Ffioedd y Swyddfa Eiddo Deallusol i gynyddu o fis Ebrill 2026
Mae'r Swyddfa Eiddo Deallusol (IPO) yn cynyddu ffioedd ar gyfer patentau, nodau masnach a dyluniadau o 1 Ebrill 2026, yn amodol ar gymeradwyaeth seneddol.
Pam mae ffioedd yn cynyddu
Nid yw ffioedd yr IPO wedi cynyddu ers 2018 ar gyfer patentau, 2016 ar gyfer dyluniadau a 1998 ar gyfer nodau masnach. Yn ystod yr amser hwn, mae’r IPO wedi osgoi cynnydd mewn ffioedd drwy wella effeithlonrwydd a buddsoddi mewn gwasanaethau digidol gan ddefnyddio cronfeydd wrth gefn presennol. Mae’r cynnydd arfaethedig yn adlewyrchu chwyddiant dros sawl blwyddyn a chynnydd mewn costau yn y dyfodol na ellir eu gwrthbwyso’n llawn drwy arbedion effeithlonrwydd pellach neu drwy gronfeydd wrth gefn. Bydd y cynnydd hwn yn galluogi’r IPO i barhau i fuddsoddi yn ei systemau a darparu gwasanaethau o ansawdd uchel.
Beth mae hyn yn ei olygu i gwsmeriaid
Bydd ffioedd yn cynyddu 25% ar gyfartaledd. Er enghraifft, mae chwiliad patent yn codi o £150 i £200 a chais am nod masnach o £170 i £205.
Mae’r IPO wedi cyhoeddi canllawiau i helpu cwsmeriaid y gallai eu ffioedd fod yn ddyledus tua’r adeg y bydd y newidiadau arfaethedig yn cael eu gwneud.
Rydym hefyd wedi diweddaru’r wybodaeth sut i’n talu ar ein gwefan, gan gynnwys y telerau ac amodau ar gyfer deiliaid cyfrifon blaendal.
Pryd bydd y newidiadau’n dod i rym
Y bwriad yw y bydd y ffioedd newydd yn gymwys o 1 Ebrill 2026, yn amodol ar gymeradwyaeth seneddol. Bydd y ffioedd presennol yn parhau mewn grym tan hynny.
Updates to this page
-
Added translation
-
First published.