Hawlio ad-daliad Ardoll Troseddau Economaidd
Sut i ofyn am ad-daliad os ydych wedi talu gormod o’r Ardoll Troseddau Economaidd.
Pwy sy’n gallu hawlio ad-daliad
Gallwch ofyn am ad-daliad os ydych wedi gweud y naill neu’r llall o’r canlynol:
- talu gormod ar gam
- diwygio’ch datganiad Ardoll Troseddau Economaidd, ac nawr mae arnoch lai
Os yw’r swm wedi newid oherwydd bod y manylion a roddwyd gennych yn wreiddiol yn anghywir, neu oherwydd bod eich amgylchiadau chi wedi newid, bydd yn rhaid i chi gyflwyno datganiad diwgiedig cyn gofyn am ad-daliad.
Yr hyn y bydd ei angen arnoch
Er mwyn hawlio, bydd angen y canlynol arnoch:
- enw’ch cwmni
- swm yr ad-daliad
- rheswm dros hawlio ad-daliad
- manylion y cyfrif a ddefnyddiwyd gennych i wneud y taliad
- eich manylion cyswllt — enw, cyfeiriad e-bost a rhif ffôn
Sut i hawlio
Mae’n rhaid i chi ddefnyddio’r gwasanaeth ar-lein i ofyn am ad-daliad.
Bydd angen i chi fewngofnodi i’r gwasanaeth gan ddefnyddio’r Dynodydd Defnyddiwr (ID) ar gyfer Porth y Llywodraeth a ddefnyddioch wrth gofrestru ar gyfer yr Ardoll Troseddau Economaidd.
Gall gwasanaethau ar-lein fod yn araf ar adegau prysur. Gwiriwch a oes unrhyw broblemau gyda’r gwasanaeth hwn (yn agor tudalen Saesneg).
Os ydych yn cael problemau technegol gyda’r gwasanaeth hwn, dewiswch y cysylltiad ‘A yw’r dudalen hon yn gweithio’n iawn?’ ar y dudalen lle mae angen help arnoch.
Cysylltwch â CThEF i gael help gydag Ardoll Troseddau Economaidd
Ffoniwch CThEF i gael help gydag Ardoll Troseddau Economaidd dim ond os na allwch ddod o hyd i ateb gan ddefnyddio ein gwasanaethau neu arweiniad ar-lein.
Efallai y bydd y llinell gymorth hon yn gofyn rhai cwestiynau diogelwch i chi.
Sicrhewch fod eich manylion yn eich cyfrif Ardoll Troseddau Economaidd wedi’u diweddaru, neu mae’n bosibl byddwch yn methu’r camau diogelwch dros y ffôn.
Os ydych eisoes wedi cofrestru, bydd angen eich rhif cofrestru Ardoll Troseddau Economaidd arnoch. Gallwch ddod o hyd i hyn:
- yn eich cyfrif Ardoll Troseddau Economaidd
- yn eich cyfrif treth busnes CThEF, os oes un gennych
- yn yr e-bost a anfonwyd atoch gan CThEF i gadarnhau bod eich datganiad Ardoll Troseddau Economaidd wedi cael ei gyflwyno
Ffôn: 0300 322 9621
Oriau agor: Dydd Llun i ddydd Gwener: 10am i 4pm
Ar gau ar y penwythnos ac ar wyliau banc.
Diweddarwyd ddiwethaf ar 29 April 2024 + show all updates
-
Added information on how to contact HMRC for help with Economic Crime Levy.
-
First published.