Stori newyddion

Rhybudd i weithwyr proffesiynol cyfreithiol pan fyddant yn cyflwyno ceisiadau i’r Swyddfa Apeliadau Troseddol

Nodyn i atgoffa gweithwyr proffesiynol cyfreithiol i ddilyn y weithdrefn gywir ar gyfer cyflwyno apeliadau yn uniongyrchol

• Gan: Gwasanaeth Llysoedd a Thribiwnlysoedd EF
• Cyhoeddwyd: 10 Ionawr 2020
• Diweddarwyd ddiwethaf: 13 Ionawr 2020 — Gweld pob diweddariad

HMCTS Forms NG on table

Daeth newidiadau i ran 39 o’r Rheolau Trefniadaeth Droseddol i rym ar y 1af o Hydref 2018. O ganlyniad i’r newidiadau hyn, dylid cyflwyno apeliadau yn erbyn collfarn, dedfryd neu atafaeliad yn uniongyrchol i’r Swyddfa Apeliadau Troseddol ac nid Llys y Goron. At hynny, mae angen Ffurflen NG ar wahân ar gyfer pob math o gais.

Yn dilyn y newidiadau, mae llawer o weithwyr proffesiynol cyfreithiol wedi mabwysiadu’r weithdrefn newydd ond mae rhai ceisiadau yn dal i gael eu cyflwyno ar ffurflenni anghywir (yr hen rai). Ni all y Swyddfa Apeliadau Troseddol dderbyn y ceisiadau hyn a gall hynny arwain at oedi.

Er mwyn lleihau nifer y ffurflenni anghywir, rydym yn atgoffa pawb i wneud yn siŵr eu bod yn dilyn Rhan 39 o’r Rheolau Trefniadaeth Droseddol fel y’i diweddarwyd.

Rydym wedi cyhoeddi Ffurflenni NG a chanllawiau, gan gynnwys manylion y gwasanaeth, yn ogystal â chyngor ar lenwi’r ffurflenni a’r seiliau dros apelio.

Cyhoeddwyd ar 10 Ionawr 2020

Diweddarwyd ddiwethaf ar 13 Ionawr 2020 + show all updates

1. 13 Ionawr 2020

   Added translation

2. 10 Ionawr 2020

   First published.