Gwirio a oes angen cymeradwyaeth ar gyfer cynhyrchwyr cynhyrchion alcoholaidd (APPA) arnoch
Bydd angen gymeradwyaeth arnoch gan CThEF i gynhyrchu cynhyrchu cynhyrchion alcoholaidd fel cwrw, seidr, gwirodydd, gwin, neu gynhyrchion eplesedig eraill yn y DU.
Os ydych eisoes wedi’ch cofrestru neu eich trwyddedu
Os oeddech eisoes wedi cofrestru neu â thrwydded i gynhyrchu cynhyrchion alcoholaidd cyn 1 Chwefror 2025, byddwn yn mudo eich cofrestriadau neu drwyddedau ar wahân yn awtomatig i un gymeradwyaeth ar gyfer cynhyrchydd cynhyrchion alcoholaidd (APPA). Ni fydd angen i chi wneud cais am gymeradwyaeth newydd.
Byddwn yn anfon llythyr atoch i gadarnhau manylion eich cymeradwyaeth newydd. Os nad yw’r llythyr wedi eich cyrraedd erbyn 25 Chwefror 2025, dylech gysylltu â: nru.alcohol@hmrc.gov.uk.
Dylai’r e-bost gynnwys y manylion canlynol:
- enw’r busnes
- cyfeiriad a chod post cofrestredig y busnes
- Cyfeirnod Unigryw y Trethdalwr
Pwy sy’n gorfod gwneud cais
Mae’n rhaid i chi fod â APPA gan CThEF cyn i chi ddechrau cynhyrchu cynhyrchion alcohol yn y DU.
Gall cynhyrchu olygu creu cynhyrchion alcoholaidd o gynhwysion amrwd. Gall hefyd olygu cynnal gweithgareddau ar gynhyrchion alcoholaidd, sy’n arwain at y canlynol:
-
newid eu halcohol yn ôl cyfaint (ABV)
-
newid eu dosbarthiad cynnyrch
-
yn cynhyrchu cynnyrch gwahanol
Mae hyn yn cynnwys cymysgu neu goethi gwirodydd, gan ddefnyddio cynhyrchion alcohol sydd â tholl wedi’i ohirio.
Os ydych yn wneuthurwr seidr bydd angen i chi wneud cais am APPA, hyd yn oed os ydych yn gwneud y canlynol:
- oeddech wedi eich esemptio rhag ceisio cymeradwyaeth yn flaenorol
- cynhyrchu llai na 5 hectolitr o alcohol pur mewn seidr a dim cynnyrch alcoholaidd arall
Ni fydd angen APPA arnoch os nad ydych yn cynhyrchu cynhyrchion alcoholaidd, a dim ond yn gwneud y canlynol:
- cadw cynhyrchion alcoholaidd, gan arwain at newid graddol mewn cryfder
- gwneud ychwanegiadau neu gyflawni prosesau fel rhan o’r broses pacio
- bwriadu cadw cynhyrchion alcoholaidd mewn gohiriad tollau
- mewnforio cynhyrchion alcoholaidd gorffenedig
- potelu cynnyrch alcohol swmp heb ei newid
- cymysgu neu goethi gwirodydd gan ddefnyddio cynhyrchion alcoholaidd sydd â tholl
- pacio cynhyrchion alcoholaidd (gan roi cynnyrch alcoholaidd swmpus a gynhyrchir mewn mannau eraill mewn cynwysyddion)
Darllenwch adrannau 2 a 3 o’r canllaw technegol ar gyfer cynhyrchion alcoholaidd (yn agor tudalen Saesneg) ar gyfer y canlynol:
- diffiniadau o’r holl gynhyrchion alcoholaidd
- pa weithgareddau sy’n cael eu dosbarthu fel cynhyrchu
Esemptiau
Ni fydd angen am APPA arnoch i gynhyrchu cynhyrchion alcohol ar gyfer y canlynol:
- defnydd domestig (nid yw hyn yn cynnwys gwirodydd)
- at ddibenion ymchwil neu ddibenion arbrofol
Sut mae’r APPA yn gweithio
Bydd gennych un APPA sengl. Bydd hyn yn cynnwys pob un o’r canlynol:
-
categorïau o gynhyrchion alcoholig y gallwch eu cynhyrchu
-
mathau o weithgareddau sy’n gysylltiedig â chynhyrchu y gallwch eu cyflawni, megis dal cynhyrchion alcoholaidd mewn gohiriad tollau
-
safleoedd lle gallwch gynhyrchu cynhyrchion alcoholaidd a’u dal mewn gohiriad tollau
Gallwch wneud cais i gymeradwyo mwy nag un safle, neu gategori o gynhyrchion alcoholaidd, ar yr un pryd. Gallwch hefyd ddiweddaru eich cymeradwyaeth bresennol, i ychwanegu eiddo newydd, neu gategorïau o gynhyrchion alcoholaidd. Dim ond cynhyrchion alcoholaidd yr ydym wedi’u cymeradwyo y gallwch eu cynhyrchu, ar safleoedd yr ydym wedi’u cymeradwyo.
Mae’n drosedd cynhyrchu cynhyrchion alcoholaidd heb y gymeradwyaeth briodol, neu ar safleoedd nad ydym wedi’u cymeradwyo. Mae’n bosibl y bydd yn rhaid i chi dalu cosb os byddwch yn gwneud hynny. Gallwn hefyd atafaelu unrhyw gynhyrchion alcoholaidd, pecynnu, offer neu sylweddau a ddefnyddir wrth gynhyrchu cynhyrchion alcoholaidd.
Sut i wneud cais
Gwnewch gais am gymeradwyaeth ar gyfer cynhyrchwyr cynhyrchion alcoholaidd gan CThEF.
Rhagor o wybodaeth
I gael gwybodaeth fanwl am I gael rhagor o wybodaeth fanwl am APPA a’r broses gymeradwyo, darllenwch y canllaw technegol ar gyfer cynhyrchion alcoholaidd (yn agor tudalen Saesneg).
Updates to this page
-
The section 'Who must apply' has been updated with more information about what producing alcohol means, and more information for cidermakers.
-
Updated to say that users should only contact HMRC about their alcoholic products producer approval (APPA) ID if they have not received it by 25 February 2025.
-
Added translation
-
Added translation