Հայաստանի խորհրդարանական ընտրությունների վերաբերյալ Մեծ Բրիտանիայի դեսպան Ալեքսանդրա Քոուլի հայտարարությունը
Դեսպան Ալեքսանդրա Քոլը ողջունում է ԵԱՀԿ/ԺՀՄԻԳ-ի նախնական եզրակացությունները և վերահաստատում Մեծ Բրիտանիայի աջակցությունը Հայաստանի ժողովրդավարական զարգացմանը։
Ողջունում եմ ԵԱՀԿ/ԺՀՄԻԳ ընտրությունների դիտորդական առաքելության նախնական եզրակացությունները՝ 2026 թվականի հունիսի 7-ին կայացած Հայաստանի խորհրդարանական ընտրություններից հետո, որոնք ներկայացված են այստեղ՝ ԺՀՄԻԳ նախնական եզրակացություններ։ Մեծ Բրիտանիան, ևս 41 պետությունների հետ միասին, դիտորդներ էր ներգրավել այս առաքելությանը։
ԵԱՀԿ/ԺՀՄԻԳ դիտորդները նշել են, որ ընտրությունների օրը կազմակերպված էր կարգապահ և մասնագիտական ձևով, իսկ քվեարկությունը ընտրատեղամասերում հիմնականում ընթացել է սահուն։ Միևնույն ժամանակ, նրանք մատնանշել են ոլորտներ, որտեղ ապագայում ընտրական գործընթացների ամբողջականությունը կարող է էլ ավելի ամրապնդվել։ Հույս ունեմ, որ Հայաստանի իշխանությունները կառուցողականորեն կաշխատեն այս առաջարկությունների ուղղությամբ։
Բարձր եմ գնահատում Հայաստանի Կենտրոնական ընտրական հանձնաժողովի աշխատանքը՝ ընտրությունների կազմակերպման գործում։
ԵԱՀԿ/ԺՀՄԻԳ-ը կարևոր դեր ունի ընտրական գործընթացների անկախ գնահատման հարցում։
Մեծ Բրիտանիան շարունակում է հանձնառու մնալ աջակցելու Հայաստանին՝ ժողովրդավարական դիմակայունության և ինստիտուտների ամրապնդման գործում, այդ թվում՝ արձագանքելու այն մարտահրավերներին, որոնք կարող են ազդել ժողովրդավարական գործընթացների ամբողջականության վրա։
Ակնկալում եմ աշխատել Հայաստանի նոր կառավարության հետ՝ առաջ մղելու մեր Ռազմավարական գործընկերությունը՝ աջակցելով տարածաշրջանային կայունությանը, տնտեսական աճին և ժողովրդավարական դիմակայունությանը։
Դեսպան Ալեքսանդրա Քոուլ
Բրիտանական դեսպանություն Երևանում