گائڈنس

کورونا وائرس: محفوظ کس طرحاں رہیا جائے تے پھیلاؤ روکن وچ کس طرحاں مدد کیتی جائے

پتہ کرو کہ محفوظ کس طرحاں رہیا جائے تے کورونا وائرس دا پھیلاؤ روکن وچ کس طرحاں مدد کیتی جائے

Applies to England

بھانویں تہانوں مکمل حفاظتی ٹیکے لگ وی چکے ہون، پر فیر وی کوویڈ-19 ہونا تے ایس نوں اگے پھیلانا ممکن اے۔

ہر بندہ جس وچ کوویڈ-19 دیاں علامتاں ہون یا اوہناں دا ٹیسٹ مثبت آئے اوہناں نوں گھر وچ رہنا تے فوری طور تے سیلف-آئسولیٹ کرنا چاہیدا اے۔ جے تہاڈے وچ کوویڈ-19 دیاں علامتاں نیں تے فیر تہانوں چھیتی توں چھیتی پی سی آر ٹیسٹ کروان دا بندوبست کرنا چاہیدا اے چاہے تہانوں کوویڈ-19 دے حفاظتی ٹیکیاں دیاں اک یا زیادہ ڈوزز مل ہی کیوں نہ چُکیاں ہون۔

پیش گوئی کیتے جا سکن والے مستقبل تک کوویڈ-19 ساڈیاں زندگیاں دی خصوصیت رہوئے گا، ایس کر کے ساہنوں ایس دے نال رہنا سکھنا چاہیدا اے ایس دی وجہ توں اپنے آپ تے دوجیاں نوں لاحق خطرے دا بندوبست کرنا چاہیدا اے۔

ساڈے وچ ہر کوئی اوہناں حالات نوں سمجھ کے تے خطریاں نوں گھٹ کرن لئی کارروائی کر کے اپنا کردار ادا کر سکدا اے جتھے کوویڈ-19 دی انفیکشن تے ٹرانسمیشن دے خطریاں دا امکان زیادہ ہوئے۔

ایس گائڈنس یعنی رہنمائی اُتے عمل کرن نال تہانوں اوہ حالات سمجھن وچ مدد ملے گی جنہاں وچ کوویڈ-19 ہون اور پھیلان دا زیادہ خطرہ ہُندا اے تے اوہ اقدام کرن وچ مدد ملے گی جو تُسی اپنے آپ تے دوجیاں نوں محفوظ رکھن لئی کر سکدے او۔ پھیلا نوں گھٹ کرن وچ مدد دین تہاڈے ولوں کیتا گیا کوئی عمل سردیاں دے مہینیاں دے دوران این ایچ ایس اُتے دبا نوں گھٹ کرن وچ مدد کرے گا۔

کوویڈ-19 دے خطرے نوں سمجھنا

کجھ تھانواں وچ تے کجھ سرگرمیاں دے دوران کوویڈ-19 ہون تے ایس نوں اگے منتقل کرن دا خطرہ زیادہ ہو سکدا اے۔ کوویڈ-19 ہوا دے ذریعے ہون والی ٹرانسمیشن، بونداں راہیں قریبی رابطے، تے سطحاں دے ذریعے پھیلدا اے۔ ہوا دے ذریعے ٹرانسمیشن وائرس دے پھیلن دا اہم ذریعہ اے۔ کسے ایسے بندے دی وجہ توں متاثر ہونا ممکن اے جس نال تہاڈا قربی رابطہ نہیں سی ہویا، خاص طور تے جے تُسی کسے بھیڑ بھاڑ تے/یا خراب طریقے نال ہوادار رکھی ہوئی تھاں وچ ہُندے او۔

کوویڈ-19 پھیلان دا سب توں وڈا ذریعہ کسے متاثرہ بندے نال قریبی رابطہ اے۔ جدوں کوویڈ-19 نال متاثرہ کوئی فرد ساہ لیندا، بولدا، کھنگدا یا نچھ مار دا اے تے اوہ ذرات پیدا کردا اے جنہاں وچ وائرس ہُندا جو کوویڈ-19 دا سبب بندا اے۔ ذرات دا رابطہ اکھاں، نک تے مُنہ نال ہو سکدا اے یا ساہ راہیں کسے دوجے بندے ولوں اندر لیجائے جا سکدے نیں۔ ذرات چیزاں دیاں سطحاں اُتے ڈگ سکدے نیں تے فیر اک بندے توں دوجے بندے چھوت راہیں منقل ہو سکدے نیں۔

عام طور تے بھیڑ بھاڑ والیاں تے بند تھانواں وچ کوویڈ-19 ہون تے ایس نوں اگے پھیلان دا خطرہ زیادہ ہُندا اے، جنہاں وچ ودھ لوک ہون جنہاں نوں انفیکشن ہوئی ہوئے تے محدود تازہ ہوا مجود ہوئے۔

اوہ حالات جتھے کوویڈ-19 ہون یا اگے منتقل کرن دا خطرہ زیادہ ہوئے، اوتھے تہانوں اپنے آپ تے دوجیاں نوں محفوظ رکھن بارے گائڈنس اُتے عمل کرن وچ خاص طور تے محتاط رہنا چاہیدا اے جدوں کہ اسی معمول ول پرت رہے آں۔ ہر چھوٹا عمل ساہنوں سب نوں محفوظ رکھن وچ مدد دیندا اے۔

اپنے آپ تے دوجیاں نوں محفوظ رکھنا

انگلینڈ وچ ہلے وی کوویڈ-19 دے کیس نیں تے خطرہ مجود اے کہ تُسی وائرس نال متاثر ہو سکدے او تے ایس نوں اگے منتقل کر سکدے او، چاہے تہانوں مکمل حفاظتی ٹیکے ای کیوں نہ لگ چُکے ہون۔ ایس دا مطلب اے کہ ایہہ اہم اے کہ تُسی سب حالات وچ کوویڈ-19 ہون تے ایس نوں پھیلان دے خطریاں نوں سمجھو تے ایس بارے غوروفکر کرو۔

