Stori newyddion

Gall ceiswyr personol yn awr wneud cais am brofiant ar-lein

Mae GLlTEM yn manylu ar sut y gall ceiswyr personol yn awr wneud cais am brofiant gan ddefnyddio’r gwasanaeth newydd ar-lein.

Gan:
Gwasanaeth Llysoedd a Thribiwnlysoedd EF
Cyhoeddwyd
30 August 2017
Diweddarwyd ddiwethaf
30 May 2018 — Gweld pob diweddariad
probate forms on table with mobile phone

Mae’r Gwasanaeth Profiant bellach yn derbyn ceisiadau ar-lein gan geiswyr personol a nifer fychan o gyfreithwyr detholedig ar sail y meini prawf isod:

  1. Ceisiadau lle mae hyd at 4 o ysgutorion yn gwneud cais.
  2. lle mae’r ewyllys wreiddiol ar gael hyd yn oed os bu i’r ymadawedig wneud hyd at 4 o newidiadau i’r ewyllys honno. (adnabyddir y newidiadau hyn fel codisiliau)
  3. Os oedd yr ymadawedig yn ystyried Cymru neu Loegr fel eu cartref parhaol neu’n bwriadu dychwelyd i Gymru neu Lloegr i fyw yn barhaol.

Bydd y ffurflen gais ar-lein yn parhau i gael ei datblygu i ymdrin ag ystod ehangach o geisiadau profiant yn y dyfodol.

Beth mae’r cais newydd ar-lein yn ei gynnig?

Mae’r ffurflen gais newydd ar-lein yn cynnwys:

  • Datganiad newydd o wirionedd i chi ddatgan bod yr wybodaeth a ddarperir yn gywir, sy’n diddymu’r angen i dyngu llw
  • y cyfleuster i dalu ffi ar-lein fel nad oes rhaid postio siec i’r Gwasanaeth Profiant.
  • cyfleuster i ‘gadw a dychwelyd’ sy’n eich caniatáu i gadw ac ail edrych ar gais os oes arnoch angen dod o hyd i ragor o wybodaeth. Mae hyn yn caniatáu i gais sydd ar ei hanner gael ei gadw a’i gwblhau yn hwyrach ymlaen.

Beth sydd ei angen arnoch i gyflwyno cais ar-lein?

Mae’r ffurflen gais ar-lein yn haws i’w deall ond bydd dal gofyn i chi ddarparu dogfennau ategol fel y broses bresennol. Dyma fydd eu hangen:

  • yr ewyllys wreiddiol gyda dau lungopi
  • copi swyddogol o’r dystysgrif farwolaeth.
  • y ffurflenni treth etifeddu a’r ffigyrau perthnasol
  • unrhyw dystiolaeth ategol arall sy’n berthnasol i’r achos (e.e. ffurflen ymwrthod)

Rydym yn edrych at wella hyn yn y dyfodol, efallai trwy ddatblygu perthynas gydag adrannau eraill i gasglu’r wybodaeth yn awtomatig fel rhan o’r broses.

Os ydych chi’n cyrraedd gofynion y meini prawf ac eisiau gwneud cais ar-lein os gwelwch yn dda cysylltwch â llinell gymorth GLlTEM lle cewch y manylion priodol.

Cyhoeddwyd ar 30 August 2017
Diweddarwyd ddiwethaf ar 30 May 2018 + show all updates

  1. Applications now open to a small number of solicitors.

  2. Addition that a small number of solicitors can also use the service.

  3. Up to 4 executors can now apply.

  4. Up to 4 executors can now apply.

  5. Criteria changes to include applications from up to 4 executors.

  6. Online tool extended for professionals in Spring 2018.

  7. Change to acceptance criteria

  8. First published.