Mae gwasanaeth tacograff ar-lein DVLA yn torri amseroedd aros ac yn caniatáu taliadau ar unwaith
Mae gyrwyr lori, bws a choets yn awr yn gallu gwneud cais a thalu am eu cardiau tacograff ar-lein mewn munudau diolch i wasanaeth digidol newydd DVLA.
Bydd tua 780,000 o yrwyr sy’n ddeiliaid cerdyn tacograff yn gallu defnyddio gwasanaeth newydd DVLA Gwneud cais am, adnewyddu neu amnewid cerdyn tacograff gyrrwr.
Er bod gyrwyr yn dal i allu dewis cwblhau cais papur a’i anfon yn y post, mae’r gwasanaeth ar-lein yn gyflymach ac yn haws i yrwyr. Mae ar gael 24 awr y dydd, 7 diwrnod yr wythnos; a dylai gyrwyr gael eu cerdyn tacograff wedi’i ddosbarthu o fewn 24 awr o wneud cais o gymharu a 10 niwrnod neu ragor wrth bostio’u ceisiadau papur.
Mae angen trwydded yrru cerdyn-llun Prydain dilys ar yrwyr sy’n defnyddio’r gwasanaeth ar-lein i wneud cais. Ar ôl gwneud cais, byddant yn derbyn hysbysiad e-bost yn cadarnhau eu cais, ac yn gallu dewis cael eu diweddaru ar ei hynt trwy neges destun.
Mae’r gwasanaeth ar-lein newydd ar gyfer cardiau tacograff gyrwyr yn dilyn lansiad gwasanaeth cerdyn tacograff cwmni DVLA yn 2019, a welodd geisiadau cerdyn cwmni yn symud ar-lein am y tro cyntaf.
Dywedodd Prif Weithredwr DVLA Julie Lennard:
Rydym wrth ein bodd i lansio ein gwasanaeth tacograff gyrwyr newydd ar-lein.
Bydd y gwasanaeth cyflym a hawdd i’w ddefnyddio hwn yn rhoi hyblygrwydd helaethach i yrwyr sydd angen cardiau tacograff ynglŷn a sut, pryd a lle mae’n nhw’n delio â ni, a byddant yn cael eu cerdyn newydd yn ôl hyd yn oed yn gyflymach.
Gellir cyrchu’r gwasanaeth ceisio am gerdyn tacograff digidol gyrrwr ar-lein trwy GOV.UK
Nodiadau i olygyddion:
Y gwasanaethau cerdyn tacograff ar-lein newydd yw gwasanaethau digidol cyntaf DVLA i symud yn llawn i system newydd DVLA wedi’i seilio yn y cwmwl. Mae hyn yn hwyluso’r ffordd ar gyfer gwelliannau fydd yn caniatáu hyblygrwydd helaethach mewn sut fydd gwasanaethau’r dyfodol yn cael eu darparu a’u cynorthwyo, gan roi rhagor o ddewis i gwsmeriaid ynghylch sut a phryd y byddant yn delio â DVLA.
Swyddfa'r wasg
Swyddfa'r Wasg y DVLA
Longview Road
Treforys
Abertawe
SA6 7JL
E-bost press.office@dvla.gov.uk
Dim ond ar gyfer newyddiadurwyr a'r wasg yn unig: 0300 123 2407