جد کہ کوئی وی صورت حال خطرے توں پاک نئیں، پر ایسے آسان تے موثر اقدام مجود نیں جہڑے اسی اپنے آپ تے اپنے دوالے مجود دوجے لوکاں نوں محفوظ کرن لئی چُک سکدے آں۔

جے تُسی مزید ‘معمول’ دی زندگی ول پرتن بارے متفکر او، تے فیر این ایچ ایس ولوں لاک ڈاؤن چُکن بارے ہون والے اضطراب نال کسراں نجٹھنا اے اُتے معلومات مجود اے۔

حفاظتی ٹیکے لگواؤ

انگلینڈ وچ رہن والے سارے بالغ افراد نوں کوویڈ-19 دی ویکسین دی گھٹ توں گھٹ 2 خوراکاں دی پیشکش کیتی جا چُکی اے۔ حفاظتی ٹیکے محفوظ تے موثر نیں۔ تہاڈی تے دوجے لوکاں دی کوویڈ-19 دے خلاف حفاظت کرن دا بہترین ذریعہ مکمل ویکسین کروانا اے۔

جے تہانوں ہلے تک کوویڈ-19 دی ویکسین نہیں لگی، تے تہانوں حفاظتی ٹیکے لگوانے چاہیدے نیں۔ شواہد نشاندہی کردے نیں کہ کوویڈ-19 دے حفاظتی ٹیکیاں دیاں 2 خوراکاں ہسپتال وچ داخلے دے خلاف موثر تحفظ فراہم کردیاں نیں۔ عام طور تے تہاڈے جسم نوں حفاظتی ردعمل پیدا کرن وچ 2 توں 3 ہفتے لگدے نیں۔

پر، چاہے تہانوں مکمل حفاظتی ٹیکے لگ وی گئے ہون تُسی فیر وی کوویڈ-19 دوجیاں نوں منتقل کر سکدے او۔ اگرچہ حفاظتی ٹیکے شدید علالت، ہسپتال وچ داخلے تے موت دے خلاف بہت اعلی درجے دا تحفظ فراہم کردے نیں، پی ایچ ای (PHE) دی اک حالیہ رپورٹ ظاہر کردی اے کہ تقریباً 5 لوکاں وچوں 1 نوں جنہاں نوں دوہری ویکسین لگ چُکی اے اوہ ہلے وی ڈیلٹا قسم نال متاثر ہون تے علامتاں دا مظاہرہ کرن دے سلسلے وچ حساس یعنی ولنرایبل نیں۔ تُسی ہلے وی دوجیاں وچ کوویڈ-19 پھیلا سکدے او۔ دوجیاں دی حفاظت کرن تے نویاں قسماں پیدا ہون تے پھیلن دے خطرے نوں گھٹ کرن لئی ساہنوں سب نوں کوویڈ-19 دے پھیلا نوں گھٹ کرن لئی جو کجھ وی ہو سکے اوہ کرنا چاہیدا اے۔

ایس مشورے اُتے عمل کرن نال تہاڈے دوستاں، خانداناں، تے کمیونٹیز دی حفاظت کرن وچ مدد ملے گی، اوہناں سنے جنہاں نوں حفاظتی ٹیکے لگ چُکے نیں۔

جے انڈوز ملو تے تازہ ہوا اندر آون دیو۔ عمارتاں دے باہر ملنا محفوظ تر اے

جدوں کوویڈ-19 نال متاثرہ کوئی فرد کھنگدا، بولدا یا ساہ لیندا اے تے اوہ چھوٹیاں بونداں تے ایروسول یعنی بخارات خارچ کرد اے جہڑے کہ ساہ راہیں کوئی دوجا بندہ اندر لے جا سکدا اے۔ آوٹ ڈورز یعنی عمارتاں دے باہر ملن نال ہوا دے ذریعے پھیلن والی ٹرانسمیشن دا خطرہ بہت حد تک گھٹ ہو جاندا اے، پر ایہہ ہمیشہ ممکن نہیں ہُندا۔ جے تُسی انڈورز او تے تہانوں کوویڈ-19 توں متاثر ہون یا ایس نوں اگے پھیلان دے خطرے نوں گھٹ کرن لئی تازہ ہوا اندر آن دینی چاہیدی اے۔

جنی زیادہ تازہ ہوا تُسی اپنے گھر یا دوجیاں بند تھانواں وچ اندر آن دیندے او، کسے بندے دا وائرس زدہ ذرات دا ساہ دے راستے اندر لے جان دا امکان اوہنا ای گھٹ ہوئے گا۔

تُسی وینٹس یعنی سُوراخاں دے ڈھکن کھول کے تے دروازے تے کھڑکیاں کھول کے تازہ ہوا اندر آن دے سکدے او۔ صرف 10 منٹ لئی تھوڑے جہے وقت لئی جتھے تُسی ایہہ مسلسل کر سکو کھڑکیاں کھولن نال بہت زیادہ فیدا ہوئے گا۔ جنہاں لوکاں نال تُسی نہیں رہندے اوہناں انڈورز ملن توں پہلاں، ملن دے دوران تے بعد وچ اہم ہو جاندا اے۔

فائر ڈورز کُھلہے نہ رکھو۔ جے گھر وچ اکسٹریکٹر فین مجود اے، مثال دے طور تے تہاڈے باتھ روم یا کچن وچ، تے جدوں کسے نے کمرہ استعمال کیتا ہوئے تے دروازہ بند کر کے ایس نوں معمول توں ودھ دیر لئی چلان بارے سوچو۔ جے تُسی ہیٹنگ دی خرچے دی وجہ توں متفکر او تے صرف تھوڑے چر لئی ہی کھڑکیاں کھولن نال وی وائرس دے پھیلا دے خطرے نوں گھٹ کیتا جا سکدا اے۔ اضافی کپڑے پان نال وی گرم رکھن وچ مدد ملدی اے۔ تُسی اپنے گھر دی ترتیب وی بدل سکدے او تا کہ تُسی کھلیاں کھڑکیاں یا دروازیاں راہیں آن والی ٹھنڈی ہوا دے تھپیڑیاں دے نیڑے نہ بیٹھو۔

