وزیراعظم نےمالدیپ کے حالیہ واقعات کا ذکر کیا اورکہا کہ اپنے اجتماعی اثرورسوخ کووہاں 11 نومبر کی ڈیڈ لائن سے پہلے آزادانہ اور منصفانہ انتخابات کے انعقاد کے لئے استعمالکرنے کے لئے دولت مشترکہ کی حوصلہ افزائی کی جائے۔انہوں نے 2015ء کے بعد اہداف اور ترقی کے لئے اقوام متحدہ عمل میں دولت مشترکہ کے منفرد کردار کی توقع ظاہرکی اورامیدکی کہ وہ دولت مشترکہ کی مستحکم اداروں،انسانی حقوق بشمول خواتین اورلڑکیوں کے حقوق،امن اورجمہوریت کی اقدار پرمبنی ہوگا.