Defnyddio eich GOV.UK One Login
Profi eich hunaniaeth gyda GOV.UK One Login
Bydd angen i chi brofi eich hunaniaeth gyda GOV.UK One Login i ddefnyddio rhai gwasanaethau. Pan fyddwch yn gwneud hyn, bydd eich gwybodaeth One Login yn cael ei storio’n awtomatig i’ch GOV.UK One Login.
Mae hyn yn golygu na fydd angen i chi brofi eich hunaniaeth eto y tro nesaf y bydd angen i wasanaeth wirio pwy ydych chi.
Mae yna 3 ffordd i brofi eich hunaniaeth gyda GOV.UK One Login:
- gyda’r ap GOV.UK ID Check
- drwy ateb cwestiynau diogelwch ar-lein
- mewn Swyddfa Bost
Bydd y dull a ddefnyddiwch yn dibynnu ar eich dyfais a pha fath o ID gyda llun sydd gennych.
Gyda’r ap GOV.UK ID Check
Bydd angen un o’r mathau canlynol o ID llun arnoch chi:
- trwydded yrru cerdyn llun y DU
- pasbort y DU
- pasbort o’r tu allan i’r DU gyda sglodyn biometrig
- trwydded breswylio biometreg y DU (BRP)
- cerdyn preswylio biometreg y DU (a elwir hefyd yn ‘gerdyn preswyl y DU’)
- trwydded Gweithwyr Ffiniol y DU (FWP)
Byddwch hefyd angen mynediad i ffôn gyda chamera sy’n gweithio.
Os ydych yn defnyddio iPhone, rhaid iddo fod yn rhedeg iOS 14 neu uwch a bod naill ai yn:
- iPhone 6s neu fwy newydd os yw’ch ID gyda llun yn drwydded yrru y DU
- iPhone 7 neu fwy newydd os ydych yn defnyddio unrhyw fath arall o ID gyda llun
Ar gyfer ffôn Android (er enghraifft, Samsung neu Google Pixel), rhaid iddo fod yn rhedeg Android 10 neu uwch.
Byddwch yn cael arweiniad ar sut i lawrlwytho a defnyddio’r ap.
Trwy ateb cwestiynau diogelwch ar-lein
Bydd yn rhaid i chi ateb rhai cwestiynau diogelwch am bethau fel eich contract ffôn symudol, ac unrhyw gyfrifon banc, cardiau credyd, benthyciadau neu forgeisi sydd gennych.
Byddwch hefyd angen un o’r mathau canlynol o ID gyda llun:
- pasbort y DU
- trwydded yrru cerdyn llun y DU
Mewn Swyddfa Bost
Gofynir i chi:
- roi manylion o’ch ID gyda llun ar GOV.UK
- fynd i Swyddfa Bost sy’n cynnig ‘dilysu mewn cangen’, lle byddant yn sganio’ch ID gyda llun ac yn tynnu llun ohonoch chi
Byddwch yn cael e-bost am ganlyniad eich gwiriad hunaniaeth - fel arfer o fewn diwrnod o fynd i Swyddfa Bost.
Byddwch angen un o’r mathau canlynol o ID gyda llun:
- pasbort y DU
- pasbort o’r tu allan i’r DU
- trwydded yrru cerdyn llun y DU
- trwydded yrru cerdyn llun yr Undeb Ewropeaidd (UE)
- trwydded breswylio biometreg y DU (BRP)
- cerdyn llun hunaniaeth genedlaethol o wlad yr UE, Norwy, Gwlad yr Iâ neu Liechtenstein