کوویڈ-19 دے پھیلا نوں روکن لئی عام لوکاں لئی گائڈنس یعنی رہنمائی مجود ایہہ کہ انڈور تھانواں نوں کسراں ہوادار بنایا جائے ایس گل سنے جے کوئی سیلف-آئسولیٹ کر رہیا ہوئے ایس وچ اپنے گھر نوں گرم کرن لئی مالی تے عملی مدد حاصل کرن لئی مشورہ وی مجود اے۔

فیس ماسک پانا

کوویڈ-19 ہوا دے ذریعے چھوٹیاں بونداں تے ایروسول یعنی بخارات راہیں پھیلدا اے جو کہ کسے متاثرہ فرد نک تے مُنہ راہیں باہر نکلدے نیں۔ تہانوں بھیڑ بھاڑ والی تے بند تھانواں وچ فیس ماسک پانا چاہیدا اے جتھے تُسی اوہناں لوکاں نال رابطے وچ آوندے او جنہاں نال تُسی عام طور تے نہیں ملدے۔

جے ضروری ہوئے تے فیر ٹیسٹ کراؤ تے سیلف-آئسولیٹ کرو

جے تہانوں علامات نیں یا ٹیسٹ دا نتیجہ مثبت آیا اے

جے تہاڈے وچ کوویڈ-19 دیاں علامتاں ظاہر ہو جاندیاں نیں تے فیر فوری طور تے سیلف-آئسولیٹ کرو تے پی سی آر ٹیسٹ کراؤ بے شک تہاڈیاں علامتاں معمولی ہی کیوں نہ ہون۔ ایہہ ایس لئی اے کہ بہت سارے لوکاں نوں کوویڈ-19 دیاں معمولی علامات دا تجربہ ہُندا اے پر فیر وی اوہ دوجے لوکاں نوں وائرس منتقل کر سکدے نیں۔

کوویڈ-19 دیاں سب توں اہم علامتاں مندرجہ ذیل وچوں کسے دا وی حال وچ ای شروع ہونا اے:

  • اک نویں مسلسل کھنگ
  • تیز بُخار
  • تہاڈی معمول دی سُنگھن تے چکھن دی حس دا خاتمہ یا ایس وچ تبدیلی

پی سی آر ٹیسٹ بُک کرن دے نتیجے یعنی رزلٹ دا انتظار کرن دے دوران تہانوں گھر وچ سیلف-آئسولیٹ کرنا چاہیدا اے۔ جے تہاڈا ٹیسٹ مثبت آجائے تے تہانوں لازماً آئسولیٹ کرنا چاہیدا اے۔ تہانوں اوس دن توں آئسولیٹ کرنا چاہیدا اے جس دن تہاڈیاں علامتاں شروع ہویاں سن تے اگلے مکمل 10 دن یا جے تہاڈے وچ علامتاں نہیں تے فیر جس دن تُساں ٹیسٹ کروایا سی تے اگلے مکمل 10 دن۔ ایہہ قانون اے چاہے تہانوں حفاظتی ٹیکے لگے نیں یا نئیں۔ سیلف-آئسولیشن ضروری اے کیونکہ تُسی دوجیاں وچ بیماری منتقل کرسکدے، او بھاویں تہاڈے وچ علامتاں نہ وی ہون۔ تہانوں اوس پورے وقت لئی لازماً گھر وچ رہنا چاہیدا اے جس بارے تہانوں ایہہ کرن لئی کہیا گیا اے کیوں جے ایہہ اوہ ویلا اے جدوں وائرس دوجے لوکاں نوں منتقل ہون دا سب تو ودھ امکان ہُندا اے۔

جے تہانوں این ایچ ایس ٹیسٹ اینڈ ٹریس سیلف-آئسولیٹ کرن لئی کہیا اے

جے تہانوں این ایچ ایس ٹیسٹ اینڈ ٹریس نے ایہہ کرن لئی کہیا ہوئے تے تہانوں فیر وی لازماً سیلف-آئسولیٹ کرنا چاہیدا اے۔ ڈھونڈو:

سیلف-آئسولیٹ کرن بارے گائڈنس

جدوں سیلف-آئسولیٹ کرو، تے عمل کرو:

ایس نال تہاڈے گھرانے تے کمیونٹی دے دوجے لوکاں وچ کوویڈ-19 دے پھیلا نوں گھٹ کرن وچ مدد ملے گی۔ دوہاں صورتاں وچ تہانوں لازماً ہر ویلے گھر وچ رہنا چاہیدا اے تے دوجے لوکاں نال رابطہ نئیں رکھنا چاہیدا۔ اوہ بہت ای محدود حالات نیں جنہاں وچ تہانوں ایہہ کرن دی لوڑ نہیں، جیویں ڈاکٹری مدد حاصل کرنا۔ جے تُسی اپنی سیلف-آئسولیشن دے دوران کسے منظور شدہ عذر دی وجہ توں گھروں باہر جاندے ای او، تے تہانوں سماجی دوری برقرار رکھنی چاہیدی اے تے دوجے لوکاں توں 2 میٹر دی دوری تے رہنا چاہیدا اے تے جتھے ممکن ہوئے فیس ماسک پہننا چاہیدا اے۔

جے تہاڈے کولوں گھر وچ رہن تے سیلف-آئسولیٹ کرن دا تقاضا کیتا جاندا اے تے فیر ممکن اے کہ تُسی این ایچ ایس دی ٹیسٹ اینڈ ٹریس سپورٹ پیمیمنٹ اسکیم دے ذریعے اک وار ملن والی 500£ دی رقم دے حقدار ہوؤ، یا جے تُسی کسے ایسے بچے دے والدین یا سرپرست او جس نوں سیلف-آئسولیٹ کرن لئی کہیا گیا اے۔ ٹیسٹ اینڈ ٹریس سپورٹ پیمینٹ تے اپنے علاقے وچ ملن والی دوسری سپورٹ سنے خوراک دے حصول وچ مدد دی تفصیل لئی تہانوں اپنی لوکل اتھارٹی دی ویب سائٹ وزٹکرنی چاہیدی اے۔ جے تہانوں ڈاکٹر ولوں تجویز کردہ دوا دی ڈلیوری دی لوڑ اے تے فیر فارمیسیز تے دوا تجویز کرن والے ڈاکٹراں راہیں دوا دی ڈلیوری سروس دستیاب اے۔

