Mathau o ddedfrydau carchar
Dedfrydau cydredol ac olynol
Os cewch chi eich anfon i’r carchar am ddau neu fwy o droseddau, byddwch fel arfer yn cael dedfryd am bob trosedd. Bydd y barnwr neu’r ynad yn dweud wrthych a fydd eich dedfryd o garchar yn cael ei bwrw ar yr un pryd, neu’n olynol.
Mae’r canllaw hwn hefyd ar gael yn Saesneg (English).
Dedfrydau cydredol
Os yw eich dedfrydau’n cydredeg, mae’n golygu y byddwch chi’n eu bwrw ar yr un pryd.
Er enghraifft, os cewch chi un ddedfryd 6 mis ac un ddedfryd 3 mis, cyfanswm y ddedfryd fydd 6 mis.
Y rheswm am hyn yw y byddwch yn bwrw’r ddedfryd 3 mis ar yr un pryd â’r ddedfryd 6 mis.
Dedfrydau olynol
Os yw eich dedfrydau’n olynol, mae’n golygu y byddwch chi’n eu bwrw un ar ôl y llall.
Er enghraifft, os cewch chi un ddedfryd 6 mis ac un ddedfryd 3 mis, cyfanswm y ddedfryd fydd 9 mis. Byddwch chi’n bwrw’r ddedfryd gyntaf, yna byddwch yn bwrw’r ail ddedfryd ar ôl hynny.