جے تُسی این ایچ ایس ٹیسٹ اینڈ ٹریس ولوں تاکید توں بعد سیلف-آئسولیٹ نہ کرو تے تہانوں جرمانہ ہو سکدا اے۔

سیلف-آسولیٹ کرن توں استثناء

جے تُسی کوویڈ-19 توں متاثرہ کسے فرد دے نال اک ای گھرانے وچ رہندے یا کوویڈ-19 توں متاثرہ کسے فرد دا قریبی رابطہ او، تے جے مندرجہ ذیل وچوں کسے دا اطلاق ہُندا اے تے فیر تُسی سیلف-آئسولیٹ کرن دے پابند نئیں:

  • مکمل حفاظتی ٹیکے لگ چُکے نیں
  • تہاڈی عمر 18 سال 6 مہینے توں گھٹ اے
  • جے تُساں کسے منطور شدہ کوویڈ-19 ویکسین دے ٹرائل وچ شرکت کیتی سی یا ہُن کر رہے او
  • تُسی طبی وجوہات دی بنا تے حفاظتی ٹیکے نئیں لگوا سکدے

این ایچ ایس ٹیسٹ اینڈ ٹریس تہاڈے نال رابطہ ایہہ دسن لئی کرے گی کہ تہاڈی شناخت بطور کسے رابطے دے ہوئی تے چیک کرے گی کہ آیا تُسی قنونی طور تے سیلف-آئسولیٹ کرن دے پابند او یا نئیں۔ جے تُسی قنوناً سیلف-آئسولیٹ کرن دے پابند نئیں تے تہانوں ٹیسٹنگ بارے مشورہ دتا جائے گا تے کوویڈ-19 دے پھیلا نوں روکن لئی گائڈنس فراہم کیتی جائے گی۔ چاہے تہاڈے وچ علامتاں نہ وی ہون، تہانوں مشورہ دتا جائے گا کہ تُسی جنی چھیتی ممکن ہوئے پی سی آر ٹیسٹ کراؤ

جے تہانوں پچھلے 90 دناں وچ پی سی آر ٹیسٹ دا پچھلا نتیجہ مثبت ملیا سی تے فیر تہانوں پی سی آر ٹیسٹ کروان دا بندوبست نہیں کرنا چاہیدا، ماسواء ایس دے کہ تہاڈے وچ کوویڈ-19 دیاں نویاں علامتاں پیدا ہو گئیاں ہون کیوں جے کوویڈ-19 دی انفیکشن توں کچھ دیر بعد وی پی سی آر ٹیسٹ دا نتیجہ مثبت رہنا ممکن اے۔

تُسی کوویڈ-19 دی تصدیق شدہ انفیکشن والے لوکاں دے گھریلو رابطیاں لئی مزید گائڈنس تے غیر گھریلو رابطیاں لئی گائڈنس تلاش کر سکدے او۔

اپنے خطرے دا تدارک کرن لئی ٹیسٹس کراؤ جے علامتاں مجود نہیں

کوویڈ-19 وچ مبتلا تقریباً 3 وچوں 1 بندے وچ کوئی علامتاں نہیں ہوندیاں۔ ایس دا مطلب ایہہ اے کہ وہ جانے بغیر ای وائرس پھیلا سکدے نیں۔ باقاعدگی نال ٹیسٹ کروان نال کوویڈ-19 پھڑن دے امکان ودھ جاندے نیں جدوں تُسی انفیکشن نال متاثر او پر علامتاں ظاہر نئیں ہو رہیاں، ایس نال ایہہ یقینی بنان وچ مدد ملدی اے کہ تُسی کوویڈ-19 نہ پھیلاؤ۔

ریپڈ لیٹرل فلو ٹیسٹ دی مفت دستیابی جاری رہوئے گی۔ ایہہ خاص طور تے اوہناں اُتے مرکوز ہوئے گا جہڑے زیر تعلیم نیں تے زیادہ خطرے والے اداریاں وچ نیں جیویں این ایچ ایس، سوشل کیئر تے جیلاں۔

ہو سکدا اے کہ لوک خطرے دے اوقات دا بندوبست کرن لئی باقاعدگی نال ریپڈ لیٹرل فلو ٹیسٹنگ استعمال کرن دے خواہشمند ہون جیویں زیادہ خطرے والے ماحول وچ قریبی رابطے توں بعد یا کسے قدرے زیادہ حساس یعنی ولنرایبل فرد نال زیادہ لماں وقت گزارن توں پہلاں۔ تُسی ٹیسٹ فارمیسیز توں یا آن لائن حاصل کر سکدے او۔ پتہ کرو کہ تُسی ریپڈ لیٹرل فلو ٹیسٹس کس طرحاں حاصل کر سکدے او

جے تہاڈے وچ کوویڈ-19 دی علامتاں نمودار ہو جان، تے فوراً سیلف-آئسولیٹ کرو تے پی سی آر ٹیسٹ کراؤ

جے تُسی بیمار او فیر گھر وچ ای رہو

جے تہاڈے وچ کوویڈ-19 دی علامتاں نمودار ہو جان، تے فوراً سیلف-آئسولیٹ کرو تے پی سی آر ٹیسٹ کراؤ، چاہے تہاڈیاں علامتاں معمولی ای کیوں نہ ہون۔ ٹیسٹ بُک کرن تے نتیجے یعنی رزلٹ دا انتظار کرن دے دوران تہانوں گھر وچ سیلف-آئسولیٹ کرنا چاہیدا اے۔ جے تہاڈا ٹیسٹ مثبت آجائے تے تہانوں لازماً آئسولیٹ کرنا چاہیدا اے۔

جے تہاڈی طبعیت خراب اے پر کوویڈ-19 دی علامتاں نہیں، یا تہاڈا کوویڈ-19 دا ٹیسٹ منفی اے، تہانوں فیر وی کوئی بیماری ہو سکدی اے جہڑی تُسی دوجیاں نوں منقل کر سکدے او۔ بہت ساریاں عام بیماریاں، جیویں فلو یا عام زکام، اک بندے توں دوجے بندے نوں منقل ہو جاندیاں نیں۔ ایہہ ہو سکدا اے:

  • جدوں کسے بیماری نال متاثر کوئی فرد ساہ لیندا اے، بولدا اے، کھنگدا اے یا نچھ ماردا، تے اوہ تنفسی ذرات خارج کردا اے جہڑے کسے دوجے بندے وچ انفیکشن دا باعث بن سکدے نیں
  • چیزاں دیاں سطحاں تے املاک دے ذریعے جہڑیاں آلودہ ہو سکدیاں نیں جدوں کسے بیماری نال متاثرہ لوک اوہناں دے نیڑے کھنگدے یا نچھ ماردے نیں یا چھوندے نیں، تے اوہناں نوں چھون والا اگلا بندا متاثر ہو سکدا اے

اوس ویلے تک گھر وچ رہن نال جدوں تک کہ تہاڈی طبعیت ٹھیک نہیں ہو جاندی ایس خطرے دا امکان گھٹ جاندا اے کہ تُسی اپنے دوستاں، کم دے ساتھیاں تے کمیونٹی دے دوجے لوکاں نوں ایہہ بیماری منتقل کرو گے۔ ایس نال ہیلتھ سروسز اُتے پین والے بوجھ نوں گھٹ کرن وچ مدد ملدی اے۔

کھانسی کردے تے نچھ ماردے وقت نک مُنہ ڈھکو تے باقاعدگی نال اپنے ہتھ دھوؤ

دن بھر دے دوران صابن تے پانی نال ہتھ دھوندے رہو یا ہینڈ سینی ٹائزر استعمال کرو۔ باقاعدگی نال ہتھ دھونا بیمار پین دے خطرے نوں گھٹ کرن دا موثر طریقہ اے، کوویڈ-19 سنے۔

اپنے ہتھ دھونا خاص طور تے اہم اے:

  • کھنگن، نچھ مارن تے نک صاف کرن توں بعد
  • تہاڈے کھانا کھان یا خوراک نوں ہتھ لان توں پہلاں
  • دوجے بہت سارے لوکاں ولوں چھویاں گیئاں چیزاں نال رابطہ ہون توں بعد، جیویں ہینڈل، ہینڈ ریلز تے لائٹ سوئچز
  • مشترکہ استعمال والی جگہ وچ جان توں بعد جیویں کہ کچن تے باتھ رومز
  • جدوں تُسی گھر واپس آؤ

جتھے وی ممکن ہوئے اپنی اکھاں، نک تے مُنہ نوں چھون توں گریز کرو۔ جے تہانوں اپنے مُنہ نوں ہتھ لان دی لوڑ پے ای جائے، مثال دے طور تے اپنا فیس ماسک پان تے لاہن لئی، تے پہلاں تے بعد وچ اپنے ہتھ دھو لو یا سینی ٹائز کرو۔

کھنگن تے نچھ مارن نال کسے فرد ولوں خارج کردہ چھوٹیاں بونداں تے ایروسولز یعنی بخارات دی تعداد، اوہناں ولوں طے کردہ فاصلہ تے ہوا وچ رہن دا وقت ودھ جاندا اے۔ کھانسی کردے تے نچھ ماردے وقت مُنہ نک ڈھکن نال کوویڈ-19 تے دیگر وائرسز دی حامل چھوٹیاں بونداں دے کھلار گھٹ ہو جائے گا، اوہناں دے سمیت جہڑے کھانسی تے زکام دا سبب بندے نیں۔

این ایچ ایس دی کوویڈ-19 ایپ استعمال کرو

این ایچ ایس دی کوویڈ-19 ایپ استعمال کر کے تہانوں مطلع کر کے، کہ تُسی کسے ایسے بندے دا قریبی رابطہ یعنی کونٹیکٹ رہے او جنہاں دا بعد وچ کوویڈ-19 دا ٹیسٹ مثبت آیا سی، وائرس دے پھیلا نوں روکن وچ مدد ملدی اے، بھانویں تُسی اک دوجے نوں نہ وی جاندے ہو۔ تُسی ایہہ این ایچ ایس دے کیور کوڈ نال وینیوز وچ داخل ہون لئی استعمال کر سکدے او تے مشورہ لے سکدے او کہ آیا ایتھے پہلاں کوئی وباء پھیلی سی یا نہیں۔ ایہہ ایپ مفت اے تے استعمال کرن وچ سوکھی اے تے ایس نوں استعمال کرن وچ تہاڈے عزیزاں تے دوجے لوکاں دی حفاظت کرن وچ مدد ملدی اے۔

ایپ لوکاں نوں اپنی علامتاں رپورٹ کرن، کورونا وائرس دے ٹیسٹ آرڈر کرن وچ وی مدد کردی اے۔ اپنے آپ تے دوجیاں دی حفاظت کرن وچ مدد دین لئی این ایچ ایس کوویڈ-19 دی جدید ترین ایپ ڈاؤن لوڈ تے استعمال کرو۔

دوجے لوکاں نال قریبی رابطے محدود کرو

جدوں کوویڈ-19 نال متاثرہ کوئی فرد ساہ لیندا، بولدا، کھنگدا یا نچھ مار دا اے تے اوہ ذرات پیدا کردا اے جنہاں وچ وائرس ہُندا جو کوویڈ-19 دا سبب بندا اے۔ ایہناں ذرات نوں ساہ راہیں کوئی ہور بندا اندر لے جا سکدا اے۔

ممکن اے کہ تُسی اوہناں لوکاں نال قریبی رابطہ گھٹ کرن دا انتخاب کرو جنہاں نال تُسی عام طور تے نہیں رہندے۔ ہو سکدا اے کہ قریبی رابطہ بنن توں پہلاں تُسی ٹیسٹ کروان دا تے جنہاں لوکاں نوں تُسی ملن جا رہے او اوہناں نوں وی ٹیسٹ کروان دی تاکید کرن دا انتخاب کرو جو کہ خطرے دے اوقات نوں مینج کرن وچ مدد کرے گا۔ ایس وچ زیادہ خطرے والے ماحول وچ قریبی رابطے یا جدوں کسے قدرے زیادہ حساس یعنی ولنرایبل فرد نال زیادہ لماں وقت گزارنا ہوئے، وی شامل نیں۔

ایہہ ذاتی فیصلے نیں جہڑیاں تہانوں کوویڈ-19 ہون تے ایس نوں اگے پھیلان دے خطرے نوں گھٹ کرن وچ مدد دے سکدے نیں۔ ایہہ سوچنا اہم اے کہ ہو سکدا اے کہ دوجے لوک محتاط رویہ اختیار کرنا چاہندے ہون۔ ساہنوں سب نوں ایس گل دا احساس کرنا چاہیدا اے تے دوجے لوکاں نوں قریبی رابطہ گھٹ کرن دا موقع تے جگہ دینی چاہیدی اے، جے اوہ خواہش مند ہون۔

مختلف ماحولاں تے پس منظراں وچ اپنے آپ نوں درپیش خطے نوں سمجھنا

گھروں کم کرنا تے کم دی تھاں واپس جانا

مرحلہ 4 توں بعد اساں دفتراں تے کم دیاں تھانواں نوں بتدریج واپسی ویکھی اے۔ جیویں جیویں ملازمین اپنے کم کرن دی تھانواں نوں واپس جاندے نیں، مالکاں نو محفوظ طریقے نال کم کرن والی گائڈنس اُتے عمل کرنا جاری رکھنا چاہیدا اے۔ کم دی تھانواں وچ واپس جان بارے غور کرن دے دوران آجراں نوں چاہیدا اے کہ اوہ:

  • ایس نوں اپنے کم دی تھاں دی رسک اسسمنٹ وچ دکھاون
  • کوویڈ-19 پھیلن دے خطرے نوں مینج کرن لئی ایکشن لین، ایس گائڈنس دی مطابقت نال

جے پہلاں تہاڈی شناخت بطور کلینکلی ایکسٹریملی ولنرایبل (CEV) فرد دے طور تے ہوئی سی

طبی ماہراں دے مشورے تے کوویڈ-19 دے ویکسین پروگرام دے کامیاب آغاز توں، جنہاں لوکاں نوں پہلاں CEV سمجھیا گیا سی اوہناں دوبارہ شلیڈ کرن لئی نہیں کہیا جا رہیا۔ جے تہانوں پہلاں CEV سمجھیا گیا سی، تے فیر تہانوں ایس صفحے وچ دتی گئی گائڈنس اُتے عمل کرنا جاری رکھنا چاہیدا اے۔ تہانوں اپنے ڈاکٹراں کولوں مشورہ لینا چاہیدا اے کہ آیا تہاڈے لئی اضافی احتیاطی تدبیراں مناسب نیں یا نہیں۔

جے تُسی حاملہ او

جے تُسی حاملہ او تے تہانوں کوویڈ-19 ہون دا امکان کسے ہور بندے توں ودھ نہیں تے ایس دی وجہ توں تہاڈا شدید بیمار ہون دا امکان نئیں۔

کم از کم تہانوں اوس گائڈنس اُتے عمل کرنا چاہیدا اے جہڑی ہر کسے لئی اے۔ جے تُسی 28 ہفتیاں توں زیادہ دیر لئی حاملہ او یا تہانوں کوئی ایسا پوشیدہ عارضہ لاحق اے جس دی وجہ توں تہانوں دوران حمل کسے ویلے وی کوویڈ-19 دی وجہ توں شدید بیمار ہون دا زیادہ خطرہ لاحق اے تے ہو سکدا اے کہ تُسی اوہناں لوکاں نال قریبی رابطہ محدود کرنا چاہو جنہاں نال تُسی عام طور تے باقاعدگی نال نئیں ملدے۔

جے تُسی کسے ایسے علاقے وچ رہ رہے او جس نوں کوویڈ-19 دے سلسلے وچ ودھ توجہ مل رہی اے

این ایچ ایس نوں ناقابل برداشت دبا توں بچان لئی حکومت اوہناں علاقیاں وچ لوکل اتھارٹیز نال مل کے کم کرے گی جنہاں وچ کوویڈ-19 دے سلسلے وچ ودھ توجہ دین دی لوڑ اے۔ اینہانسڈ رسپانس ایریاز یعنی زیادہ قابل توجہ علاقیاں نوں اضافی سپورٹ نوں 5 ہفتے لئی فراہم کیتی جائے گی، جیویں سرج ٹیسٹنگ یعنی ٹیسٹنگ وچ تیزی تے ویکسین لگوان نوں زیادہ توں زیادہ ودھان لئی عملی وسائل۔ جے تُسی متاثرہ لوکل اتھارٹیز والے علاقیاں وچوں کسے لوکل اتھارٹی والے علاقاں وچ رہ رہے او، تے تہانوں اپنے علاقے وچ کوویڈ-19 بارے معلومات تے مشورہ پڑھنا چاہیدا اے:

ایہناں علاقیاں وچ رہن والے لوکاں لئی ایہہ خاص طور تے اہم اے کہ اوہ ایس صفحے وچ مجود گائڈنس اُتے عمل کرن جہڑی کوویڈ-19 دے پھیلا نوں کم کرن وچ مدد دیوے گی تے تہانوں اپنے آپ تے دوجیاں دی حفاظت کرن وچ مدد دیوے گی۔

یوکے دے اندر تے بیرون ملک سفر کرنا

بین الاقوامی سفر

بین الاقوامی سفر لئی اِک ٹریفک لائٹ سسٹم مجود اے۔ تہانوں اوہناں ملکاں یا علاقیاں دا سفر نہیں کرنا چاہیدا جہڑے ریڈ لسٹ اُتے نیں۔

یوکے توں باہروں انگلینڈ نوں سفر کرنا

انگلینڈ آمد تے تہانوں اصل وچ کیہ کرنا چاہیدا اے، ایس دا انحصار ایس گل تے اے کہ آمد توں 10 دن پہلاں تُسی کتھے رہے سو۔

انگلینڈ نوں سفر کرن دا منصوبہ بنان والے سارے لوکاں نوں یوکے وچ داخل ہون والی گائڈنس اُتے عمل کرنا چاہیدا اے۔

پتہ کرو کہ جس ملک وچوں تُسی سفر کر رہے او اوہ کس لسٹ اُتے اے تے تہانوں کیہ کرنا چاہیدا اے۔

یوکے، آئرلینڈ تے چینل آئی لینڈز وچ سفر کرنا

انگلینڈ دے اندر سفر کرن اُتے کوئی پابندیاں نہیں۔

جے تُسی سکاٹ لینڈ، ویلز یا شمالی آئرلینڈ، یا آئرلینڈ یا چینل آئی لینڈز دا سفر کرنا چاہندے او تے تہانوں اپنی منزل مقصود اُتے مجود پابندیاں نوں چیک کرنا چاہیدا اے کیونکہ ہو سکدا اے پابندیاں مجود ہون۔

جے تہاڈے وچ کوویڈ-19 دیاں علامتاں نیں یا تُسی سیلف-آئسولیٹ کرر ہے او تے فیر سفر نہ کرو۔ پی سی آر ٹیسٹ کراؤ تے سٹے ایٹ ہوم والی گائڈنس اُتے عمل کرو.

کاروباری ادارے تے تھاں

سارے کاروباری ادارے تے تھاں جیویں نائٹ کلبز، تے بالغ افراد لئی تفریح خانے دوبارہ کُھل سکدے نیں۔ کھیڈاں، تفریح یا کاروباری تقریباں اُتے گنجائش بارے ساریاں پابندیاں چُک لیاں گیئاں نیں۔

میزبانی والے ادارے جسراں کہ پبز، ریسٹورانٹ تے بارز اُتے اگے توں شرط نہیں کہ اوہ ٹیبل سروس مہیا کرن یا سماجی دوری والے ضوابط اُتے عمل کرن۔

سارے کاروباری اداریاں نوں محفوظ طریقے نال کم کرن والی گائڈنس وچ دسے گئے اصولاں اُتے عمل کرنا چاہیدا اے۔

مالکاں اُتے ہلے وی قانونی ذمہ داری عائد اے کہ اوہ اوہناں لوکاں نوں لاحق خطریاں دا بندوبست کرن جہڑے اوہناں دے کاروبار دی وجہ توں متاثر ہوئے نیں۔ ایہہ کرن دا طریقہ ایہہ اے کہ اِک ہیلتھ اینڈ سیفٹی رسک اسسمینٹ کیتی جائے، کوویڈ-19 دے رسک سنے، تے تہاڈے ولوں شناخت کردہ خطریاں دے اثر نوں گھٹ کرن لئی مناسب اقدام کرو۔ ورکنگ سیفلی یعنی محفوظ طریقے نال کم کرن والی گائڈنس کئی طرح دیاں احتیاطی تدبیراں بیان کردی اے جنہاں اُتے آجرین نوں غور کرنا چاہیدا اے سنے:

  • وینیو وچ اوہناں تھانواں دی نشان دہی کرنا جنہاں وچ ہوا دی آمدورفت خراب اے، مثال دے طور تے CO2 مانیٹر استعمال کر کے تے ہوا دی آمدورفت نوں بہتر کرن لئی اقدام کرنا
  • ایس گل نوں یقینی بنانا کہ اوہ عملہ یا گاہک جنہاں دی طعبیت ٹھیک نہیں اوہ کم دی جگہ یا وینیو وچ نہ آون
  • عملے تے گاہکاں نوں بکثرت نال ہتھ صاف کرن وچ مدد دین لئی ہیڈ سینی ٹائزر فراہم کرنا تے اوہناں شیواں نوں صاف کرنا جنہاں نوں کثرت نال ہتھ لگدے نیں
  • عملے تے گاہکاں نوں اوہناں اقدام بارے دسنا جہڑے تساں نافذ کیتے نیں

وینیوز دی ہمت افزائی کیتی جاندی اے کہ اوہ این ای ایس دی کوویڈ-19 ایپ استعمال کر کے چیک اِن کرن دے خواہشمند گاہکاں لئی کیو آر کوڈز آویزاں کرنا جاری رکھن تاں جے وباء پھلین دی صورت وچ اوہناں نوں متنبہ کیتا جا سکے اور دوجیاں دی حفاظت کرن لئی اقدام کر سکدے نیں، پر ایہہ اگے توں قانونی شرط نہیں رہے گی۔

این ایچ ایس دا کوویڈ پاس

این ایچ ایس دا کوویڈ پاس لوکاں نوں اپنا کوویڈ-19 دا سٹیٹس چیک کرن تے ایہہ دکھاون وچ مدد کردا اے کہ اوہ مکمل حفاظتی ٹیکے لگے ہون، حالیہ منفی ٹیسٹ یا قدرتی مدافعت دے ثبوت دی وجہ توں دوجے لوکاں نوں بیماری منتقل کرن دے گھٹ خطرے دا باعث نیں۔ کچھ ادارے داخلے دی شرط دے طور تے این ایچ ایس دے کوویڈ پاس منگ سکدے نیں۔

کوویڈ-19 دے خطرے نوں گھٹ کرن لئی اسی کجھ ماحولاں وچ اداریاں نوں ترغیب دیندے آں کہ اوہ این ایچ ایس دا کوویڈ پاس استعمال کرن۔ ایہہ صورتحال خصوصی طور تے اوہناں اداریاں وچ ہوئے گی جہڑے وڈیاں بھیڑ بھاڑ والی تھانواں وچ کم کردے نیں (نائٹ کلبز) جتھے لوکاں دا اوہناں لوکاں نال قریبی رابطہ ہون دا زیادہ امکان ہُندا جہڑے اوہناں دے گھروں باہر رہندے نیں۔

کجھ تھانواں یا اداریاں وچ سب لوکاں دے داخلے نوں یقینی بناون لئی این ایچ ایس دا کوویڈ پاس بطور داخلے دی شرط دے نہیں ورتیا جانا چاہیدا۔ ایہناں وچ ضروری سروسز تے ضروری خوردہ فروش یعنی ریٹیلرز شامل نیں جہڑے کی عالمی وبا دے دوران کُھلے رہے سن۔

Published 29 March 2021
Last updated 15 October 2021 + show all updates
  1. Translations added for latest version.

  2. Updated link to current international travel guidance and removed reference to 'traffic light system' for international travel as this no longer exists.

  3. Removed Cornwall Council, Devon County Council, Council of the Isles of Scilly, Plymouth City Council and Torbay Council as local authority areas receiving an enhanced response to COVID-19.

  4. Updated guidance following Prime Minister's statement on the autumn and winter plan.

  5. The following languages have been added or updated to reflect the latest step 4 guidance. - Arabic - Bengali - Farsi - Gujarati - Hindi - Polish - Punjabi Gurmukhi - Punjabi Shahmukhi - Slovak - Somali - Urdu - Welsh - French - Portuguese - Tamil We removed reference to Enhanced Response Areas as these were out of date.

  6. Removed Darlington Borough Council, Durham County Council, Gateshead Council, Hartlepool Borough Council, Middlesbrough Council, Newcastle City Council, North Tyneside Council, Northumberland County Council, Redcar and Cleveland Borough Council, South Tyneside Council, Stockton-on-Tees Borough Council and Sunderland City Council as local authority areas receiving an enhanced response to COVID-19.

  7. Added Cornwall Council, Devon County Council, Council of the Isles of Scilly, Plymouth City Council and Torbay Council as local authority areas receiving an enhanced response to COVID-19.

  8. Updated structure and clarified language throughout to improve readability.

  9. Removed references to 16 August in the self-isolation exemption criteria section. This is because the changes are now current.

  10. Added information on self-isolation changes from 16 August

  11. Added easy read version of 'how to stay safe and help prevent the spread' guidance.

  12. Edited get tested and self-isolate. The length of time 18 year olds who are a contact of a positive case will be exempt from self-isolation has changed from 4 months after their 18th birthday to 6 months after.

  13. Added Gujarati translation.

  14. Corrected the 'International travel' section which said people should not travel to countries or territories on the red or amber lists. It now says "You should not travel to countries or territories on the red list.".

  15. Removed Greater Manchester Combined Authority from areas receiving an enhanced response (covering Bolton, Bury, Manchester, Oldham, Rochdale, Salford, Stockport, Tameside, Trafford and Wigan)

  16. Added translations for Step 4 guidance.

  17. Added local authority areas receiving an enhanced response (Newcastle City Council, North Tyneside Council, Northumberland County Council, Durham County Council, Gateshead Council, South Tyneside Council, Sunderland City Council, Darlington Borough Council, Hartlepool Borough Council, Middlesbrough Council, Redcar and Cleveland Borough Council and Stockton-on-Tees Borough Council). Removed areas no longer receiving an enhanced response (Lancashire County Council, Blackpool Borough Council, Cheshire East Council, Cheshire West and Chester Council, Liverpool City Region, Warrington Borough Council, Bedford Borough Council, Blackburn with Darwen Borough Council and Bolton Council).

  18. Updated with information for people who are pregnant.

  19. Removed Birmingham City Council from areas where the new variant is spreading.

  20. Guidance updated for the move to COVID-19 rules step 4 on 19 July.

  21. Guidance updated following the announcement of a move to step 4 on 19 July.

  22. Added Brighton and Hove City Council to the areas where the Delta variant is spreading fastest.

  23. Added Oxford City Council to the areas where the Delta variant is spreading fastest.

  24. Removed Leicester City Council and North Tyneside Council from areas where the new variant is spreading.

  25. Updated to clarify that a PCR test should be taken even if symptoms are mild.

  26. Translations updated

  27. Removed Kirklees from list of areas where there's an enhanced response to the spread of the Delta variant.

  28. Updated international travel section with a link to new simplified guidance on international travel.

  29. Removed Hounslow from list of areas where there's an enhanced response to the spread of the Delta variant

  30. Translations updated to guidance published on 14 June.

  31. Updated in line with new rules from 21 June. There are updates to the rules on weddings and civil partnership ceremonies and wedding receptions or civil partnership celebrations, commemorative events following a death such as a wake, stone setting or ash scattering, care home visits and domestic residential visits for children.

  32. Updated to reflect the publication of revised guidance on arranging or attending a funeral during the coronavirus pandemic.

  33. Updated to reflect the publication of revised wedding and civil partnership ceremonies, receptions and celebrations guidance and new guidance on what you need to do if you're planning a wedding or civil partnership or funeral, wake or commemoration in venues such as gardens or marquees on private land.

  34. Updated the list of areas where the Delta variant is spreading with new councils.

  35. Updated summary with information on changes from 21 June.

  36. Added guidance for people living in areas with variants of concern.

  37. Page updated to align with updated travel guidance in Northern Ireland.

  38. Updated to provide clarity on the type of test to be used for those with or without symptoms. Changed the order of paragraphs in the support bubble section. Clarified the guidance on staying overnight in other people's homes.

  39. The guidance for areas where the new COVID-19 variant is spreading has been updated to make it clearer we are not imposing local restrictions

  40. Updated guidance for areas where the new COVID-19 variant is spreading

  41. Step 3 guidance updates

  42. Added additional guidance on new variant

  43. Updated with new summary: "How the rules will change on 17 May".

  44. Scottish Government travel restrictions updated.

  45. Updated translated versions of guidance in accordance with 12 April changes.

  46. Updated guidance on in-person teaching at universities and higher education.

  47. Updated in line with the latest government guidance.

  48. Updated with additional information on travelling within the Common Travel Area (CTA).

  49. Updated to include how coronavirus restrictions will change from April 12th.

  50. Added full translations to guidance.

  51. Updated to clarify the rules on indoor mixing with members of your support bubble.

  52. Updated with new advice for people who are clinically extremely vulnerable and clarification on the rules for staying overnight with members of your support bubble.

  53. Coronavirus restrictions page updated to include translated summaries of 29 March guidance changes.

  54. First published.